اقرأ مداخلة الاميرة /الجوهرة آل سعود في قناة الاصلاح

مداخله الاميره / الجوهره ال سعود في قناه الاصلاح :

الو .. لازم نوقف طابور عشان تعطوننا فرصه ما صارت هذي .. معكم الجوهره ال سعود .. بس عشان قناة الاصلاح اللي مايعرفك مايقدرك .. مساء الخيرلكل للسامعين
.. واتمنى يا سعد انك ماتقطع الاتصال لين اخلص كلامي وهذا يمثل اختبار لمصداقية لشعارك
الرأي والرأي الآخر
بصراحه انا مكلمه عشان اسأل وش هالصجة اللي عاملينها وش هـالازعاج .
الحين احنا خبثاء ؟؟ احنا زمرة فاسده ؟؟ احترموا انفسكم احنا ما ورانا الا انتم
خلصت اشغالنا يعني وش تبون بس وش تبون اكثر من كذا .. وش ذا عطيناكم وجه
دوله وسوينالكم لميناكم من البر ركضنا وراكم عشان تتعلمون ننقنع فيكم عشان التعليم
مدناكم.. بيوت وعطيناكم ..اراضي ووزعنا عليكم.. حتى المدن بنيناها لكم.. حتى ناطحات السحاب بيناها لكم حتى التابعيات عطيناكم ..في احد ما معه تابعيه ؟؟..مدارس وجامعات ومستشفيات
خليناكم زي البشر وهذي اخرتها ؟؟ يعني رب جريوك ياكلك
عفوا بصراحه تو ماتش
فضحتونا بجد حتى المكتوم في الامارات فشلتونا معهم .. لما اروح لدبي يحطون لي قناة الاصلاح يقولون لي اسمعي
وش تبووون ؟؟ الحضاره احنا اهلها الدين احنا اهله
بعدين يا سعد الحين انت بتصلح الامه ؟؟ مافي مطاوعه غيرك
ناظر سلمان العوده وسفر مع انه يزودها ومحسن وش حليله وكلهم مطاوعه ويقولون للشباب اتقوا الله
بعدين انا احذركم اي واحد يقل ادبه معي لايلوم الا نفسه ترى والله اكلم عمي نايف يقطع عنكم الكهرب
تبون يقطع عنكم الكهرب ؟؟
وبعدين هذا امس شكيب اللي يقول مقدر اعيش في مهانه .. ياخي اطلع من الدوله محد ماسكك ..
الله يعزنا ويخلينا واصلا انتم لولانا ماصرتوا بشر
وبعدين انا ابي اختم بقصيده

#
#
#
#
الخ .... القصيده

واشكرك يا سعد لانك ماقطعت الاتصال .. وميرسي
.................................................. ...............................................

:cool:

وش السالفة بالله ..!! :مندهش:
ممكن توضح :مندهش:

معليش يا أخوي :مرتبك: .. شكلك بتقول : وش جابها ذي ملاحقتني بكل مكان ما غير تسألني :D :p :D







تحياااااااتي The countess

:D
:D
:D

السالفة: هذا اتصال من الاميرة على قناة سعد الفقية مدير عام التوجة الاصلاحي المعارض في السعودية.... :rolleyes:

وأكثر من كذا مافية سالفة.. :D :D :D

أما التوضيح: :rolleyes: ممممممممممممممممم مدري ماأقدر ازيد عن الكلام الموجود... :D

هذي وجهة نظر الاميرة...ومفهومها ضد قناة الاصلاح.. :cool:


وللمعلومية.....وهذا رأي الشخصي...أنا اكرة سعد الفقية وأعتبرة انسان دنيوي..وفية ناس يقولون انه علماني....وماهمتني علمانيتة....لكن اللي يهمني ان فيه ناس كثير يقولون انه صاحب قضية....وأنا ماشوفه صاحب قضية..بالعكس هووو بعييييد (جدن جدن) عن العقيدة....ولا همه شي أكثر من الموارد الدنيوية......الله يهدية وكثير من الأشخاص اللي على شاكلتة... :ميت:


