شوكة في عنق الوطن

يا ردوجبا قول لأورنا الفراعنة هيقطعونا


شدي حيلك يا بلد !!!

ثم أخذت نفس عميق و سطرت هذا الموضوع ،،

بسم الله الرحمن الرحيم

الخميس مواجهة النهائي بين مصر و الكوت دي فوار الساعة 10 و نصف بتوقيت سوهاج (مصر) ،، عفواً هي ليست النهائي بل هي نصف النهائي لبطولة الأمم الأفريقية في غانا ،، لكنها نهائي بكل المقايس لأن من سيفوز سيكون و بنسبة 90% هو بطل هذه النسخة من الأمم الأفريقية ،،

أعجبني في البطولة موقف اللاعب ديديه دروجبا نحو بلده ،، ذلك القائد الكروي المحنك صاحب نظرة الصقر و سرعة الفهد و جسد الغول و روح المقاتل ،، يحب بلاده الكوت دي فوار بدرجة تجعلك تستعجب منها ،، ذلك الحب الذي جعله يتخلى عن جائزة أفضل لاعب في أفريقيا ،، و جعله يلعب بروح لا بقدم ،، مقاتل يستحق التقدير و الإحترام و قائد يستحق الإبراز و الإشادة ،،

ذكرني الكابتن دروجبا نحو بلاده ببعض زملائي في كلية الطب حملة الشهادات الثانوية الغير مصرية أو ما تسميه الجامعة بـالشـهادات المـعادلة ،، هؤلاء تربوا خارج وطنهم الأم و تربوا غالبا في دول الخليج بل بعضهم ولد هناك و عاش هناك و لأنه ممنوع على الوافدين في دول الخليج أن ينضموا إلى كليات حكومية و لأن زملائي حاصلين على مجاميع خرافية في الثانوية أقلهم 96 % فهم حريصين على أن يدخلوا كلية الطب و كليات القمة الأخرى ،، الملاخظ ان غالبيتهم غير ممنونون مما هم فيه أو بطريقة أخرى غير عاجبهم الحياة في مصر ،، و يجزمون على أن عيشتهم في دول الخليج أفضل بما فيها من راحة و تنعم ،،

أحد أصدقائي و هو حاصل على الثانوية السعودية يقول لي: تخيل أذهب للكلية على قدمي و قد كان أبي يوصلني هناك بالسيارة الكروزر في السعودية ،، مسكين هذا الولد يا عيني عليه ،، يا حبيبي يا ابني ،، أسم الله عليك يا قلبي ،، سيضطر أن يعبر الشارع و يسير على أقدامه 15 او 20 دقيقة في حر الصيف و برد الشتاء ليصل لكليته ،، قولت في نفسي إذا كان يفعل هذا الان فماذا سيفعل يوم زواجه !! ،،

انا أيضا من حملة شهادة ثانوية من دولة الإمارات و قد أحرزت مجموع خرافي عام 2004 احرزت 99,1% و لولا درجة واحدة لكنت دخلت الجامعة الأمريكية في الشارقة كلية هندسة البترول لكن النصيب جعلني أقفز إلى مصر ،، و يومها اخذت أبكي لأني ساترك وطني الثاني الإمارات إلى بلد يقولون عنه بلدي و هو مصر ،،

ثاني يوم لي في مصر و قد كنت في القاهرة و كان في الأجازة الصيفية خرجت مع 5 أصدقاء بينهم فتاتين و كانتا في الجامعة الأمريكية في القاهرة ،، لم أكن اعرفهن ،، حدثوني عن جامعتهم و كيف أنها الأفضل على مستوى مصر و بها أفضل الأساتذة و بها حرية و أولاد كبار رجال الدولة ،، فكرت و قولت إنها نفس المجتمع الذي كنت أعيش فيه ،،

قدم لي أبي في الجامعة الأمريكية وقدم لي أيضا في الجامعات الحكومية ،، تم قبول طلب إنضمامي بالجامعة الأمريكية في كلية الهندسة و ذهبت أول يوم ولازلت اتذكره جيداً كان يوم السبت 18 سبتمبر 2004 ،، دخلت الجامعة الأمريكية لأرى بأم عيني صاعقة اخلاقية كبيرة ،، تلك الفتاة تنام على حجر ذلك الصبي أما هذا الرجل الطويل العريض فآمن في حضن صديقته كالطفل في حضن أمه ،، في نفس اليوم قالوا لي في الصعيد أنني قبلت في كلية الطب ،،

