يا بنت تغطي... هذا مواطن!!! **موضوع للنقاش**

السلام عليكم ورحمه الله و بركاته

في موضوع جاء على بالي اليوم.... لاحظته أكثر شي في الجامعه

الموضوع هو... ليش البنات يتغطون يوم يشوفون مواطن وما يهتمون لها الشي اذا كان اللي جدامهم مو مواطن؟

مثلا كنت بالجامعه مع شله بنات جالسين ووحده كانت معانا الله يهديها شيلتها على كتفها... اول شي مر عامل هندي ولا كلفت عمرها ترفع الشيله و تغطي شعرها... و بعدين مر جدامنا دكتور مصري و ما شفناها تحركت.. بس بعد فتره من مر دكتور مواطن (قصدي هنا اماراتي على اساس اني اماراتيه) قامت على طول غطت شعرها و قالت ... ويييه ريال!! :confused: :confused:

يعني بالذمه!! اللي مرو قبل مو رياييل؟

استغربت جدا منها ومن تصرفها.... على فكره في كثيييير على ها الشاكله.... يعني في الاسواق من يدخلون المحلات وداقين سوالف مع البياع و ضحك و غشمره.. بس من دخل صاحب المحل وكان مواطن سكتو ولا طلع لهم حس

طيب ليش؟ ليش الوحده تهتم تتغطى جدام المواطن وما تهتم اذا كان اللي جدامها وافد او اجنبي؟

الصراحه احس انا نبي نتناقش في ها السالفه!!

لأن ها واقع نشوفه في مجتمعاتنا الخليجيه

ومنتظره ردودكم

تحياتي لكم


Angel Face

مشكوووووووره عزيزتي على الموووضووع...

بالنسبه لهذي الحركة قليلة عندنا في السعوووديه...::سخرية::

بس يمكن تستحي يووم يجيها مواطن من بلدها لأنه الأغلب يمكن يتعرف عليها ويتزوجها بعدين...

أما الأجنبي نادرا ما يفكر يتزووج أو يتعرف عليها...

وبالنسبه لها بتهتم أكثر بالمواطن أكثر من الأجنبي...

:تدخين: :تدخين: :تدخين: :تدخين: :تدخين: :تدخين: :تدخين: :تدخين: :تدخين: :تدخين: :تدخين:

مممممممم الحركات هذي ماأعتقد تكون كثيره عندنا << بالسعوديه

بس صراحه الرجل رجل كان مواطن او غيرهااا

ويسلمو ياقمرر

:D :D :D :D :D :D :D


الجواب بسيييط و سهل :-


المصري أو (( الوافد )) .. تعتبره مثل أخوها يعني - محرم عليها طوول حياتها .:rolleyes: :rolleyes:

أما الإماراتي .. (( المواطن )) خخخخخ غيير ... ;)


(( فهمتي المقصوود )) أنا ماعرف اشرح أكثر عن جي ..:confused: :confused:


الله يهدي الجميع .. ::سخرية::

ياخويتي اذا عرفتي قوليلي
انا والله مره وحده في السوق يمي
متنقبه وحاله
شوي تدخل المحل معي
وتشيل الغطاء عن وجهها
قامت وحده قالتلها
فيه رجال
قالت شنو يعني هندي
قلت والهندي مو رجال
استغربت الصراحه منها
من جد غريبه
وانا الى اللحين مالقيتلها جواب
غيرانها قلة ادب ووقاحه
وشكرا على الطرح الحلو

أولا السلام عليكم
مشكورة اختي لطرح الموضوع .. بس اعتقد ان هذا له علاقة بالتربية او طريجة العيش لانا آلفين الهنود والسيلانيين ويانا في البيوت فما نكلف اعمارنا ونتغطى لانهم منا وفينا بس عندنا في منطقتنا يتغشون عدل خاصة من الهنود لانه وايد يدخلون المدرسة ويشتغلون وهذا شي مألوف .. خلاصة القول انه لازم الأهل يركزون على هالنقطة وينورون بناتنا ويزاج الله خير اختي ::جيد:: :p :p

مشكورين على ردودكم !!

