خـــــطأ وخطـــــر ،،، خطــــأ وخطـــــر صايـــر لنــــا ==> أتفضلوا ماراح تندمـــوا
مرحبــــــــــــــــــــــــــــــــــــــــــــــ ـا ::سعادة::
أنـــــــــا عضــــوة جديـــــــــــده في دا المنتدى ،،، واتمنــــــى إني أكــــــــون خفيفه عليكم::جيد::
أكيـــد فجعتكــــم بالعنوان صح ،،، سوري ،،، بس لو تعرفوا الموضوع إيش هوا حتعذروني ::سعادة::
حبيت بأول موضوع أنزلوه ليا في دا المنتدى يكون من حياتنا .... من مجتمعنا ..... من واقعنـــا الحــــــالي
موضوع قد يتساهل بها البعض أو قد لا يعطي لها أهمية بحكم " اللهم نفسي نفسي " أو "مالنا ومالهم"
موضوع يعاني منها مجتمعنا العزيز ،،، موضوعه ( ماذنب الأبناء بمشاكل الأباء ) ....
كثير من الأباء يعـــانون مشــــاكل كثيـــره ، ولكن أصعب مشكله قد يواجهها ويذهب فيها الأبناء ضحيـــــة هي
مشاكل الأباء مع أخوانهم أو أبائهم أو أي شخص من العيلة ، وياريت على كدا وينتهي لا كمان العداوة تنتقـــل
لأبنائهم اللي مالهم ذنب ، يقولهم الأب : أشوفك ... أصحك ... يا ويلك تكلم أحد من عيلة عمك (عمتك):محبط:
وطبعا الأبناء حيسمعوا الكلام سمعا وطاعه لهم ، وفي قلبهم حزن لكن مابيدهم حيله ....::مغتاظ:: :بكاء:
بس إيش ذنبهم دول الأبناء ، إيش ذنبهم لو كان في عداوة بين أبائهم و أعمامهم أو حتى أجدادهم ، إيش
ذنب ابن أو ابنه ماتكلم عمها (عمتها) أو أبناء أعمامهم ،،، " إلا من رحم ربي " ....
دا غير في بعض العائلات حتى مايعرفوهم عن من هم العم أو العمة ، هناك أبناء كثيرون لا يعرفون أحد من
أعمامهم ، يعني لو شافوهم بالصدفه في أي مكان ماراح يعرفوا إنو دا عمو ....
قال تعالى : " واتقوا اللــــه الذي تسألــــون به والأرحام " ....
أنا دا الموضوع يأثر فيا شخصيا عشان كدا حبيت يكون أول موضوع ليا،وأحب أسمع إيش رأيكم بدا الموضوع.
بس في سؤال بسيط كدا وجاوبوني عليه بأمــــــــــــــــــــانة
_ لو إنتو حصل معاكم كدا في العيله "برا وبعيد يعني " هل ترفضون التحدث مع عمك "عمتك" أو أبنائهم ؟
أنا بالنسبالي لالالا أبدا بالعكس لو كلموني راح أستقبلهم بكل صدر رحب وبمحبه ، أنا مالي ومالهم يضاربو زي مايبغوا " يسطفلو ببعض هما عاد "
واتمنى إنكـــــــــــــــــم ماتحرموني من ردكم لأنو يهمني مرررررررره ،،، واتمنى من كل شخص يدخل يقرا
الموضوع يقول نصيحه أو عظه أو تعليق لو سطر بسيط لدول الأباء ، وطبعا لا تنسوا تجاوبو على سؤالي ....
في الختام بما إنو رمضان داخل علينا كمان كم أسبوع إن شاء الله حبيت أقول لسيدي وستي M
وعمــــاني W,F,K ولعمتي العزيزة N ولكل ولد وبنت عمه ليا وطبعا للجميع
كل عام وأنتم بخير ،،، ويكون شهر مغفره وتســــــــــــــــــــامح ومحبه للجميع يارب ........