قفزت من الجامعة الأمريكية إلى الصعيد و إلتحقت بكلية الطب في الصعيد ،، فشاهدت أصدقاء لي كانوا في عمان و السعودية و الكويت و تعرفت على الجنرال و قد حصل على الثانوية من الإمارات ،، أحسست أن عدد كبير من هؤلاء لا ينتمون إلى مصر بقدر ما أحببتها في شهريين ،، إنتماءهم نحو دولهم لكنهم مصريين على الورق فقط ،،

من ثم عندما رأيت دروجبا و قدرت الوطنية عن حق ،،

من ثم أردت ان أعرف ما هو الوطن أهو ذلك المكتوب في الورق ؟! أم هو الذي تربينا على حبه ؟! ،،
هذا الموضوع ليس حكراً على المصريين المتربين في الخارج بل على كل إنسان ربي بعيد عن بلده أنا أسميه لو كان مصري (مصري بالمعادلة) أو سوري (سوري بالمعادلة) ،، سبحان الله

أسئلة لكم :: مزعجة ::

1- هل تؤيد قانون منع الطلاب الوافدين من الإلتحاق بالجامعات الحكومية في الخليج؟
2- ما الحكمة من منع الطلاب الوافدين من إلتحاقهم بكليات الدول الخليجية الحكومية؟
3- هل ترى أن هؤلاء طلاب المعادلة بثقافتهم يؤثرون على وطنهم الأم؟
4- هل الوطن هو المكان الذي ربيت فيه أم المكان الذي منه أبي و امي؟

انتى ياد ياطبيب
ايه الحياة وايه النظام

إقتباس:

---

الخميس مواجهة النهائي بين مصر و الكوت دي فوار الساعة 10 و نصف بتوقيت سوهاج (مصر) ،، عفواً هي ليست النهائي بل هي نصف النهائي لبطولة الأمم الأفريقية في غانا ،، لكنها نهائي بكل المقايس لأن من سيفوز سيكون و بنسبة 90% هو بطل هذه النسخة من الأمم الأفريقية

---

النهاردة حاجة من اتنين يانركب الافيال يانركب السريع
وبعدين انتى صعيدى وعاملى فيها ياما هنا ياما هناك
بيقولك واحد صعيدى خلع العمة فقد الذاكرة
هعهعهعهعهعهعهعهعهعهعهعهعهعهعهعهعهع
وجنرال كمان
هعهعهعهعهعهعهعهعهعهعهعهعهعهعهعهعهعهع

إقتباس:

---

أحد أصدقائي و هو حاصل على الثانوية السعودية يقول لي: تخيل أذهب للكلية على قدمي و قد كان أبي يوصلني هناك بالسيارة الكروزر في السعودية ،، مسكين هذا الولد يا عيني عليه ،، يا حبيبي يا ابني ،، أسم الله عليك يا قلبي ،، سيضطر أن يعبر الشارع و يسير على أقدامه 15 او 20 دقيقة في حر الصيف و برد الشتاء ليصل لكليته

---

ياعم دى عيال نايتى
شباب بيجى بيجى من اللى بتروح وتيجى

إقتباس:

---

قولت في نفسي إذا كان يفعل هذا الان فماذا سيفعل يوم زواجه !!

---

باذن الله يرفع علم مصر هعهعهعهعهعهعهعهعهعهعهع

إقتباس:

---

قدم لي أبي في الجامعة الأمريكية وقدم لي أيضا في الجامعات الحكومية ،، تم قبول طلب إنضمامي بالجامعة الأمريكية في كلية الهندسة و ذهبت أول يوم ولازلت اتذكره جيداً كان يوم السبت 18 سبتمبر 2004 ،، دخلت الجامعة الأمريكية لأرى بأم عيني صاعقة اخلاقية كبيرة ،، تلك الفتاة تنام على حجر ذلك الصبي أما هذا الرجل الطويل العريض فآمن في حضن صديقته كالطفل في حضن أمه ،، في نفس اليوم قالوا لي في الصعيد أنني قبلت في كلية الطب ،،

---

امال انت فاكر ايه يابنى دى الجامعة الامريكية
انت لو جيت عندنا اداب عين شمس اه ه ه ه ه
يانهار لبن هتعيش بجد

إقتباس:

---

قفزت من الجامعة الأمريكية إلى الصعيد و إلتحقت بكلية الطب في الصعيد ،، فشاهدت أصدقاء لي كانوا في عمان و السعودية و الكويت و تعرفت على الجنرال و قد حصل على الثانوية من الإمارات