إقتباس:

---

بالنسبه لهذي الحركة قليلة عندنا في السعوووديه...

بس يمكن تستحي يووم يجيها مواطن من بلدها لأنه الأغلب يمكن يتعرف عليها ويتزوجها بعدين...

أما الأجنبي نادرا ما يفكر يتزووج أو يتعرف عليها...

وبالنسبه لها بتهتم أكثر بالمواطن أكثر من الأجنبي...

---

صح كلامك بتهتم للمواطن لأنه يمكن يعرفها او يتزوجها!! بس اذا كنت مع اختك ودخلت المحل وكان البياع هندي.. هل بتتقبل انها تكلمه على راحتها على اساس انه مو مواطن؟ اكيد لا

ليش!! عشان اللي جدامها ريال!!!

الموضوع هني... الريال ريال.. سواء كان مواطن او غيره... يعني حلال عا الاجنبي و حرام عا المواطن؟

إقتباس:

---

الرسالة الأصلية كتبت بواسطة DeliciouS

مممممممم الحركات هذي ماأعتقد تكون كثيره عندنا << بالسعوديه

بس صراحه الرجل رجل كان مواطن او غيرهااا

ويسلمو ياقمرر

---

يمكن مو موجوده كثير سالفه الغطى.. بس انا متأكده ان السالفه منتشره في الاسواق ومع البياعين

ومثل ما قلتي الريال ريال

ومشكوره على مرورج يالغاليه :)

إقتباس:

---

الرسالة الأصلية كتبت بواسطة Akira Endou

أولا السلام عليكم
مشكورة اختي لطرح الموضوع .. بس اعتقد ان هذا له علاقة بالتربية او طريجة العيش لانا آلفين الهنود والسيلانيين ويانا في البيوت فما نكلف اعمارنا ونتغطى لانهم منا وفينا بس عندنا في منطقتنا يتغشون عدل خاصة من الهنود لانه وايد يدخلون المدرسة ويشتغلون وهذا شي مألوف .. خلاصة القول انه لازم الأهل يركزون على هالنقطة وينورون بناتنا ويزاج الله خير اختي ::جيد:: :p :p

---

حيا الله فيج يالغاليه

فعلا التربيه لها دور كبير في ها العادات المب زينه....

نحن بعد آلفين هنود في بيوتنا بس عمري ما طلعت جدامهم مكشوفه...

ومثل ما قلتي اختي.. هني ايي دور الاهل.. لازم يعلمون بناتهم عدم التساهل في ها الامر لأنه في نظري جدا خطير :ميت:

ومشكوره يا الغاليه على مشاركتج ::جيد::

إقتباس:

---

الرسالة الأصلية كتبت بواسطة blue....dunc

ياخويتي اذا عرفتي قوليلي
انا والله مره وحده في السوق يمي
متنقبه وحاله
شوي تدخل المحل معي
وتشيل الغطاء عن وجهها
قامت وحده قالتلها
فيه رجال
قالت شنو يعني هندي
قلت والهندي مو رجال
استغربت الصراحه منها
من جد غريبه
وانا الى اللحين مالقيتلها جواب
غيرانها قلة ادب ووقاحه
وشكرا على الطرح الحلو

---

صح مثل ما قلتي.. قله ادب ووقاحه.. خاطري اعرف حق شو الغطى و الحجاب عيل؟

ومشكوره على مرورج حبوبه ^^

إقتباس:

---

الرسالة الأصلية كتبت بواسطة إماراتيه وافتخر

:D :D :D :D :D :D :D


الجواب بسيييط و سهل :-


المصري أو (( الوافد )) .. تعتبره مثل أخوها يعني - محرم عليها طوول حياتها .:rolleyes: :rolleyes:

أما الإماراتي .. (( المواطن )) خخخخخ غيير ... ;)


(( فهمتي المقصوود )) أنا ماعرف اشرح أكثر عن جي ..:confused: :confused:


الله يهدي الجميع .. ::سخرية::

---

هههههههههههههههههههههههههه

احينه الوافد صار محرم؟ والله حاله !!

