>>>>> أنت مع أم ضد هيئة الامر بالمعروف والنهي عن المنكر ?<<<<

طبعا لايخفى هذا الاسم عن الجميع وخصوصا في السعودية
الاسم الذي يخيف الاغلبيه عندسماعه في الاسواق؟
الهيئة جات الهيئة جات...غطوا..!!!
والجميع يعرف غاية هذة الهيئة من اسمها فهي تأمر بالمعروف
وتنهى عن المنكر ولكن...
كيف هي نظرتكم لهذه الهيئة انا من وجهة نظري
ارى احيانا انهم يبالغون في التشدد في الاسواق وحتى احيانا
يستخدمون اسلوب سيء ويصرخوا بأعلى صوتهم
انا بنفسي شفت واحد من الهيئة يصرخ على مجموعه
بنات بأعلى صوتوا وشويه حيقومون يضربهم:((يابنات غطوا
انتم في شهر فضيل حسبي الله عليك)).
قالها بكل عصبيه يعني صح البنات السبب بس برضو لازم يكون
هناك اسلوب في الكلام وغير ذلك الشباب الي كل شويه
يمسكوهم ويجلدوهم والاغلب يمسكوا الشباب الي مايسوا شي
والي من جد عاملين بلاوي محد يمسكهم
وعلى ماسمعت ان في الرياض بالذات متشددين بطريقه
فظيعه ..
لامره واحد من الهيئة يقول لولد خالتي صغير في ثالث متوسط
وباين شكله صغير :((كم مره كحلت عينك)).يعني قصده
كم مره كحلت عيونك بالبنات او كم بنت شفت خخخ
المهم بدي اعرف رأيكم في الهيئة هل ماتقوم به الصواب و لا
ورأي الشباب بالذات لانهم المطاردون من قبل الهيئه اكثرمن البنات

في البداية ارحب بكي اختي ليدي على هذه الإكلالة الجميلة


وبالنسبة لهذه الهيئة فالكلام يطول ويطول حولها ولن ينتهي


الأهداف نبيلة والهدف منها التقليل من الانحراف بين الشباب والشائع بكثرة في هذه الأيام

ولكن في الحقيقة ليس كل مانتمناه من هذه الهيئة هو الذي يحصل

ففي الحقيقة لقد رأيت من هذه الهيئة شيء لم أكن اتوقعه أبداً

وشيء يثير العنصرية بين المسلمين

ولكن لا أستطيع أن اروي لكم ماحصل لأن هذا حز في نفسي كثيراً

ولن استطيع أخباركم به

وعلى العموم فكرة هذه الهيئة ممتازة ولكن وعلى عكس ما كنا نأمل فهي برأيي فيها سلبيات قد تقارب او تفوق على ايجابياتها


وفي الختام لا يسعني إلا السلام

اخوكم : كريس

شوفي الهيئة ما نقدر نتكلم فيها بتاتا .....
ولا راح نسمح بالعلمانية انهم يشلوها .............
لآن ساعتها ربي حيسخطنا كلنا .......
___

صحيح ربما اسلوبهم بعض الشي مبالغ فيه ......
بس هذا راجع لكثرة ما شافوه من فساد اعوذ بالله صاروا ما يميزوا بين الطيب والبطال ....
ان انترك للأولاد المجال والله ليعثوا بالارض فساد .....انا واخواتي في السيارة ما رحمونا كيف لو كنت برا ... :غول: :غول:
والله مصخرة .....بس حدهم يشوفوا احد من الهيئة يشردوا ........وهم تكدسات لا رحموا لا كبير ولا صغير ....
في الاسواق طايحين تريقة على الحريم الكبار في السن .....ولاحقوا في الاطفال .....
انت مارة في حالك ينفث عليك دخان سيجارته .....مو حرام هذا الشي ....

