السلام عليكم يا احلى اعضاء
اليوم جبت لكم بعض الامثال اللي تنقال في الامارات .......... @ بلادي الحبيبه@............
وأتمنى انكم تستانسون عليها و تستفيدون ::جيد::
اللي ما يعرف الصقر يشويه
المثل هذا ينقال للشخص اللي سوي الشي وما يعرفه أو للشخص اللي يسوي شغله ما يعرف عنها شي اطلاقاً.
************************************************** ************************************************** ********************
الفرس من خيالها ، والحرمة من ريّالها.
المثل هذا ينقال للريال اللي ترك الحبل على الغارب لزوجته تسوي اللي تبا ، أو للحرمه المتسلطة المتعجرفة اللي يكون زوجها طيبً ومسالم وما يوقفها عند حدها. <<<<< حلوه هاذي :ضحكة:
************************************************** ************************************************** *******************
سيل مال ينبك ، ما يهمــك
أي أن المطر الذي ينزل على بلد ناس ثانيين ما تستفيد أنت منه شيء والمقصود منه أن المواضيع والمشاكل التي يعاني منها غيرك لا تعني لا شيئاً ولذلك اهتم بشؤونك فقط ولا تتدخل في شؤون غيرك. :تدخين:
************************************************** ************************************************** ******************
القطو العود ما يتربى
معنى هذا المثل أن الشخص الكبير الفاسد اللي كبر و بلغ ...صعب أنه يعاد تربيته وتعليمه من جد و جديد ..
************************************************** ************************************************** *****************
الشيفه شيفه ، والمعاني ضعيفه
المثل هذا ينقال يوم تشوف شخص مظهره اوكي و حلو فتعجب به وبشكله وتاخذ عنه انطباع زين بينما هو سيء الأخلاق .. <<<<<< ههههههههههههه يا ما اقول ها المثل لربيعاتي يوم يطفرون بي :لعق:
************************************************** ************************************************** *****************
الطول طول نخلة ، والعقل عقل اصخلة
ها المثل توبيخي ينقال للشخص الطويل الأحمق فهو طويل كالنخله وعقله مثل الشاة او الماعز :D !! <<<< :ميت: بحكم اني طويله اسمع ها المثل من ربيعاتي بس ما علي منهم ... هم اصلا يغارون من طولي لأنهم قصار :لقافة:
************************************************** ************************************************** ****************
من طول الغيبات ياب الغنايم
ينقال ها المثل للشخص اللي جاي من غيبه طويله وعشان كذا يسأله الناس عن الغنائم والأخبار
************************************************** ************************************************** ***************
عندك تاكل قال لأ ، عندك تغرم قال هيه
ينقال ها المثل للشخص اللي ما يملك شيئ ومع ذلك يدور عن شيء يضيع فيه فلوسه <<< عجيب ها المثل و ينطبق على الكثير من الشباب عندنا :ميت:
************************************************** ************************************************** ***************
حاسدين الفقير على موتة اليمعه
هذا مثل ينفر من الحسد وخاصة حسد الفقارا اللي ما عندهم شيئ من متاع الدنيا وعشان كذا يحسدهم الناس حتى على الموت في يوم الجمعة على اعتقاد ان الموت بيوم الجمعه له اجر عظيم لأنه يوم مبارك عند المسلمين..
************************************************** ************************************************** *****************
شاور حرمتك واعصاها
يدعو ها المثل الريال إلى أخذ رأي الحرمه حتى لو ما كانو مقتنعين بآرائهن ولذلك يكفي أن يطلب الريال المشورة من زوجته وبعدين يسوي الشي اللي يشوفه مناسب !!
وفي هذا المثل دعوة إلى عدم الأخذ برأي النساء لأنهن لا يشرن بمشورة حسنة أبداً ولكن مشورتهن ذات فائدة كبيرة لأن الرجل بسؤالهن يعرف الشــر فيجتنبه .. <<<<< الاخت قامت ترمس فصحى
مالت ما حبيت المثل من اول ما عرفته :ميت: :ميت: :ميت:
************************************************** ************************************************** ******************
بو طبيع ما ايوز عن طبعه
يدل على أن الإنسان الذي تملكته صفة أو طبيعة واعتاد عليها لا يستطيع الاستغناء عنها أبداً أبداً !!
************************************************** ************************************************** *****************
واذا تذكرت امثال ثانيه بكتبها بعد ::جيد::
