السلام عليكم ورحمة الله وبركاته ..
أعزائي ..
تكثر في مجتمعاتنا الخدم والسائقين فلا يخلو منزل إلا ويوجد شغالة و أكثر أو سواق وأكثر ..
وأحببت أن أطرح موضوعا بهذا الشأن نتحدث فيه سوية عن طريقة تعاملنا مع هذه الطبقة ولماذا تكثر الحكايات والأساطير حول أعمالهم (الشريرة!!) ؟؟
في البداية أبغى أدعم موضوعي بالصور _ على بالي بصير كشخة زي toongirl و sweet :D _
لكن معليش بحاول ( أحتك ) أصير زيهم لأنى بصراحة أحب الترتيب ويخليني أشتهي أقرى الموضوع :p
صورة للشغالة
v
v
v
http://www.mexat.com/vb/attachment.p...tid=4183&stc=1
وصورة للسواق :D
v
v
v
http://www.mexat.com/vb/attachment.p...tid=4184&stc=1
والحين اشتهيتوا تقرون موضوعي :D ..
نبدأ في الموضوع :cool:
بسم الله والصلاة والسلام على أشرف الأنبياء والمرسلين نبينا محمد وعلى آله وصحبه أجمعين ،، أما بعد ..
إخوتي في الله ..
تكثر في مجتمعاتنا هذه الفئات على اختلاف جنسياتها وتختلف المعاملة من بيت لبيت ..
وهؤلاء الفئة ما جاؤوا إلى بلادنا وتركوا بلادهم وأبنائهم إلا من أجل لقمة العيش ..
والسؤال هو كيف نحن معهم في غربتهم ..
للأسف أنا أسمع من بعض الأسر تعاملهم معاملة في غاية السوء .. :(
لنتخيل أننا صرنا مكانهم .. كيف نحب أن نعامل حينها ؟
أبقولكم الواجبات والآداب اللي لازم نسويها تجاههم ..
*معاملتهم معاملة حسنة ..:
= يجب علينا إننا نتعامل معم بطيبة حتى لو كانوا أقل مننا .. وترى غالبا يكونون الخدم أكبر مننا سنا وهذا يعني إنه لازم نحترمهم ونقدرهم ..
وأنا ألاحظ إن المعاملة سواء كانت سيئة أم جيدة تكون نابعة من تربية الأهل ..
= وكم هو رائع أن نساعدهم في الخدمة خصوصا إذا كانوا وراهم شغل كثير _ معليش قاوموا العجر تراكم مأجورين_ ،، كان الرسول – صلى الله عليه وسلم – يساعد أهله في شؤونهم .. وكان - صلى الله عليه وسلم – يخصف نعليه بنفسه ويرقع ثوبه .. انظروا وهو أفضل الخلق .. فحري بنا أن نقتدي به ..
في أشياء نقدر نسويها بالحالنا بدون مساعدة الخدامات .. مثلاً تجيبين لنفسك موية ، ترتبين غرفتك،، تسوين اندومي والا خبز وجبن >> ما تتصورون إننا صرن لأتفه الأشياء نخلي الشغالات يسوونها والله حرام ..
= حاولوا انكم تحسسونهم إنكم معاهم وتساعدونهم وإنهم زيكم وما في فرق بينكم ..
= سولفوا معاهم_ الخدامات للبنات والسواقين للأولاد _ وشاركوهم في الأفراح والأحزان . >> المشاركة بالأفراح مثلا تخلونهم يروحون للسوق يشترون ملابس العيد وتعطونهم العيدية حقتهم _ تراهم يفرحون فيها أكثر مما نفرح فيها _
= الشكر والتقدير لكل عمل يسونه .. فهذا يسعدهم ويخليهم يتحمسون يسوون لك أي شي ..
مثلاً : صارت لي قصة أنا شخصيا قبل شهر تقريباً .. صارت عزيمة كبيرة مفاجئة في بيت جدي .. وكان ذاك اليوم ( خبة ) ولا أمداني أروح للكوافير .. وش أسوي وش أسوي قلت للشغالة: تعرفين كيف تصلحين شعري .. قالت: :يمكن .. المهم زينت لي وعلى طول طرت لبيت جدي ونسيت أقولها شكرا .. المهم يوم خلصت العزيمة وطلعت لحوش جدي وأشوف وردة برية تجنن .. قطفتها .. ويوم رجعنا البيت رحت وقدمتها لها وقلت شككككككرا كل الناس قالو لي حلو شعرك.. دايما سوي لي كذا .>> لو تشوقون وش فرحته يا عمري صارت تحترمني وتحبني و و و .. ( شفتوا كيف شي بسيط يشق خاطرهم )
= مراعاة أوقات راحتهم .. وأيضا في أيام العيدين تخففون عليهم _ إلا عاد عيد الأضحى أنواع الكرف :D _
= عندما يخطأ أحدهم لا تخصمون من راتبه .. ترا راتبهم ما يسوى .. والمسامح كريم .. :)
= وللعلم فإن أي أعمال ( شريرة ) تصير من الخدم فإنها من صنع أيدينا ..