____

ولا البنات حسبي الله ونعم الوكيل .......العبي قلبت شاش البعيدة تشجيرة بلوزتها باينة ....
والغطى ربنا ولك الحمد ......ويالي يقهر اكثر ....حضرتها كاشفة وجهها وهذاك المكياج ورسمة العين .....
وعند الحرم بكل وقاحة ..........حسبي الله ونعم الوكيل ......

___

شوفي اوسكار انا مع الهيئة في كل يالي تسويه .......لأن الناس قلت مخافتهم من الله ......
ويالي ما يخاف من الله ينخاف منه .........
احسن يكونوا متشددين ولا يكون الوضع فالت .....

اللهم لا تأخذنا بما فعل السفهاء منا يارب .......
ولا كأن الشهر فضيل ..........اغاني باعلى صوت .......والمساجد تصلي .....
حسبي الله ونعم الوكيل .....

عذرا على اطالتي ....وتشددي في الموضوع

السلام عليكم ورحمه الله وبركاته...

هذا موضوع حساس جداً خاصه للسعوديين فأنا اضد هؤلاء الذين يدعون انهم هئيه الأمر بالمعروف والنهي عن المنكر خاصه في عاصمه المملكه العربيه السعوديه الرياض الله يعلم بالحال فيها . لن اكثر في الكلام لأنني لا احب التحدث في مثل هذه المواضيع وشكراً.

إقتباس:

---

السلام عليكم ورحمه الله وبركاته...

هذا موضوع حساس جداً خاصه للسعوديين فأنا اضد هؤلاء الذين يدعون انهم هئيه الأمر بالمعروف والنهي عن المنكر خاصه في عاصمه المملكه العربيه السعوديه الرياض الله يعلم بالحال فيها . لن اكثر في الكلام لأنني لا احب التحدث في مثل هذه المواضيع وشكراً.

---

أخذت أنبه الزبائن الموجودين بالمحل على الخروج من الكبائن لانه حان وقت الاذان وانا الحمدلله محافظ على صلواتي ولاازكي نفسي عند خروج اخر زبون لدي واستعجالي لهم هممت ان اركب السيارة للذهاب للمسجد ولكن تذكرت فجأه اني لم أغلق المحل مع العلم ان صوت المؤذن بالمسجد يسمع للان ولم ينته من الاذان عندها عدت للمحل لأغلقه عندما وضعت القفل واسحبت المفتاح استدرت لأجد رجل من رجال الهيئه ينتظرني عند السيارة وعندما وصلت هل قال لي ليه ماسكرت للصلاه ؟؟ ماتسمعه يئذن ؟ قلت له الا سمعته وانا الان رايح اصلي قال لي هات اثباتك ...... قلت له ياشيخ ان الان رايح للصلاه وشرحت له وش اللي صار لكن مارضى وقال اركب معنا .....تعوذت من ابليس وركبت الجمس وكان معه رجل عسكري وانا ركبت ورى تدرون وين راح فيني ؟ أخذ يلف سوق حجاب وسوق الذهب اللي جنمبه والصلاه تقام ... واثنأ دوراننا في داخل السوق اخذت عجوز بالتأشير لهم وهي تصرخ وتولول فاوقف السياره رجل الهيئه وقال له وش فيكي ؟؟ قالت ياشيخ الحقني انا جت عندي وحده (( جنسيه عربيه )) وجلست جنمبي وجلست تتكلم معي وانا ناويه ارد عليها فجأة كانه غشاني شي وكأني كنت نايمه وصحيت ولما فقت من الغفوه لقيت كل فلوسي بالشنطه راحت واختفت ومعها الذهب الفلوس 3500 ريال الحقوني ياشيخ تكفون (( قالت ذاالك وهي تولول ويزيد صراخها شيأ فشيأ )) فرد عليها بكل برود رجل الهيئه (( وش تبينا نسوي؟؟)) كانت هذه الكلمه اخر شي اتوقعه ان يقولها وبالحقيقه لان الامر لم يكن يهمني انا شخصيا لم اتحمس للرد عليه خوفا من زياده العواقب علي بعد ذالك