وبالعكس أختي انا بالخدمة وتسعدني ويشرفني ملاحقاتك الحلوة بكل وقت وبكل مكان على شرط...مايكون فية رمي بالسلاح...على خلفية الافلام الامريكية.. :D


شوترن لكم

^_^

الفقيه الفقيه كأني سمعت بهالإسم .. :لقافة: :لقافة:
آآآآآآآآه دجاج وبيض الفقيه :لقافة: :لقافة:
هو نفسه صاحب البيض والدجاج والطازج ؟؟
خخخ أنتم من وين تشترون الدجاج والبيض :لقافة: :لقافة: :لقافة:
من الفقيه والا من الأخوين والا من الوطنية والا ....

^
^
أمزح لا تجاوب بس ودي أسولف علشان أنسى إن بكره أقصد اليوم إنه يوم سبت :D


شكريا لك أخوي وما قصرت ( أفضل إني ما أعرف وش السالفة يكفيني اللي يكفيني )







تحياااااااااتي The countess

::جيد::

شوترن على ردك

:p

يقولون صاحب قضيه

هه

ويقولون إصلاحي

هه

وين القضيه وين الإصلاح

قضيته إنه يكره حكام السعوديه

والإصلاح عنده يجلس يفخم في الفضائح والأخطاء الـ100 يزيدها صفرين وتصير10000 والمشكله لايتبعه ويسمع له إلا الببغاوات والرعاع من الناس والسفهاء

واحد راتبه 4000 ومعه جوالين وخذ مكالمات وتلفون ثابت وانترنت وسيارة وبعد ثانيه بأقساط وكثيره عزايمه وعشياته وسفرياته ونص الشهر مطفر ويلعن الحكومه لأنهم مخلين الراتب شوي هذا وش يملأ عيونه إلا التراب

والثاني يبي يروح ويجي على كيفه ومحد يرفع عينه عليه (متكبر)

هذولا العينات الي تتبع الفقيه

لاننكر وجود اخطاء لكن أيضاً في نفس الوقت لاننكر المجهودات القائمه

والحمد لله علة كل حال

اولا بخصوص مداخلة الأميره الجوهرة هذي اشـاعة100% انتم حطوا هذا الشي في راسكم معقولة الاميرة الي سمعتها تهز الجبل تتصل على واحد مدري ايش عقليته وتتخاطب معاه؟على الاقـل تتوقعون انها تتصـل وتقول هــذا الكلام؟يعني بدال ماتمدح الشعب تجلس تقول لولانا كان ماكنتم بشر! :rolleyes: يأخي حتى لو امير او اميره مافي احد يقدر يتكلم عـلى شعبـه اصلا يستحي يقول هــذا الكلام والاخ الي كاتب الخبر يقول انها قالت لولانا كان ماصرتوا بشر وعطيناكم وعطيناكم!!؟يأخي ترى الشعب يقدرون يهاجرون يعيشون في اي بلد محد ماسكة وبعدين لولا المواطنين كان الى الان السعوديـة ماتطورت وبعدين على كلامك انها تقول

إقتباس:

---

وش ذا عطيناكم وجه
دوله وسوينالكم لميناكم من البر ركضنا وراكم عشان تتعلمون ننقنع فيكم عشان التعليم
مدناكم.. بيوت وعطيناكم ..اراضي ووزعنا عليكم.. حتى المدن بنيناها لكم.. حتى ناطحات السحاب بيناها لكم حتى التابعيات عطيناكم ..في احد ما معه تابعيه ؟؟..مدارس وجامعات ومستشفيات

---

يأخي مااتوقع ان في احد هذي الايام يـأخذ شي ببلاش وحتى قديما علشان يعطون احد بيوت او مزارع او او هم صحيح يبنون البيوت والمدن بس هذا شي طبيعي يعني مو ابني مدينه او بيت علشان مواطن او احد ثاني بالعكس هذا شي اسمه توسع وتطور وكمان لأجل المواطن يعني المشكلة الكبرى في الموضوع ان الي كاتب الاشاعه مايعرف يكذب او مايعرف يألف حتى وأنا ارى الانسب حذف الموضوع لانه اشاعة منتشره في جميع المنتديات لااكثر ولااقل