---

ايوه ياعم جنرال صاحبك اللى ليه دهر ماينضربش على بطنه

بقولك ايه يازميلى انا مش هجاوب على الاسئلة علشان زى ماقولت مزعجة
بس انت من الاخر بتحكى فى ايه يعنى انت ندمان انك جيت مصر ولا ايه الحوار

السلام عليكم و رحمة الله و بركاته

موضوعك يا طبيب النيل المره دي قاسي

جدا

المهم ان انا من الناس اللي اتربوا في دوله من دول الخليج

و في السعوديه بالتحديد

إقتباس:

---

زملائي حاصلين على مجاميع خرافية في الثانوية أقلهم 96 % فهم حريصين على أن يدخلوا كلية الطب و كليات القمة الأخرى ،،

---

انا معرفش نظام الدراسه في كل دول الخليج

بس على الاقل عارفه النظام في السعوديه

يا اخي انا في ثانويه العامه السنه دي

المشكله ان في ناس السنه اللي فاتت اخدوا الشهاده من السعوديه و نزلوا مصر

بمجموع والله العظيم بدون مبالغه 99.8% و اخدوا في مصر المستوى الرفيع و اترفع مجمعهم

لــــــــ 100 % و مدخلوش طب و لا صيدله و لاهندسه

و انا عارفاهم بشكل شخصي لان 95% من مصر احسن ألف مرة من 100% من السعوديه

إقتباس:

---

بطريقة أخرى غير عاجبهم الحياة في مصر ،، و يجزمون على أن عيشتهم في دول الخليج أفضل بما فيها من راحة و تنعم ،،

---

المسأله فيها خلاف اكيد . يعني على قد ما انا نفسي ارجع بلدي و اعيش فيها باقي عمري

على قد ما انا قلقانه من العيشه هناك لسبب بسيط جدا و هو :

ان انا عشت طول حياتي بإسلوب معين صعب عليه اني اغيره فجأه و مطلوب مني التأقلم بسرعه

اكيد المسأله مسأله وقت لا اكثر .

إقتباس:

---

و يومها اخذت أبكي لأني ساترك وطني الثاني الإمارات إلى بلد يقولون عنه بلدي و هو مصر

---

مهما كان الاسلوب اللي بيتعامل بيه المهاجر و المغترب عن بلده

اسمح لي ............. عمرك ما تحس انك في بلدك و انك بتتعامل زي اهل البلد الاساسيين .

إقتباس:

---

أحسست أن عدد كبير من هؤلاء لا ينتمون إلى مصر بقدر ما أحببتها في شهريين ،، إنتماءهم نحو دولهم لكنهم مصريين على الورق فقط ،،

---

انا عن نفسي بحب السعوديه جدا لاني عشت فيها أكتر من نص عمري .

بــــــــــــــــــــــــــــــــــس

إنتمائي الاول و الاخير لمصر

إقتباس:

---

من ثم أردت ان أعرف ما هو الوطن أهو ذلك المكتوب في الورق ؟! أم هو الذي تربينا على حبه ؟!

---

انا فعلا اسفه لاني حقول الكلام ده بس في بعض المصريين هنا بيكرهوا مصر جدا

يمكن نسيوا انهم مهما بعدوا عنها راجعيين لها .

و في اعتقادي ان الوطن اللي مكتوب في الورق نفسه الوطن اللي اتربينا على حبه .

إقتباس:

---

(مصري بالمعادلة)

---

انا مش متفقه معاك ابدا في التسميه

مش معنى اني متربتش في مصر اني مش مصريه

انا عن نفسي بحب و افتخر اني مصريه يمكن اكتر من اللي عايشين فيها

إقتباس:

---

- هل تؤيد قانون منع الطلاب الوافدين من الإلتحاق بالجامعات الحكومية في الخليج؟

---

ايوه . لانهم حيفضلوا هناك لغايه امتى . بلدهم اولى بيهم و بثقافتهم .

إقتباس:

---

- ما الحكمة من منع الطلاب الوافدين من إلتحاقهم بكليات الدول الخليجية الحكومية؟

---

يمكن علشان يقللوا من المقيميين هناك . وده فعلا بيحصل .

إقتباس:

---

- هل ترى أن هؤلاء طلاب المعادلة بثقافتهم يؤثرون على وطنهم الأم؟

---

مش ممكن تحكم على الكل .

