بين اعلامنا وواقعنا لغز بانتظار الحل
السلام عليكم
كيفكم مكساتيين ؟
اليوم عندي موضوع البعض يمكن يشوفه مهم وامكن البعض يطنشني ويفكر اني وحدة فاضية:eek:
موضوعي له صلة او اخرى بالمسلسلات اللي تعرض على الشاشات و خاصة في رمضان
واللي بصراحة كل مالها بتهدم صورة مجتمعنا الحقيقية اكتر من ما انها تبني
اعتذر عن اخواني لاني حاتكلم بلسان بنت سعودية امكن مو كل البنات يوافقوني بس انا ما كتبت لموضوع الا لاني محروقه من التشويه اللي يكثر عننا
اعتذر عن المقدمة الطويلة
البداية
شباب صايع ضايع ما همه الا النساء والجنس والدورة في الاسواق والسفرات و في كل سفرة يتترك وراه وحدة اتزوجها عرفي او رجل صارم ما في حياته شي اسمه تفاهم او ما يسمى بوجهات النظر
ومن ناحية تانية بنات بدون شغلة او مشغله مهمتهم الرئيسية الموضة والميك اب و امكن المعاكسات وفي بعض الحالات تمرد عن طبيعة المجتمع وتشبه بالرجال او حرمة مالها عمل في حياتنا الا انها في لبيت لبيتها وعيالها
امكن هذه صور من بعض الصور اللي تصورنا في المسلسلات وخاصة الرمضانية منها
امكن مسلسل طاش ما طاش هوا اللي متصدر الساحة هالايام .. المشكلة الكبرى اننا نتابعه .. والمشكلة الاعظم اننا نضحك
محا اتكلم من ناحية حلال او حرام
بس حاتكلم من ناحية واقعنا
هل وصلنا لهذه الحالة من الفراغ وقلة الاهداف والطموحات؟؟
ليه ما يعرضوا امثلة لبنات وشباب درسوا وجدوا و عملوا شي خلاهم يقولوا " ارفع راسك انت سعودي" بحق وحقيقي؟
ليه كل ما يجيبوا سيرتنا برا يقريوننا بالتخلف؟؟
في امور في حياتنا ممكن تنعرض وتوضع لها حلول ؟؟ ليه تنعرض المشكلة باسلوب سخرية وتترك القضية مفتوحة؟
اتخيلوا انه وحدة من الشركات الامريكية جات لبابا في مشروع قيمته بالمليارات وقالوا له نعطيك على كل مليون ريالين
لما بابا ما رضي .. قالوله هنا كل السعوديين يقبلوا هذه الفلوس الا انت _بالعربي الفصيح يقبلوا الرشوة _
شايفين لاي درجه سمعتنا وصلت؟
ادري اعلامنا مو بيدنا ..
بس نقدر نغير من نفسنا شوي
معاملاتنا لما نسافر
الشباب لما يسوقوا يلتزموا بابسط النظمة الدول اللي يروحوا لها
احنا في بلدنا لو كل واحد فينا عمل اللي عليه كان صرنا زي العسل
معليش سامحوني بس من قهري كتبت الموضوع
سامحوني اخواني لاني اتكلمت عن السعودية بشكل خاص ... بس انتظر ارائكم فعلا ؟ لانه هذه مشكلة اظن انه اغلب مجتمعاتنا تعاني منها