المهم انهم أخذوني لمقر الهئيه بحي النسيم في شرقي الرياض وعندما دخلنا (( وهذا مما يجعلني للان اكره الهيئه مع العلم ان لبعض رجالهم مواقف بطوليه )) دخلنا على المشرف وكان رجل بدين الجسم اسود الوجه والقلب غليظ الرد (( ركزوا على اللذي قاله لي من كلام )) فقال لي على طول اول مادخلت :: انت دايم تجينا وازعجتنا واقلقت راحتي هاه وش عندك الحين وش سويت بعد ؟؟

عندما قال هذه الكلمة احسست ان فكي السفلي قد نزل مترين للاسفل غير مصدق ممايقوله
(( نسيت ان اخبركم اني ولاؤل مرة ادخل مركز الهيئه فمابالك بعدد القضايا )) يعلم الله انه افترى علي ويعلم الله انه كذب بشأني بكل صفاقه ويعلم الله اني لم يسبق لي ان دخلت مركز هيئه من قبل فكيف بهذا المركز وقد كانت خلفه عصا غليضه للضرب

جعلوني اقوم بالتوقيع على تعهد على عدم تكرر ترك المحل مفتوحا وقت الصلاه

اخذت اكتب التعهد وانا ادعوا عليهم واحتسبها عند الله

==================================================
==================================================
أخواني هذه قصه اخي الصغير عندما كان يعمل في محل كبائن اتصالات في الرياض ويعلم الله انها قصه حقيقيه ومن لديه شك في ذالك فل يرسل لي رساله خاصه وانا مستعد ان اقابله واثبت له الحقيقه المذكورة

والان اختي العزيزه اليكي والى زملائي الاعضأ بعض النقاط عسى الله ان ينفعنا بها

1 \ الهئيه اسست لهدف نبيل ونبيل جدا وهو ماسمي على اسمها فبدونهم بعد الله تختل الامور وتكون النفس البشريه الامارة بالسؤ هي الداعيه وهذا يجلب الضرر والمعاصي فالحمدلله على وجود هذا الجهاز المهم

2 \ بعض افراده وخاصه في السابق يكونون من المحكومين بالسجن في قضايا اخلاقيه او مخدرات فيكون لتوبتهم اما ابتغأ لوجه الله او طلبا للوظيفه والمنصب والتحكم

اما بعض افراده فيكون الجلوس معهم من اجمل مافي الدنيا فيكونون بشوشين ومتحاورين مع الطرف الاخر بكل رحابه صدر

3 \ انصب اهتمامهم الان على طرد الاولاد والبنات في الاسواق وتركوا بعض الاشيأ اللتي هي من مهامهم الاساسيه

4 \ عدم وجود اشراف حقيقي ورائهم جعل بعضهم (( بعضهم)) يستغل مكانته في الشارع ويظلم ويتجبر ويتكبر ويطغى

5 \ في بعض الاحيان يسن رجل الهئيه قانونه من نفسه (( طبعا معه عسكري وضرب العسكري عندنا سجن سته اشهر كامله ))


اختي لقد داهمني الوقت وانا لم اذكر اغلب النقاط فأرجوا منكي مسامحتي على نقص الرد


اهم شي بالنسبه لي هو

لماذا يطاردوننا حينما نجتمع لا لسرقه او نجتمع لخطف او نجتمع لخطف بل نجتمع لهدف بريئ وهو تقليد رقص مايكل جاكسون او رقص البريك دانس

ويتركوننا عندما نرقص العرضه في الاعياد ؟؟





اخوكم عطر السحاب

للذي لم يفهم من كلامي السابق شيأ اقولها له باختصار

انا مع بقأ هذا الجهاز ولكن يجب ان يعاد تقييمه وتجديده وتنظيمه

وسن نظمه من جديد وتكون البدايه من رأس الهرم للأسفل

اهلين ليدي اوسكار
اخبارك عامل ايه انشاء الله كله تمام
:تعجب: :تعجب: :تعجب:
المهم بالنسبة للموضووع الهيئة امممممممم فصراحه مررات اقول لهم دااعي ومرررات مالهم ابدا داعي


