السلام عليكم كيفكم ياحلوين..تيب أبدا بالموضوع على طول اللهم صل وسلم على حبيبك المصطفى عليه أفضل الصلاة والسلام..
تيب أكترنا يعرف قدي ايش السخرية والإستهزاء ..منتشرة في أيامنا في مصطلحنا الحش..
مافي أحد مايسبو في حالو لازم يحشو فيه السؤال الي نسأل أحيانًا نفسنا فيه الي بينحشو
دول عن جد يستاهلو..؟؟هما عاملين شي غلط عشان يتحشو ..
شوفو أنا أقولكم قاعدة أتعلمتها في حياتي من الي بأشوفو يمكن الكل أتعلمها..إزا انتا ما
أحترمت نفسك عمر الناس مح تحترمك ..إزا انتا عملت نفسك مهزلة ومسخرة الناس
حتتمسخر بيك وإن كان داخلك طيب وعلى نياتك الناس ماتدري اش في النفوس..
عمركم شفتو انسان محترم ومهذب ينحش..؟؟ايوا فيه طبعن كتييير بس أقولكم في فرق ..
جوهري الناس الي حاوجين نفسهم وأنحش عليهم ..دولا هما كدا عملو شي خلو الناس
تتكلم عليهم وهما ناس سخيفين يكونو وسطحيين فكلهم مع بعض أما الناس الي مابيعملو
شي بالعكس فيهم صفات كمال هادولا الي يحشوهم أعداء وناقصين ..تلاقيهم حاسدينهم
عشان مايقدرو يصيرو زيهم أو عشان الناس تحبهم..إلخ وماإلى ذلك..
أقول للجميع مثل عندنا في الحجاز الي يعمل نفسو قمامة (الله يعزكم)تشعترو الدجاجة
لا تحاول ترضي الناس بسخط ربي لإنو عمرهم مح يرضو ولا تبديهم على دينك وشرائعك
منتي مغطية شعرك عشان صحباتك ..؟؟ أقولك هنا انتي غلطانه هما مح يتحاسبو معاكي
ولا حيدخلو القبر معاكي..ناكش شعررك مدري كييييييف عشان يقولو عنك فللة وكول الآية
حتتعكس حتلاقي الناس تتمسخر بيك.. حاطة ميييك أب كامل وانتي رايحة السوق طلع
شكلك واااو وكوول كدا صاحبتك قالتلك .. اتاكدي إنو الناس حتتكلم عليكي..
وفي الختام أقلكم من اشترى رضا الناس بسخط الله سخط الله عنه وأسخط عليه الناس..
والعكس..الي يشتري رضا ربو حيرضي الناس كلهم عليه..
نصيحة..لا تسمعو ولا تهتمو لكلام الناس واحترمو نفسكم عشان اناس تحترمكم
..هذا ماجال به فكري وخط قلمي..
أختكم نونه..
__________________