مشكورين على ردودكم ...وأنا والله ماني بمكان اني ارد عن بعض الآراء الشخصية... :rolleyes: لكن بما اني انا ناقل الموضوع....وشفت بعض الكلام ينقال بدون خلفية ولا معلومية...مثل:

إقتباس:

---

ان الي كاتب الاشاعه مايعرف يكذب او مايعرف يألف حتى وأنا ارى الانسب حذف الموضوع لانه اشاعة منتشره في جميع المنتديات لااكثر ولااقل

---

يعني حتى اختلاف الاشخاص لبعض الامور مايحملها خروج بعض الكلمات اللي مايتحملها الموضوع اصلاً.....أنا مع كل واحد يبدي رأيه بالتأييد لقضية معينه او بالمعارضة...لكني ضد ان الواحد يقذف بكلمات منتقاه رداُ على بعض الافكار...ولنأخذ بالاعتبار ونفرض جدلاً ان الموضوع اشاعه....وكذب ...وتأليف.... :ميت: ونأخذ الفرضية الأخرى بأنها حقيقة..حدثت بالفعل... :ميت:

أين الدليل............................................ ... :rolleyes:


لا دليل.....فالموضوع لايحتمل خروج بعض الكلمات المعبرة عن وجهه نظر... :تدخين:

شوترن لكم

:p

مداخله الأميره ليست إشاعه فأنا سمعت رابط صوتي لها بنفس الكلام المكتوب وهي تكلم سعد السفيه

لكن قد تكون بالفعل هي الجوهره آل سعود لكن ليست هي ذات المكانه الكبيره بل ربما تشابهه اسماء

تحياتي

اوكي هل بأمكان شخص ان يضع الرابط لكي نسمعه :نوم:

:rolleyes: :rolleyes: :rolleyes:


هيه شباب :D

لا تبدون اسلوب اذا لم تكن معي فأنت ضدي....... :ميت:


المسألة ماوصلت ولا اظن انها تاصل لمرحلة المعاندة بطرح الأراء ...الموضوع كان للقراءة فقط لمن اراد ان يقراء ::جيد:: (وأصلن) الموضوع مايحتاج الذهاب لأبعد من مداخلة...تعبر عن رأي شخصي...يحتمل حدوثها او عدمها من الاساس.....وكل واحد له الحق في الاطلاع على الموضوع..لكن انا اشوف انه مايحتمل المناقشة.. ::جيد::



شوترن لكم

:p

ماعندي تعليق ..









الصمت في حرم الجمال جمال ...

ان الحورف تموت حين تقال ..








اشواااقي ..


فجـــ العزيز ــــر

DIRTY^MIND
ماشالله عليه نقلها بالنص , وانا كنت في ذاك اليوم اقلب في القنوات وطحت على

المكالمه المزعوم انها مع احدى الاميرات , وايضا صادف اني سمعت مكالمه بنت

على انها غيدأ الشريف ,

بالحقيقه سعد الفقيه وضع نفسه في مكان خاطئ وتصدى لشيء لايصلح له

لانه هو طبيب وش جابه وش جاب السياسه له , وكلامه عن الحريه كله تخلف وتناقض, لاني اذكر مره طفش الفقيه من واحد كان معارضه ويناقشه في البالتوك

وشب عليه سعد وماادري وش رد عليه كلام ثاني ((.......)) وطرده من الروم ,

وسعد الفقيه حاط استفتأ في منتداه وكاتبه

س\ مارأيك أي الاشخاص يستحق ان ينصب حاكم للسعوديه بعد سقوط ال سعود.؟؟

وكاتب الخيارات (( طالعوا الخيارات واضحكوا واللي مومصدق يروح لمنتداه ))
1\ الشيخ اسامه بن لادن

2\ الشيخ سعد الفقيه

3\ نسيت الاسم !!!!

