مصطلحات سعوديه تموت من الضحك ؟؟!!!!!!!!!!!!
«®°·.¸.•°°·.¸¸.•°°·.¸.•°®»
السلام عليكم ورحمة الله وبركاته«®°·.¸.•°°·.¸¸.•°°·.¸.•°®»
اوعدوني بالردود وعد خلاص تراكم وعدتوني
الرجاء الدخول بالمناديل لان الغبره شديده
اشهر الكلمات السعوديه المضحكه
الدلخ
وهذا انسان غبي جدا ويرفغ الضغط ...وينرفز..واكثر من يعاني منه المدرسين واهله
المنسم
ذلك راجع الى تهريب الهوا من راسه والسبب في ذلك هو ان في راسه فتق لذلك تلقاه دايم يغطس راسه في سطل مويه عشان يعرف من وين التنسيم
المهوي
هو مرحله متاخره من التنسيم والمهوي وصل لمرحله متاخره جدا بحيث يفقد اهله
الشخر المخر او ابو مشخر
من نفس فصيله المنسم !
السلنتح
قليل الادب
جحلط (بتشديد اللام(
وهم مرحله متقدمه للسلنتح
مزلب
يعني بايعها بتراب
مسقح
يعني طاير في العجه وهو ماعنده ماعند جدتي ..يعني بالعربي الفصيح من جنب العارضه
الصتيمه
وهو الشخص اللي ماعنده ماعند جده جدتي ..!!..ويصدق اي شي يقال له
المسبه او المسبوه
هو الشخص اللي يكون مروع في صغره لدرجه انه يصبح شبه فاقد للعقل
المفهي
هذا الله يخلف مهما تقول له او تصارخ عليه تلقاه وفاتح فمه وبس واذا كلف عمره وتفاعل معك رد عليك وقالك:هه...
الحقنه
هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه عن الموضوع حقه ينشب في حلقك لين ياخذ منك اللي يبيه وهذا يفسر قول العرب اغث من حقنه ..
العله
هذا اللي ماتاخذانت منه اي شي ولاعنده استعداد انه يسمع منك مهما حاولت وهوكالمرض يعلك لين تنفقع مرارتك منه
العربجي
يظن معظم التاس ان العربجي هو الشخص الشديد حق المشاكل واللي يمشي الا وهو مشخص بنت البكار اسم لطريقه لبس الشماغ عند العرابجه وحاط مفاتيحه في سلسله ولابس نعال سجاديه ويسحبها تسحيب لين جاء يمشي ودايم فاتح صدره ورازه على فوق وكانك ولد ابوك قله شي بس لكن في الاونه الاخيره ظهرت اشاعات تقول بان العربجي هو اللي يسوق الحمار اعزكم الله لكن صرح مصدر موثوق من عائله العرابجه بان هذه اشاعه مغرضه اطلقها عليهم احد الخكاري
المرجوج
هذا ماعمره صلح في حياته مابمديك تفتح فمك الا وطار في العجه بدون مايفهم وش السالفه
المطفوق
من فصيله المرجوج ..الا انه مايميز هو انه اذا مر من عند كاس اوجيك او ابريق او اي شي سايل لازم يكبه ..برجله وهو مايدري ولا تخليه يصب القهوه لضيوف لانه لازم يكب القهوه على ثوب احد منهم ...!!
السربوت
هذا اللي مايخلي مكان مايروح له والاولين كانوا يطلقونه على من يشرب الدخان لكن الحين الله يخلف الناس تدخن بيدينها ورجلينها ولحد يقولهم شي
السمردي
وهو من فصيله السربوت
الداشر
هذا قليل الادب ولا يحب يماشي الا السرابيت
الملكع
اماهذا فيعرف من السكن اي الجن ومهما تحاول تلف وتدور معه تراه فاهم وش تبي بالضبط فلا تعب نفسك معه
زعيط
مسوي نفسه يفهم كل شي وهو من جنبها
المصرقع
وهو كل شخص مايهمه شي واللي يطري عليه يسويه لانه ماخذ الدعوه بساعه الصدر والهبال
الخكري
نعومه +دلع +ليونه الله لا يبالنا
اللزقه
هذا الشخص اللي على طول معك وقدامك وراك وكل شي وتطلع من الباب تلقاه