مثلا اضربلكم مثال صار معي في الفيصلية بالرياض

طبعا جا وقت الصلاة وجاك الاخ المطوع ومعه عسكري والمهم طالع ناازل الصلاة ياعباد الله الصلاة ياعباد الله

قلنا مايخالف جزاك الله الف خيرررر ... والمهم جيت جلست انا واهلي داخل محل العوائل في الدور الثالث على اني اتركهم وانزل اصلي
فالمهم شوية واشوفلك الاخ داخل علينا المهم سبحان الله كانه صدمة كهربائية جت في النسوووان سمعه صوت الرجال وكل وحده انتفضت وحطت الحجاب على وجهها :غياب: :غياب: :غياب:
والله صراحه منظرررررررر قسم بلله يمووت من الضحك

خليكم من هذا كله نجي للمهم الحين
المهم دخل الاخ انا قلت بس من بررا يستحي لا يدخل على النسوان وطبعا صدقوني انه ماكان الا تقريبا كم رجال مع اهله

ترك الجهة الي فيها الرجال وراح للجهة النسوووان وياليت من بعيد دخل وسطهم :سعادة2: :سعادة2: :سعادة2:

وانا طبعا حاولت القط الصوورة ....... بالجوال حقي لكن المسافه كانت بعيده :محبط: :محبط: :محبط:

ولا ياليت انتهت القصه على كذا جاك الاخ على واحد اجنبي اظنه لبناني والله اعلم جا عنده
بعدين قله اعطيني بطاقه العائله
اسالوني ليش...؟؟؟
لان مرته ماغطت يووووم ماادخل علينا ..... فالمهم كل الناس جالسه تناظر فيه بعين
:تعجب: :تعجب: :تعجب:
احكمووا بنفسكم
وبس كذا ولالا في حووادث اكثرررر معي انشاء الله مرره ثانيه نعطيكم قصه احلى

تحياتي
لكم
;)

ممم الهيئة وما ادراك ما الهيئة :)

صراحة انا مع الجهاز هذا لأنه له فائدة كبيرة يا ناس صحيح انه فيه ناس ما يستحون ويستغلون منصبهم وصحيح فيه شيوخ(باللاسم) غلطانين وما عندهم اي اسلوب في التعامل لكن فكروا شوي لو مو الجهاز ذا كانت البلد انقلبت كم مركز دعارة مسكوا وكم مرة وضعوا حد للشباب اللي يعاكسوا صح والا لا؟؟؟ :)

هي فيه قصص انا اسمعها عنهم من جد تقهر والواحد يتمنى يكون حاضرها عشان يسوي شي لكن هذا مو الهدف من الهيئة انتوا اتكلموا عن اش رايكم ببعض اللي يسووه بعض الشيوخ بالهيئة..

اذكر قصة مرررة انشهرت قبل كم شهر حقت الرجال اللي حبسوه ببدروم سوق 7 ساعات حتى 3 الفجر هو وبناته الصغار ليييش؟؟ لأنه ولع سيجارة...
قصة مثل هذه تقطع القلب لكن اش اقول....لو مافي هيئة بالبلد..راح تصير البلاوي..


شكرا على الموضوع اللي من جد مهم ليدي..