بــــــــــــــــــــس

عن نفسي انا مش بفضل اي ارض على ارضي

إقتباس:

---

- هل الوطن هو المكان الذي ربيت فيه أم المكان الذي منه أبي و امي؟

---

اللي منه اهلك و اصحابك و جرانك و بيتك

و مش بتتعامل فيه على انك غريب او دخيل .

شكرا طبيب النيل على النقاش

تحياتي :

أمواج

:)::جيد::

أهلا دكتور ..

لي عودة

لو تسمح لي ..

طالما أن القضية قضية أمة ..لا وطن ..

إقتباس:

---

الرسالة الأصلية كتبت بواسطة ~2pac

....................

---

:تعجب:
عيب عليكم كلنا عيال آدم وحوا

السلام عليكم


طبيب النيل


كيف حالك ^ـ^

إقتباس:

---

1- هل تؤيد قانون منع الطلاب الوافدين من الإلتحاق بالجامعات الحكومية في الخليج؟

---

لا

إقتباس:

---

2- ما الحكمة من منع الطلاب الوافدين من إلتحاقهم بكليات الدول الخليجية الحكومية؟

---

ربما لتقليل الضغط على الجامعة فكما تعلم الوافدون في الخليج كثيرون جدا والجامعة لا تستطيع ان تستقبل الكل كالمدارس

إقتباس:

---

3- هل ترى أن هؤلاء طلاب المعادلة بثقافتهم يؤثرون على وطنهم الأم؟

---

لا اعتقد فمهما كثروا يظلون قلة وسط الاغلبية في وطنهم
ولا يمكن للاقلية ان تفرض على الاكثرية رأيا او ثقافة

إقتباس:

---

4- هل الوطن هو المكان الذي ربيت فيه أم المكان الذي منه أبي و امي؟

---

الوطن هو الارض التي اشعر نحوها بالانتماء وليست الارض التي ارتبط بها جغرافيا وتصنيفيا

الوطن هوالمكان الذي اشعر بأني جزء منه وليس المكان الذي اشعر بأني عالة عليه

باختصار

الوطن هوالمكان الذي يعيش في داخلي وليس المكان الذي اعيش به



شكرا على الموضوع


إلى الملتقى

إقتباس:

---

الرسالة الأصلية كتبت بواسطة الجلاد الالهى

انتى ياد ياطبيب
ايه الحياة وايه النظام

---

ازيك يالا يا جلاد
ازيك يا معلم الحياة عاملة كوسة النهاردة
و انت عامل ايه
ايه دا لونك اخضر يبقا بتشجع الكاميرون
هههههههههههههههه

إقتباس:

---

النهاردة حاجة من اتنين يانركب الافيال يانركب السريع
وبعدين انتى صعيدى وعاملى فيها ياما هنا ياما هناك
بيقولك واحد صعيدى خلع العمة فقد الذاكرة
هعهعهعهعهعهعهعهعهعهعهعهعهعهعهعهعهع
وجنرال كمان
هعهعهعهعهعهعهعهعهعهعهعهعهعهعهعهعهعهع

---

ركبناهم
و اقلعناهم
احذورا عمرو زكي لو دخل البيت كل يحط ايده على بنطلونه
هخهخهخهخهخهخهخ

إقتباس:

---

بيقولك واحد صعيدى خلع العمة فقد الذاكرة

---

تخيل

إقتباس:

---

ياعم دى عيال نايتى
شباب بيجى بيجى من اللى بتروح وتيجى

---

بيج بيجي دا انوع عربية صيني و لا ايه؟.!!!

إقتباس:

---

باذن الله يرفع علم مصر هعهعهعهعهعهعهعهعهعهعهع

---

هيرفعه على ايه ؟؟؟
دا نيلة خالص

إقتباس:

---

امال انت فاكر ايه يابنى دى الجامعة الامريكية
انت لو جيت عندنا اداب عين شمس اه ه ه ه ه
يانهار لبن هتعيش بجد

---

بلاش سيرة اللبن في واحد هنا في المنتدى هيوقفك لو قولت لبن تاني
حساسية بقا
انا بصراحة كنت فاكر فيها تعليم بس يظهر ان التعليم فيها تقييييل قوي

إقتباس:

---

ايوه ياعم جنرال صاحبك اللى ليه دهر ماينضربش على بطنه

---

على فكرة انا و جنرال ما نعرفش ابونا

إقتباس:

---

بقولك ايه يازميلى انا مش هجاوب على الاسئلة علشان زى ماقولت مزعجة
بس انت من الاخر بتحكى فى ايه يعنى انت ندمان انك جيت مصر ولا ايه الحوار

---

بص على توقيعي و انت تعرف تجاوب السؤال!!