* الحذر من السخرية أو الإنتقاص من شأنهم ...: ::سخرية::
للأسف فيه كثير من الناس يسخرون من الخدم ما يدرون إن الله قادر عليهم ..
المظاهر اللي تقهرني من الناس ..
> أن ينادون الخدم بـ يا شغالة أو يا سواق _ أنا أحس إن هذا يضايقهم ويحسون إنه إهانة لهم _ :confused:
> إن يكلمون كل واحد على حسب عقله _ يعني للخدم كلام خاص (مكسر) _ الطريف اللي صار لي مرة إنه شغالتنا الفلبينية كانت قد اشتغلت في الكويت وقاعدة أتكلم معها زي أي شغالة ( عربي مكسر)
قالت لي وهي مستغربة : أنت شنو تقولين ( معلمينها إنها تتكلم زينا ) :مندهش:
> في الحجز بالطيارات يخلون الخدم درجة سياحبة ( مب هذا حرام والله أرحمهم )
أخواتي إخواني ..
الحذر الحذر من الإستهزاء والإنتقاص من الخدم .. ترا ربي قادر عليكم .. وما تدرون يمكن تصيرون يوما ما زيهم ..
* الخلوة ...:
وهاذي نقطة مهمة للأسف الكثير يتهاونون فيها .. اختلاء الرجل بالخادمة أو اختلاء المرأة بالسائق ..
والرسول – صلى الله عليه وسلم – نهانا عن الإختلاء بغير المحارم فقال ما اختلى رجل بامرأة إلا كان الشيطان ثالثهما ..
الواحد ما يستهين فيها حتى لو كان الوقت شوي .. وحدة تقول أبطلع مع السواق لبيت خالتي هنا قريب ما يضر .. لا لا لا ترا الشيطان حريص والرسول- صلى الله عليه وسلم - ما قال إذا كان الوقت قصير فإن الشيطان ما يصير ثالثكم .. والا وحدة تقول أنا حرمة كبيرة ما يضر إذا رحت مع السواق .. لا ترا ما يجوز والله ..
في بعض الأحيان أكون طلعت من المدرسة وأكون سابقة الشغالة للسيارة .. ما أدخل للسيارة إلين ما تجي.. مع إن الوقت قصير بس زي ما قلت لكم الشيطان حرييييييييصصصصصصصصص ..
وبعد مرة كان في عزيمة وراح كل البيت وراحوا كل الشغالات علشان يساعدون في العزيمة إلا وحدة خلتها أمي عندي بالبيت علشان ما أقعد بالحالي .. المهم أنا نمت وجا أبوي للبيت وما شاف إلا الشغالة بالبيت جا قومني من النوم وقال ما يصلح أقعد بالحالي مع الحرمة ... >> إيه يا اخوان الواحد لا يتساهل ..
وللأسف في بعض الأحيان يكونون الأهل خربانين ما تهمهم هالناحية .. :confused: :(
زي وحدة معنا بالمدرسة تروح مع السواق ( هننننننندي ) بالحالها .. والمصيبة إنه يعرفها وهي صغيرة يعني يعرف إن البنت حلوة .. قلت لها مليون ألف مرة: أهلك ما يخافون عليك ما تخافين تروحين مع هالسواق الهندي .. قالت: وش أسوي أمي تقول الشغالة ما تقدر تطلع من البيت وأبوي ما يقدر يجيبني << والله تربية ما أدري ما يخافون على شرف البنت والعايلة ..
طيب إذا كنتو فري ولا يهمكم تطبيق الشريعة أو طاعة ربي والرسول –صلى الله عليه وسلم - ما أتوقع إن وصل الحد إن الشرف وسمعة العايلة ما تهمكم ...
والله ما قلت لكم هالكلام وضيعت وقتي في التعبير والكتابة إلا والله لمعزتي لكم وأحب أقولكم الخير وكل ما هو يفيدكم ..
وأرجوا أن تتقبلوا مني هاذي الكلمات التي خرجت من قلبي وكتبتها بأصابعي لأهديها خاصة لكم لأعضاء مكسات وعامة للمسلمين ..
خخخ ختاما أقولكم يوم قرا أحد من العايلة كلامي قال لي : علمي نفسك قبل :D ..
معليش ما يمنع إني أنصح وأنا مقصرة صح ؟ :p
تحياااااااااتي The countess