اذا الوحده تخاف ان المواطن بيرمس عنها .. فلازم تحط في بالها ان الوافد بعد بيرمس عنها.. وبيشوه صورتها بعد عند المواطن

وها اللي حاصل للاسف ::مغتاظ::

ومشكوره على مرورج المشاغب ;)

إقتباس:

---

الرسالة الأصلية كتبت بواسطة Angel Face

ومشكوره يا الغاليه على مشاركتج ::جيد::

---

العفو تسلمين يا الغلا وهذي الصراحة نقطة وايد مهمة حتى ان ما تغطن تكون الوقي مزركشة وعليها 200 لون هذا بعد عدم احتشام وماشاء الله على الويه مصبغينه مثل المهرج :rolleyes: :rolleyes: :rolleyes:

شكرا اختي الكريمة على الطرح القيم

وبالنسبة للموضوع

فإن هذه العادة منتشرة كثيرا لدينا ......

لا اعرف جوابا وافيا لهذا السؤال ؟؟؟

ولكن كل شيئ يعتمد على التربية منذ البداية ...

فالذي يحترم العربي عليه ان يتحرم الاجنبي

/
\
شكرا على الموضوع المفيد

اختكم

سرااب الرووح

شكرا على مرورج الطيب اختي سراب

ونورتي الموضوع ^ ^

يا جماعة خليكم على حالكم أنا مش خليجى أنا مصر ههههههههههه
يمكن وهذا إعتقاد أنا لا شفت الخليج ولا الخلايجة

يمكن هذه الفتيات أو الـ(......)
تعتقد إن الخليى ممكن ينظر لها ولكن الأجنبى لن يعبرها

هذا مجرد إعتقاد وتخمين فلا تناقشونى فيه

ياله إتغاطوا أنا شايف واحد خليجى جاى من بعيد
سلام

وأضيف على الأسباب التي ذكرتوها: لأن الحجاب ليس نابعا من قلبها وربما أيضا لأنها تشربت في أعماقها عدم المبالاة لغير المواطنين لدرجة أنهم أصبحوا في أعماقها غير بشريين من الأساس, أو لا تشعر بأنهم محرمين عليها فهي لن تنظر إليهم كما تنظر الفتاة للشاب ولن تفكر يوما بهم >لقد أهتمت هنا بطرف واحد فقط هو نفسها< وكذلك ضعف التوعية لها أثر كبير فهي ربما لا تعرف ماذا يعني الحجاب, أو لربما أنها لا تستشعر المغزى الحقيقي منه, ومن الضروري أن ينبع كل شيء من القلب وهذا يحصل بعد توفيق الله عز وجل <بالفطرة السليمة النظيفة> والتربية لها دور أيضا, وكذلك توعيتها جيدا وعليها تنشأ النفس فحتى لو تغيرت الظروف يبقى شيء مغروس بالقلب, وعلى أية حال بإمكان الشخص أن يتغير في لحظة, فمتى أحبت الحجاب صدقا من كل أعماق قلبها فحتى لو كانت بالخارج ولم يظهر أحد فإنها لا تخرج إلا عفيفة طاهرة نظيفة محجبة كلؤلؤة مكنونة وجوهرة مصونة..
شكرا أخيتي على الموضوع, وبانتظار المزيد ::جيد::
..أسأل الله أن يهدينا جميعا ويوفقنا لما يحبه ويرضاه..

مشكور اخوي عا المرور !!

إقتباس:

---

قامت على طول غطت شعرها و قالت ... ويييه ريال!!