سلام يا زميلي

إقتباس:

---

الرسالة الأصلية كتبت بواسطة أمواج الذكريات

السلام عليكم و رحمة الله و بركاته

موضوعك يا طبيب النيل المره دي قاسي

جدا

---

و عليكم السلام و رحمة الله و بركاته

معلش كلهم بيقولوا كده في الاول ،،،

إقتباس:

---

المهم ان انا من الناس اللي اتربوا في دوله من دول الخليج

و في السعوديه بالتحديد

---

:eek::eek::eek::eek:
و انا افتكرتك من امبابة !!!!

إقتباس:

---

انا معرفش نظام الدراسه في كل دول الخليج

بس على الاقل عارفه النظام في السعوديه

يا اخي انا في ثانويه العامه السنه دي

المشكله ان في ناس السنه اللي فاتت اخدوا الشهاده من السعوديه و نزلوا مصر

بمجموع والله العظيم بدون مبالغه 99.8% و اخدوا في مصر المستوى الرفيع و اترفع مجمعهم

لــــــــ 100 % و مدخلوش طب و لا صيدله و لاهندسه

و انا عارفاهم بشكل شخصي لان 95% من مصر احسن ألف مرة من 100% من السعوديه

---

في السعودية في مواد دينية كتيرة و كلها بتتحذف من المجموع عند المعادلة بالشهادة المصرية
اخت صاحبي جاية من السعودية بممجموع 96% و دخلت كلية التربية انجليزي

إقتباس:

---

المسأله فيها خلاف اكيد . يعني على قد ما انا نفسي ارجع بلدي و اعيش فيها باقي عمري

على قد ما انا قلقانه من العيشه هناك لسبب بسيط جدا و هو :

ان انا عشت طول حياتي بإسلوب معين صعب عليه اني اغيره فجأه و مطلوب مني التأقلم بسرعه

اكيد المسأله مسأله وقت لا اكثر .

---

اه دا الكلام اللي بيقولوا الناس اللي الجلاد اتكلم عليهم
الناس البيجي بيجي

إقتباس:

---

مهما كان الاسلوب اللي بيتعامل بيه المهاجر و المغترب عن بلده

اسمح لي ............. عمرك ما تحس انك في بلدك و انك بتتعامل زي اهل البلد الاساسيين .

---

انا عارف انكم تعانوا من التمييز العنصري البغيج الذي يحكم الخليج العربي من اقصاه إلى اقصاه

إقتباس:

---

انا عن نفسي بحب السعوديه جدا لاني عشت فيها أكتر من نص عمري .

بــــــــــــــــــــــــــــــــــس

إنتمائي الاول و الاخير لمصر

---

أشك في ذلك

إقتباس:

---

انا فعلا اسفه لاني حقول الكلام ده بس في بعض المصريين هنا بيكرهوا مصر جدا

يمكن نسيوا انهم مهما بعدوا عنها راجعيين لها .

و في اعتقادي ان الوطن اللي مكتوب في الورق نفسه الوطن اللي اتربينا على حبه .

---

اتربيتي عليه ازاي انتي قعدتي في مصر اصلا
اعذريني انتي مصرية حبر على ورق
:confused:

إقتباس:

---

انا مش متفقه معاك ابدا في التسميه

مش معنى اني متربتش في مصر اني مش مصريه

انا عن نفسي بحب و افتخر اني مصريه يمكن اكتر من اللي عايشين فيها

---

انتي مصرية مع زقف التنفيذ يمكن التسمية دي اقصى بس هي دي الحياة

إقتباس:

---

مش ممكن تحكم على الكل .

---

تمام

إقتباس:

---

بــــــــــــــــــــس

عن نفسي انا مش بفضل اي ارض على ارضي

---

انتي مشروع فتاة مصرية بس التحدى الاكبر لما يبدا الامتحخان و تنزلي مصر يمكن تلعني و تشتمي فيها زي اغلب اللي رجعلها ،، الحب مش شوية كلمات ،،

إقتباس:

---

اللي منه اهلك و اصحابك و جرانك و بيتك

و مش بتتعامل فيه على انك غريب او دخيل .

