(خايف) كلمة لين متى مدفونه ..؟؟؟
السلام عليكم والرحمه
كيف حال الجماعه ان شاء الله تمامزز
خايف ... كلمة ما تقدر تطلعها , خايف .. كلمة ماهو سهله قولها
خايف .. السؤال راح اسأله واقول انت خايف .. اكيد راح يكون الجواب لا لكن لكل شخص شي يخاف منه .
اذا سألت وقلت خايف من شي من يوم صغرك .؟؟
البعض راح يقول نعم والبعض لا
اذا سألت وقلت خايف من غلطة ومنت قادر تعدلها ..؟؟
البعض نعم والبعض لا
اذا سألت وقلت خايف من معصية ومنت قادر تفك حالك منها
نفس الجواب راح يكون ...
لكن .. جوابي راح يكون غير هالاجوبة
جوابي عالسؤال الاول راح يكون .. عرفت حالك خايف من شي معين من صغرك البعض يخاف الظلام والبعض يخاف القعده لوحده والبعض خايف من والده ووو.....الخ
لكن هل حاولت تدور عالحل لخوفك .... الصغر خايف من شي معين لازم يكون في سبب خلاك تخاف منه يا انه من تهديد كنت تسمع له يوم كنت صغير او قسوة من الاهل او صراخ وقد توصل بعض الحالات للضرب فاستوى لهم خوف داخلي ماهم بقادرين يطلعوه .
خايف من غلطة ومنت قادر تعدلها ... اشياء كثير نغلط بها الانسان ماهو معصوم من الخطأ ابد وكل انسان خطاء لكن عدلت غلطتك ولا ما تقدر تعدلها .. جوابي منا راح اقول على حسب اذا كانت غلطتك بسيطة ما توصل لمعصية او فاحشة او شي كبير تقدر تعدلها اذا كانت عندك الرغبة انك تبي تعدلها اما اذا حطيت فبالك لا هي غلطة وماني قادر اغيرها فهذي اللحظة ماراح تقدر تعدلها
يعني اذا كانت عندك الرغبة فالشي انك تسويه راح يستوي لك
خايف من معصيه قاعد تسويها وتعلقت بها .. تبي تغيرها لكن منت قادر , اعطيكم مثال واحد حب وحده وضحك ودردشة الين ما وصلت السالفه ان هذا عطاها ايميله وهذي عطته ايميلها وبدوا شوي شوي .. لحالهم محد معهم .. اعتقادهم لكن دامهم اثنين في معصية فالشيطان ثالثهم .. هذا الولد حب هالبنت لدرجه ماهو قادر يتركها وكانها جزء منه ... ومن الصعب وقد يكون مستحيل انك تتخلى عن جزء منك . . . .. " احاول اتركها بس ماقدر بالي يفكر فيها عارف اني غلطان بس ماني قادر خايف اتركها تزعل علي خايف اتركها لاني حبيتها خايف وخايف وخايف".
او
وحده على هيئة ولد قالت مجرد لعبة فالمنتدى وسوالف وضحك .الخ
واستوى لها ربع على انها ولد وتعرفت على فلان وعلان وقالت لهم اسم ماهو اسمها (اسم ولد ) وصار لها نقول شهر وهي عارفتهم وتعلقت بربعها وهي تفكيرها يقول انها مجرد لعبه عليهم لكن اذا قلت لها تقدرين تتركيهم هل راح تتركهم ..؟؟؟
ما اظن ابد انها راح يكون جوابها نعم لانها تعاشرت معهم خذت وياهم .. راح تقولوا لها ان هالشي غلط راح تقول "عارفه بس ماني قادرة اتركهم صاروا وكانهم جزء مني وخايفه اتركهم يقولوا يمكن صار معي شي او او او ..الخ
اذا سألتها وقلت لها تقدرين تقولي لهم انج بنت ..؟؟؟
شي بديهي راح يكون جوابها لا
واذا سألتها ليش راح تقول"خايفه يزعلون علي او يفضحوني وانا ما ابي انفضح او ما يعطوني وجه مرة ثانية او او ..الخ
لكن وين الحل ..؟؟
تبي الجواب ..
راح اعطيك الجواب
اذا سألتك هالسؤال وقلت متى آخر مرة عرفت فيها كلام الله
لا تقول فالصلاة او اني سمعت شريط او الراديو شوي وبعدها قفلت عليه ..
متى آخر مرة مسكت فيها القران وقاعد تقرى فيه تدبرت فآياته عرفت المعاني
الي يبي يوصل لها سألت استفسرت .. الجواب لكم
{اذا عرفت ربك صح وعرفت آياته راح تقدر تزيل خوفك}..
خايف! تذكر ربك .. تذكر انك مو لازم تخاف الا من ربك
خايف من غلطة ! استعجل وعدلها قبل ما تستوي كبيرة
خايف من معصية ! غيرها بدلها اترك الي انت فيه ترى حنا فدنيا
راح تزول قريب الحق نفسك لا تضيعها فالمعصية وتحبس نفسك
بكلمة <. خايف .>
اكسرها اكسر حاجزها لا تخليها توقف عثرة فطريقك
وش احسن لك الجنة ولا النار .... الجواب هو الجنه اكيد
لكن تعرف توصل لها .. صدقني ماراح تقدر توصل لها دامك خايف
ما تقدر ! روح ارجع للقران تذكر ربك الي خلقك
ما نفع وياك روح عند ابوك خايف منه اكسر الحاجز .. حاط فبالك ماهو فاهمني ..!!
فاهمك وفاهم كل حركة انت تسويها لانه مر بنفس مرحلتك
فضفض قول ..خايف يزعل يتنرفز .. منت عارف وش الي راح يقوله
لك ابتدي معه بالكلمة الحلوة خل اسلوبك معه اسلوب ولد لوالده مو العكس مثل ما صاير فعصرنا الحين
بوس راسه .. منت عارف كيف تطرح عليه مشكلتك
قول له المشكلة على انها صايرة لغيرك مو لك بعدها اذا عرفت
الجواب منه قول عطني نصيحه على انها له مو لك .. خايف يكشفك , اذا عرف انك غلطان ماراح يزعل عليك بالعكس راح يفرح
ان ابنه شرف لعنده وطرح عليه مشكلته يبي الحل يبي الخلاص
منها . { غير حياتك شيل قيودك }
وكلمتي فالأخير راح اقول
{ ماراح يستوي شي الا اذا كانت لديك الرغبة فالتغيير .. }