سلااامي عليج يا اوسكار :)
انا يوم شفت هالموضوع حبيت اشارك فيه .. صح اني مب سعوديه بس انا ازور السعوديه واايد وبصارحه اسواقكم ما عليها كلام
--> عطينا الزبده انزين:تعجب:
انا من زيارتي لكم ولاسواقكم لاحظت وجود هالهيئه بس والله اني اتعرضت حق كذا موقف وما سووو اي شي بس يالسين ويسولفون هاي مرة
ومرة ثانيه من مدة طويله شوي كنت يالسه امشي وكان وقت الصلاه انا كنت توني في الصف السادس ومن شكلي ينبان اني بنت صغيره بس كنت لابسه عبايه وشيله :نينجا: وما احصلج الا واحد يالس يصارخ علي من بعيد انا ويهي جييه استوى :confused: قلت خيبه يزقرني انا ؟؟ :أحول: ويوم قرب مني قالي وهو يهاوشني اتغطي يا بنت :نوم: امي كانت واقفه وقالتله البنت بعدها صغيره :eek: قالها انتي ما تعرفين تربين بناتج :مندهش:
خيبه الحين هذا كلام يقوله حق ام وتخيلوا كلنا كنا بنات يعني والله المفروض يحشمنا دام ان نحن بروحنا مب يسوي جييه .. صح ؟ :rolleyes:
مااعلينا انا رايي ان هاللجنه المفروض انها تكون موجوده عشان تمنع حركات بعض الشباب المستهترين ::غضبان:: بس اتمنى ان المسؤولين عن اختيار هاي اللجنه انهم يحسنون اختيارهم وما يتسرعون :نوم:
ومشكورة مرة ثانيه يا ليدي على الموضوع ::جيد::

اخي العزيز كاسح الرجل اللذي سجن في البدروم قصته ملفقه من الرجل نفسه

واتضح كذبه بعدها

وكانت بصراحه واضحه كذبته ولا كيف مركز الاندلس يجلسونه فيه الى الساعه 2 باللليل ؟؟

واضح انها نصبه

انا بصراحة اشوف الهيئة زينه واحيانا اشوفها تبالغ مرره

مثل مرره انا كنت بالفيصلية بس الهيئة ماجت ماكانت موجوده والشبااب مالييين المكان أمداني ادير وجهي الاقي واحد وراي والثاني من جهه والثالث من جهه و... لو اعدهم ماا اخلص المهم انا خفت حالتي حاله والغريبة ان اهلي كانو معاي لكن ماخافو !! :confused: اللي ينفخ السيقارة بوجهي كح كح كح واللي يتزحلق والليي واللي بعدها جت الهيئة وشالتهم كلهم وانا من الفرح والوناسة كنت بروح اقول للهيئة : اعطيهم كفوف كل واحد طراق على راسه بعدين قلت لااا اعقلي يابنت :أحول: بصراحة صار للهيئة دور هنا :)

بس مرره صارلي مثل موقف كيوت بوليانا :غول: وماصار لهم دور

ومشكورة لديدي اورسكار

والله مواقف عجب

وهي الهيئة لها نفعها ولها ضررها
بس يلا الافضل اناه تبقى عشان الناس ماتنفلت فوق ماهم مفلوتين

وشكراا لكم جميعا على ردودكم الحلوه

انا مع الهيئه

بصراحه لازم تكون موجوده عشان تظبط العالم

لكن بعض رجال الهيئه الله يهديهم ماعندهم اسلوب

السلام عليكم

موضوع رائع يستحق النقاش
تشكر العضوة ليدي أوسكار على طرحه
أما بخصوص هيئة الأمر بالمعروف والنهي عن المنكر
فهي ذات أهداف نبيلة تشكر عليها
ولكن.....
المشكلة فيمن يعملون فيها
أنا من مدينة جدة وما عمري شفت أحد من أفراد الهيئة يعامل الناس بهذي الطريقة
لكن بعض أصدقائي من مدينة الرياض حكوا لي مواقف مع الهيئة صراحة يندى لها الجبين
ولما سئلتهم عن السبب قالوا سبب غريب جدا
هو أن بعض العاملين في الهيئة هم رد سجون :confused:
ولهذا السبب-والله أعلم-نشر في جريدة عكاظ قبل فترة أن الهيئة تطلب خريجين جامعيين للعمل فيها لأنهم أكثر تفهما ولديهم أسلوب أفضل من الفئة السالف ذكرها
وشكرا