شكرا طبيب النيل على النقاش

---

العفو يا ستي

إقتباس:

---

الرسالة الأصلية كتبت بواسطة واثق الخطى

السلام عليكم


طبيب النيل


كيف حالك ^ـ^




لا

ربما لتقليل الضغط على الجامعة فكما تعلم الوافدون في الخليج كثيرون جدا والجامعة لا تستطيع ان تستقبل الكل كالمدارس


لا اعتقد فمهما كثروا يظلون قلة وسط الاغلبية في وطنهم
ولا يمكن للاقلية ان تفرض على الاكثرية رأيا او ثقافة



الوطن هو الارض التي اشعر نحوها بالانتماء وليست الارض التي ارتبط بها جغرافيا وتصنيفيا

الوطن هوالمكان الذي اشعر بأني جزء منه وليس المكان الذي اشعر بأني عالة عليه

باختصار

الوطن هوالمكان الذي يعيش في داخلي وليس المكان الذي اعيش به



شكرا على الموضوع


إلى الملتقى

---

شكرا يا واثق على مشاركتك

السلام عليكم

انت متعصب ليه انا قلت حاجه غلط

او ضايقتك ؟؟؟؟؟؟؟؟؟؟؟؟؟؟؟؟؟؟؟

إقتباس:

---

و انا افتكرتك من امبابة !!!!

---

أكبر دليل اني مصريه بجد مش حبر على ورق زي ما قلت

و بعدين ليه يعني امبابه بالتحديد ؟؟؟؟؟؟؟

إقتباس:

---

في السعودية في مواد دينية كتيرة و كلها بتتحذف من المجموع عند المعادلة بالشهادة المصرية
اخت صاحبي جاية من السعودية بممجموع 96% و دخلت كلية التربية انجليزي

---

ده كان لغايه السنه اللي فاتت . عموما انت اكيد مش عارف ان الثانويه العامه في السعوديه

كانت سنه واحده و للأسف دفعتي الدفعه الوحيده إللي اتطبق عليها نظام السنتين

و كمان الامتحنات من المدرسه و احتمال ان الشهادة تكون غير معترف بيها في مصر

او يعملوا لنا اختبارات قدرات و دي حتكون مصيبه .

إقتباس:

---

اه دا الكلام اللي بيقولوا الناس اللي الجلاد اتكلم عليهم
الناس البيجي بيجي

---

برده انا متمسكه برأيي .

إقتباس:

---

انا عارف انكم تعانوا من التمييز العنصري البغيج الذي يحكم الخليج العربي من اقصاه إلى اقصاه

---

آآآآآآآآآآآآآآآآآآآآآآه اكيد .

إقتباس:

---

أشك في ذلك

---

انت نفسك قلت انك مكنتش مصدق ان انا عايشه في السعوديه

و انت كمان متعرفش انا بحب مصر قد إيه . و انت لو شفت ردودي هنا في المنتدى

على اي حد اتعرض لها حتصدقني.

إقتباس:

---

اتربيتي عليه ازاي انتي قعدتي في مصر اصلا
اعذريني انتي مصرية حبر على ورق

---

انا مشيت منها و انا عندي 7 سنين و راجعاله ان شاء الله و كمان من اهم الحاجات

إللي اتربيت عليها من أهلي في غربتي حب بلدي أولا و أخيرا

و بعدين انت تعرفني مننين علشان تحكم عليه اني معنديش وطنيه ؟؟

إقتباس:

---

انتي مصرية مع زقف التنفيذ يمكن التسمية دي اقصى بس هي دي الحياة

---

يعني انا معترضة على الأولى تجيب لي دي

الكلام ده مش صحيح .

و اكبر دليل انت . انت كمان عشت كل عمرك في الامارات بس انت مصري قلباً و قالباً

و لا انا غلطانه ؟؟؟؟؟؟؟؟؟؟؟؟

انت كمان مبتفضلش اي بلد على بلدك مصر مش كده .

إقتباس:

---

انتي مشروع فتاة مصرية بس التحدى الاكبر لما يبدا الامتحخان و تنزلي مصر يمكن تلعني و تشتمي فيها زي اغلب اللي رجعلها ،، الحب مش شوية كلمات ،،

---

انا فرحانه جدا لاني حرجع بلدي و لو كان ضروري اني اشتم في حد يبقى حشتم في

اللي كان السبب في اللي هي وصلتله دلوقتي .

ملحوظة انا مصريه مش مشروع مصريه .

و انا مش بتاعة كلام و بس .

إقتباس:

---

العفو يا ستي

---

مقبوله منك مع انها بأسلوب ساخر .

شكرا مره تانيه .

و اتمنى ان كلامي كان واضح .

مع السلامه .