---

هههههههههه
تو الناس !! :ميت:

هالظاهرة منتشرة بين عدد من الفتيات للأسف
المشكلة تقول لك أن السواق الهندي او العمال مثل المحرم عندها
طيب كيف بالله عليكِ ؟!!
في البيت تكشف شعرها وعندهم سواق او طباخ وبكل برود تقول لك عادي !!
:confused: :confused:
أمثال هالبنات ومع احترامي لهن أساؤوا للحجاب قبل أن يسيؤوا لأنفسهن
والامر ذاته ينطبق على فتيات يلبسن الشيلة عدل بس نص شعرها من الامام ظاهر! :confused:
أي حجاب يتكلمون عنه ؟!!
خلي يسمونه اي اسم اخر شال ، موضه ، زينه ...
ولكن ليس حجاب
الحجاب الحق يتبرأ من هالصور ..:نوم:
وللأسف الفتيات الصغار ينقادون خلف الكبار معتقدات أنه الحجاب الصح

الله يهدي الجميع الى سواء الطريق...

وأخيرا اشكرك اختي على هذا الطرح المهم ::جيد::

تحياتي...

وعليكم السلام ورحمة الله وبركاته

والله فعلاً إن هذا تصرف خاطئ 100%

حتى وإن كانت في نظرها أنه أجنبي بأنها لن تتزوجه كما هو تعليق إماراتيه وافتخر

فهذا غير مبرر لكشف وجهها

إذا كان الأمر على ذلك , فيصبح جميع من تزوجن يكشفن

إقتباس:

---

الرسالة الأصلية كتبت بواسطة DeliciouS

مممممممم الحركات هذي ماأعتقد تكون كثيره عندنا << بالسعوديه

بس صراحه الرجل رجل كان مواطن او غيرهااا

ويسلمو ياقمرر

---

::جيد::


والله يهدي جميع نساء المسلمين , سواء في الإمارات أو الخليج أو جميع الدول الإسلامية

وفي آمان الله

السلام
هذولي البنات مايتغطون بس اسم انها حاطة حجاب
هم منطنشين الأجنبي وما يعتبرونه رجال لكن المواطن رجال............... وتصير كثير
جارة وحدة من قرايبي الله يهديهيا تكشف لما هي مسافرة ومرة قابلت ناس سعودين من معارفهم ولا تغطت عن رجالهم
ولما رجعت للسعودية تغطت عنهم
ما أدري ايش فكرتهم؟؟؟؟؟؟؟؟ يعني ربي هنا بس مو في كل مكان :confused:

الله يهدي الجميع :نوم:

ساحرة السماء الفضية

اتفق معاج.. المفروض ما يتهاونون على ها النقطه.. الطباخ او السواق او حتى المزارع .. ولو كان يشتغل بالبيت وكان موجود من قبل ما انتي تنولدين .. لازم تتغطين جدامه مو تنكشفين.. لأنه مو محرم...

A S U K A

حتى بالسعوديه تصير.. لما كنت بالسعوديه رحت السوق و دخلت محل ... وشفت حريم داخل رافعين النقاب.. بس من دخلت مع اخوي المحل على طول نزلو النقاب و تغطو

الظاهره هاي منتشره في الخليج بشكل عام

وتسلمين على مرورج

Sugababy

اي والله تستغربين منهم...

الله يهدي الجميع وتسلمين على مرورج يا قمر ^ ^

اهلا وسهلا

هاي الظاهرة منتشره ولكنني لم اهتم بها في بادىء الامر ولكنني عندما رايت الكثير يقلدون الي يشوفنه فاهتميت فيه عندنا في المدرسه من ذيلا البنات

بعدي اليوم في مدرستنا دخل هندي الوكيله قالت للبنات غطو شعركم وانا غطيت بس في بنات ما غطو والله يهيدهم ويهدي الجميع

وشكرا على الموضوع

شكرا

محبتكم :سمرمر