السلام عليكــم ورحمـة الله وبركاتــة
لما تكون ماشي في الشارع ...و عاوز تسأل الساعة كام او تسال علي شارع معين
اياك .... ايااااااااااك ... تسأل اي واحده ست او بنت اقل من 40 سنه و ذلك للأسباب التالية
أولاً
مهما كانت سلامة نيتك و مهما كان ذوقك .. عمرك ما هتفلت من الظن السيء و الاقتناع التام انك بتعاكس .. و لو هي مردتش عليك هيبقي شكلك واضح جدا انك بتعاكس ..
لاحظ المنظر من بعيد -- واحد بيسأل واحدة علي حاجه و هي بتحود يمين بعيد عنه و هو بيسأل وتمشي و تسيبه .. ( شكل مثالي لواحد بيعاكس واحده ) مفيهاش كلام
ثانياً
الشباب .. بيبقوا رجالة اوي في المواقف اللي زي دي .. يعني ممكن واحد طول عمره معروف عنه الجبن و مالوش في الطور ولا الطحين .. و تلاقيه دخل في موقف زي ده يقولك ... جري ايه يا اخينا انت معندكش اخوات بنات .. متلم نفسك يا ابن الـ.... و هكذا ... الخ
و طبعا مش هتعرف توضح موقفك مهما قلت او عملت ...
ثالثاً
لو حد عارفك شافك المنظر من بعيد ... خصوصا لو كان قريبك او قريبتك .. او صحبك او صحابتك .... صعب اوي تعرف تفسر الموقف الا اذا كان بقي شخص بيثق فيك جدا .. بس صدقني لما يشوف المنظر بعينه من بعيد .. برضه مش هيصدقك
رابعاً
كتير جدا من البنات بيبقوا مستنيين لحظات زي دي عشان يثبتوا للمجتمع و العالم و الناس انهم ... بنات ناس ... و اللي يقربلهم تتقطع رجله ..!!
خامساً
ان الشارع مليان رجالة يا اخي .... متسأل اي واحد فيهم
مهما كانت عفويتك مش هتهرب من العقاب
و ده كان القانون الاول ... بند 5415416
لسنة 1841 م
