الايام بتفرقنا

راح يجـي يـوم وتقول ابتعـد عني ما بستغرب لـو هاليـوم جا وتفرقنا

بحسب حسـابي عشان ما تخيب ظني محنا لبعض ليه نكـذب على أنفسنا

أنا متوقـع انك فيـوم راح تتركني لأن الظروف اللي بينا صعب تجمعنا


لكـن لو جا هاليوم وتفارقنا صدقني راح أدعيلك بالخيـر وأتذكـر حبنا

من الحين أقلك عشان أبـريء ذمتي أشيـاء كثيـر بينـي و بينك تمنعنا

كل شي مكتوب ماهو منك ولا مني هذي أقـدار و ما ينلام أحـد فينا


مادام الظروف مقفله عندك وعندي ليه مانبعد ونذكـر بالخيـر بعضنا

نبعد واحنا حبايب ياسعدك وسعدي بدل مانبعـد و الجـرح فينا يشقينا

أنا خايف من الأيام تبعدك و تبعدني والشي اللي نخاف منه دايـم يجينا


بس خوفي أكثر عليك يانظـر عيني أخاف عليك من جرح الزمن وسنينا

وأنا لي قلب مايتحمـل اللي يجيني ويموت لو جا يـوم وقلنـا انتهينا

ولو بقينا بتعلـق فيك و تتعلق فيني وراح يصير الذنب ذنبـك لو بقينا


من الحين أقولك عشان أريح ضميري بتركـك وحده وحده والله يعينا

صدقني راح أبعد عنك شري وخيري أنت انسان وأنا انسان والأيام بتنسينا

البعد قاسي لكـن مثلي مثل غيري نبعد برضانا قبل مانبعد غصب علينا

هذا نصيبي ولازم أطيـر مع طيري وما تضيق الا ويفرجها رب العالمين

منقول..........