شي يضحك ومؤسف

والفقيه مشكلته انه خش بشي ماهو له

يعني تخيلوا هو طبيب وش جابه وش جاب السياسه له ؟؟

يعني احد يقدر يتخيل بف داداي يرقص سامري ؟؟ :cool:

المهم ان هذا انسان فاشل ومع الزمن راح ينسي لان قضيته مبنيه على اساس خاسر

وشكرا DIRTY^MIND على الموضوع

(( ملاحظه لن ارد في الموضوع ولكني سأقرى الردود على كلامي ))

إقتباس:

---

وكاتب الخيارات (( طالعوا الخيارات واضحكوا واللي مومصدق يروح لمنتداه ))
1\ الشيخ اسامه بن لادن

2\ الشيخ سعد الفقيه

3\ نسيت الاسم !!!!

شي يضحك ومؤسف

والفقيه مشكلته انه خش بشي ماهو له

يعني تخيلوا هو طبيب وش جابه وش جاب السياسه له ؟؟

يعني احد يقدر يتخيل بف داداي يرقص سامري ؟؟

المهم ان هذا انسان فاشل ومع الزمن راح ينسي لان قضيته مبنيه على اساس خاسر

---

هههههههههههههههههههههههههههههههههههههههه ياناس الحقوا علي مت :d :d :d :d :d هو الي يمسك الحكم :d ولا اسامه :d ولانسيت الاسم :d :d :d :d اه ه ه ه يابطني ولا احد يتخيل مايكل يجي السعودية لابس ثوب وشماغ وتلقاه يغازل بالفيصلية :d :d :d من جد تخلف :نوم:

اسمعوا الجوهره الي تقولون عنها

هنا

ياسلااااام على الرد بصراحه تعجبني :cool: بس حبيت اوضح ان نسبة90% انها مو هي ;)

:D :D :D

يعطيكم العافيه كل واحد بأسمه... ;)

وشوترن كومبس على الرابط :D


شوترن لكم

:p

خخخخخخ..

للاسف مضطر اضحك على الانسان المتخلف هذا..
ما ادري كيف تفكيره تحسه واحد كان قاعد بالبيت يشرب قهوة وفكر بنفسه انه طفشان ويدور على شي يسليه بعدين قال ايييه ليه ما اعارض الحكومة..

بالعربي ما عننندهههه سااالفة.. من ناحية رد الجوهرة ما ادري ما راح افتي اقول هي او لا

:D

مع اني معارض منهجة :cool:


....لاكن اذا ماكان عندة سالفة ليش تعرض للأغتيال اكثر من مرة :rolleyes:


شوترن لكم

:p

انا من رائي ان سعد الفقيه هذا شوه سمعت وطننا السعوديه

والله لو اقابله كان اقل شئ اسويه اني اقتله بيدي

والله الامراء ماقصرو معانا عطونا اشاء كثييييييييييره لو جلسنا نشكر ليل نهار مارا يفيد

علمونا سكنونا خلونا حاجه فعلا عظيمه

فوق هذا كله انسوي الاضراب هذا كله هذا الشكر بالنسبه للفقيه هذا هو ليش مايشوف نفسه

وين عايش وش ياكل وين اشتهر ووين يروح يصلي ومن وين جاب لبسه

يعني فعلا ناس ولا يرحمون ناس ماتقدر بس تبغى تبرز نفسها على الناس انه جرئ ولا شئ ثاني

بعيني هذا جبن والجبن متبرء منه وبصراحه استغربت انه مطوع لا والله الله يخلي المطاوعه يحليلهم

كل واحد رايح في حاله يصلون ويروحون لعمله ويرجعون وبس

يعني بصراحه لو في كلام اكثر على الفقيه ذا كان قلته بس خلص الكلا مني

والله يهديه ويهدينا اجمعي

مشكور اخوي على الموضوع

اصلا هذا شخص يبي يصير امير او ملك او شي بالمعنى انه يبي يكون له منصب في المملكة ولاكنه ماقدر يحصل للشي الي يبغاه قام وتهجم على الامرأه مو هو فقط في ناس كثيرين اذا كان هو يبغى هذا الشي ولاحصله قام وتكلم وتهجم على الشي الي ماقدر يحصله والدليل على كلامي انه حاط تصويت في موقعه على قول مون ولاكر يعني بالله ايش دخله ودخل الحكم؟يعني على اي اساس حاط اسمه بالتصويـت؟