السلام عليكم
رحلة الى ارض الاحلام تكشف من هو الانسان !
الانسان دلوقتى وصل لعلم و معرفة و ذكاء و خبرة ... يبدو في بعض الاوقات انه قـــوي للغاية و هيكون له قدرة ما على التحكم في الكون –عالاقل لحد دلوقتى بيتحكم في كوكب الارض و الله اعلم هيعمل ايه في المجموعة الشمسية و المجرة في مستقبله::مغتاظ::- ...
بس رغم كدة يظل الانسان مخلوق ضعيف , تتحكم فيه غريزة البقاء و المشاعر الانسانية.....
كله دار في بالي و انا بتفرج على فيلم Titanic .. لاقيت ان الانسان وصلت بيه قواه انه يبقى جسم بالضخامة و المتانة و الشياكة دي;) .. بس من اصغر غلطة يبدا يبان على وشه التاني:confused: .. الكائن الضعيف .. غلط غلطة ضيعت منه مئات الارواح الا و هي "نوع المعدن المستخدم في بناء السفينة اللي ادى وجوده في ماء كماء المحيط و جوّه الى تحلله و اصدر اثناء تحلله صوت يشبه صوت الارتطام –عشان كدة الناس فكرى انه خبط في جبل جليد- و عرفت المعلومة المفاجاة دي من صديقتي الطالبة بكلية الهندسة:rolleyes:" !!!
المهم بقى و انا بتفرج عالفيلم و شايفة الناس بتستنجد بالمكروبين اللي زيها و كله بيحاول ينفد بجلده و غريزة البقاء شايفة شغلها كويس:محبط: ..
و احساسي انه انا ممكن اكون هناك في يوم من الايام كان احساس صعب اوي:( ..
و الاهم من ده لحظات الفراق بين الاحباء :o..
لما الاولاد ميبطلوش صراخ وعياط هم و امهاتهم على فراق راجلهم :محبط:..
و لما (روز) تركب قارب النجاة مبتعدة عن (جاك) و هنا قمة المأساة:محبط: , حتى اكبر من الغرق::مغتاظ:: ..
و حركتها المجنونة لما تنط من القارب عشان ترجع لـ(جاك);)...
وكمان موقف القبطان اللي ياعيني حبس نفسه في اوضته و استنى المياه تغرقه:محبط: ...
ولا السفينة لما تميل على احد جنبيها و يبان مراوحها التحتية "الــوحــشــيـــة المخيـــفـــة:eek:" وبعدين تنقسم فينزل نصها المرفوع على دماغ الناس اللي في المياه تحتيها:محبط: –وكانها بتقولهم "مغرقتش ؟؟!! طب وحياتك لاقسم دماغك نصين":mad:-...
ده غير المآسي التانية ... كفاية كدة ها :cool:؟
اتاثرت فعلا بالفيلم ده و انصح اللي شايف نفسه قوي و مافيش منه اتنين يتفرج عالفيلم ده و يعرف قد ايه هو صغير لا حول له و لا قوة :ميت:...
و كل ما افتكر ان اللي مر بيه ممثلي الفيلم ده مر بيه ركاب عبارة السلام 98 و عبارة اكسبريس...إلخ احس بالحزن و قلة الحيلة دول كانوا جنبنا في البحر الاحمر مش في الاطلسي :مذنب:... ااااه و عجبي!!
Anyway
قولولي عن حاجة انسانية اتاثرتم بيها في الفيلم ده او اي فيلم تاني ... او حتى من الحياة ..
مستنية........
يلا استنيت كتير ... عبّر و انشر