السلام عليكم ,,

من رائي الشخصي أرى بان بعض افراد الهيئة متشددين زيادة على اللزوم صحيح ان هدفهم ردع المنكر ولكن ليس بطريقة النهر والزجر على الاخرين والتشهير (الغير مقصود) فمعظمهم لا يعرفون كيفية التعامل مع الاخرين و كما ذكر أخي كاسح بقوله (غلطانين وما عندهم اي اسلوب في التعامل) فقد اوصى الله نبيه صلي الله عليه وسلم ان يدعو الناس بالحكمة والموعظة الحسنة بقوله تعالى (أعدو الى سبيل ربك بالحكمة والموعظة الحسنة )فهي الطريقة المثلى للتاثير على العقول و كسب قلوب الاخرين وأشكر الاخت ليدي اوسكار لطرحها هذا الموضوع :)

تحياتي,,
Gundam Wing

السلام عليكم ورحمة الله وبركاته ..

شكراً لك أختي ليدي أوسكار على طرح هذا الموضوع المهم لنا :) .. >> مع أني لا أراك بيننا في مكساتي :مندهش:

أبتدئ بقول الله عز وجل : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله ... } الآية
وهذا الكلام موجه للمسلمين جميعا .. فالأمر بالمعروف والنهي عن المنكر واجب على كل مسلم عرف طريق الحق وهو غير مقتصر على هيئة الأمر بالمعروف والنهي عن المنكر .. لكن هناك بعض الأمور لا يستطيع القضاء عليها عامة الناس فتقوم هيئة الأمر بالمعروف والنهي عن المنكر _ أدامها الله وحفظها وقواها وأعانها على قمع الفتن والمجون _ بمهمتها بأمر من ولي الأمر .. صحيح أن الهيئة شديدة في معاملتها لشباب والشابات وذلك لما يجدون من مظاهر لا ترضي الله والمؤمن يغضب إذا انتهكت محارم الله .... وما ينفع معهم إلا الشدة ..

والله إن الرياض كلما لي أشوفها تزيد وقاحة وقلة حيا وانفتاح.. قبل 3 سنوات والله ما كانت كذا زي الحين ..
والهيئة ما يسون كذا إلا أنهم يبغون مصلحة شبابهم والا وش حادهم ..
أنا صرت أقرف أروح للأسواق وأطلع من البيت بسبب اللي أشوفه كل يوم من هوايل :eek:
وبما أنني عشت حياتي في الرياض _ أقوى مراكز الهيئة_ ولفيت على شارع الأمير عبدالله والثلاثين والعليا ودخلت المملكة والفيصلية وصحارى وشفت البدع والهولات أبقص لكم قصص صارت لي أنا شخصياً والله إنى ما أكذب ..
= قبل كم يوم كنت رايحة لموعد في المستشفى وكنت قاعدة بالسيارة متحمسة أذاكر الإمتحان اللي علي بكرة .. وفجأة وحنا واقفين عند الإشارة اللي قدام صحارى الا جت شحاذة تطق على الشباك _ زي دايم_ ناظرتها همن عرفت اني مانب معطتها شي وراحت واناظر ولا السيارة اللي جنبنا رجال حاط ورقه وش كبرها كاتب فيها رقم جواله_ يحول المسيكين _ المهم كملت مذاكرتي ومشينا وراح >>>>>> هذا وأنا بالسيارة وشلون لو أطلع منها .. ::مغتاظ::
موقف آخر صار لي كمان ..
= كنت رايحة أنا والشغالة للسوبرماركت نشتري بعض الأغراض .. المهم يوم جينا نحاسب - صح ا المحاسبة حقتهم يصير كم واحد جنب بعض - قال لي الحساب وهو ما يغض طرفة وكمان اللي جنبه يناظروني بشكل مخيف وملفت كأنهم أول مرة يشوفون حرمة - المحاسبين سعوديين في العشرينات تقريباً -والله شوي وياكلوني :eek: .. أنا ارتعت شكيت بنفسي أنا فاتشة والا شي طالع غريب .. الحمد الله كل اللي قدامهم حرمة لابسه عباية سودا على الراس ومغطية عيونها ويدينها ولابسة شراب يعني ما في شي يستحق إنهم يناظرون هالنظرات الوقحة والله قرف ..
اصبروا تجيكم السالفة :
يوم طلعنا من المحل قالت شغالتي : اميلي ليش أنتو كذا سعودي سمسم هندي عيون هو زي مجنون .. أنا تفشلت من جد :مذنب: .. قالت : في أندونيسيا ما في غطا وجه علشان عيون اندونيسي مو زي سعودي ..
بالله لو كنتو مكاني وش بتسوون ؟؟ << أبي رايكم ..

الزبدة إن الهيئة لو ما كانت عندنا كان شفتو البلاوي والفظايح..
أنا أعتقد أن نظرة أغلب الأعضاء تجاه المطاوعة - وهذا يظهر من خلال الردود- سيئة .. لأنهم ليس لهم علافة بأي مطوع .. يظنون أنهم فقط يتعبدون ويصومون ويعتكفون ويتذكرون النار والجنة فقط ..لا هم زيكم بشر تركوا للدنيا نصيب .. وكثير منهم إذا جلست عنده تكاد تنفقع من الضحك .. صدقوني هم لطفاء في الغالب ..عليهم السمت والوقار ..
لكن سمعتهم للأسف سيئة ..

آسفة عالإطالة ..
لكن أنا مع الهيئة في كل اللي قاعدة تسويه.. ::سعادة::
لكن إن كان في نظركم لها سلبيات فإجابياتها أكثر بكثير من سلبياتها ..
وسلامتكم ..






تحياااااااااتي The countess

كلامك يا اميلي صحيح

انا اعرف مطاوعه شو حلوهم يهبلون ويوسعون الصدر بس هم ينقهرون من الي يصير ولهم الحق المؤمن الحق يغظب اذا انتهكت حرمات الله يعني هو يشوف ان كل وحده منهم بنته بس صحيح صوته عالي لان انا اول قابلت وحده جا مطوع قاعد ينصحها بصوت واطي وبادب ومايسمع الكلام احد قالت هذا قليل حيا ليش مقرب بس طبعا مو مره ويتكلم شوي شوي اكيد نفسه يتميلح يعني احتاروا مع العالم وش يزينون
بعدين عيال الرياض اغلبهم وقحين وماتنفع معهم الا الشده لان من يشوفون حريم بدون رجل الا ياكلونها بقشورها

ايه والله إنك صادقة يا خالة.. :نوم:

بقولكم شي بعد ..
احنا نروح كل إجازة صيف لمكة ونمر على جدة نقعد فيها كم يوم نروح الأسواق والا البحر والا الملاهي ..
المهم
تعرفون أنتم جدة الله يستر عليها أهلها فري .. الحرمة المطوعة عندهم تكون متحجبة .. وإذا دخلت المحل تسمعين موسيقى خافته ... الخ
طبعاً ما عندهم هيئة ..
لكن أقسم بالله العظيم انهم أخلاق وعيال ناس محترمين ومؤدبين .. ::جيد::
ما أدري وش السبب احنا وأهل الشرقية كذا استغفر الله ياربي .. فشلونا :مذنب:
الله يصلح شبابنا وبناتنا يا ربي ..
لا تحسبوني عجوز الحين تراني كبركم .. لكن عندي ضمير وكرامة :D










تحيااااااااتي The countess

اولا شكرا على طرح الموضوع
ثانيا
انا اوافق الهيئة في اشياء واعارض في اشياء
اوافقها في منع الشباب الطائشين من التمادي وحفظ الامن والادب في الاسواق
ولكن اعارض في اسلوب بعض الاعضاء فهم لا يملكون ادب الحوار وبذلك فهم ينفرون الشاب من التوبة والشابات من الذهاب الى الاسواق
ولكن لولا وجود الهيئة كان الله يستر علينا
فساد وقلة ادب اعوذ بالله

وشكر ليدي اوسكار على طرح الموضوع