اففففف ما ادري وش اسوي

السلام

يا اعضاء المنتدا


بصراحه ابيكم تقولولي شي


وهو


ان الواحد إذا كا ن طفشان وش اسوي



غير دخول النت


وبجرب آرائكم كله ان شاء الله

طفشانه؟؟؟
روحي درسي.. حق امتحانات الفاينل
او اقري قرآن <---- اقل شي كل يوم صفحة
دخلي النت<---- الوقت بيطير وانتي مو حاسة
اقري كتب عادية <------ شعر الغاز تحليل شخصيات روايات
فتحي التلفزيون حطي فلم هندي<----- ما يخلص الا بعد ثلاث ساعات طول 3 ساعات تبكين ومندمجة بالفلم وما رح تحسين بالطفش
روحي نامي <---- راحة نفسية وبدنية
طلعي كل ملابسج من الكبت وردي رتبيهم ..<---- عدلي اغراضج
روحي المطبخ سوي لهم اكله حلوة كيك وكذا
اشتري مجلات جديدة وشوفي الاخبار والقصص..والمقالات
طلعي كل جرايد الاسبوع اللي فات وردي اقريهم
يعني شوفي لج شغلة
هذي اشياء بسيطة ..ممكن تساعدج :)
والله يعينج

كل الي قالته غدير تمام
وبالذات القرآن فهو شفاء لما في الصدور..

ولا تنسي أن خير جليس في الزمان كتاب

وخير فيلم الفيلم الهندي >> حتى أفلام جيمس بوند صارت بطابع هندي.. ^ــ^

مرحبــــــا *ايروكا*
كيفك ياحلوه....؟؟
انا بصراحه قراءت مشكلتكِ .....وبحكم الاخوه ..والمكان الذي يجمعنا..سوف احاول تقديم ما بوسعي لكِ .....


اعلمي ان الانسان يكون سعيدآ بقدر ارادته وهذا شيء بيده....
ما اعنيه هو..لا تقولي بنفسك عبارات تساعدك على بناء حاجز بينك وبين السعاده مثل...(انا اليوم طفشانه....انا مليت ....انا دايم حظي شين......انا ما اعرف اسوي شي...) .....
اذا كنتي ممن يرددون هذه العبارات....فقومي بالتالي :

1_ اطردي هذه الافكار من راسك...وضعي حاجز يحول دون وصولها اليكِ مره اخرى......
2-وعززي نفسكِ بأقوال عكس ما ينطبق عليكِ...مثل ..(اليوم انا غير....احس بسعاده غامره.... انا لا اعرف للمل طريقآ.....)
3- كرري الابتسام..طوال اليوم....
4_ ابتعدي عن كل شيء يجذب لكِ الملل....
5_ ابحثي عن ما دفن بداخلك من مهارات....
6_ تعرفي على نقاط..القوه والاشياء المحببه الى نفسك.....
7_ ضعي لنفسك اهداف وقوانين تسيرين عليها طوال اليوم......
8_ اكتشفي مهاراتك ...لابد ان لكِ مهارات كثيره...كا الرسم مثلا....
او قراءة القصص والروايات.....الصحف
9_تعلمي شيئآ من انواع الطبخات مثلا ...يفيدك في حياتك العمليه....
10_ سجلي بدورات تدريبيه.. تعلمي برامج الحاسب اواللغه الانجليزيه..
ولا تتعذري بدوامك الصباحي...فهناك دورات مسائيه....
11_ صلي اقاربك...بوقت فراغك....... ولا اوصيكِ بأخير من هذا الكلام كله وهو القران الكريم............
____ _______ _______ _______
واعلمي يا صديقتي... :p

ان ادارة الوقت الاداه الاساسيه لحياة ممتعه..... حاولي ان تقومي بشيء مما ذكرت او ماذكرنه اخواتي قبلي...قومي بعمل يشعرك حقآ بأنك تحدثين اختلافآ في العالم .....واستغلي وقتك كما لو ان الجميع يشاهدك.....وكوني لنفسك اهداف ...لان الذين ليس لديهم اهداف محكوم عليهم للأ بد أن يعملوا لمن لديهم اهداف......

وفي الختام اتمنى انك تقبلين اراءي....ادري اني طولت السالفه. ..بس هذا والله لمصلحتك......
ولو احتجتي اي شي يا قلبي...لا تترددين...قولي الي خاطرك فيه...لو تبين بالرسائل الخاصه ..ارسلي وابشري بسعدك.. ::جيد:: .

اختك بحر الحنين :)

صراحه ..

اسمحي لي وخيتي ..

اضم ردي لرد بحر الحنين <<<< انا نفسي استفدت ..

غير الإنترنت عندج اشياء مختلفه و أهم من النت

تقدرين تجلسين مع الأهل:
اتكلمينهم عن موضوع معين شاغل بالج و اتناقشينهم فيه
تقترحين عليهم القيام بزيارة باقي أقاربج
تقترح عليهم تجميع اهاليكم كلهم في مكان ترفيهي
تطلعين مع المقربين من اهلج عشان اتزيدين الترابط الاسري لأسرتك

تقدرينتتواصلين مع الصحبه الصالحه:
ناقشيههم في موضوع و شوفي رايهم فيه عشان اتزيد رابطة الصداقه و الثقه فيما بينكم
حاولي اتحلين مشكله معينه بينهم انتي املاحظه وجودها بينهم

تقدرين تلجئين للعبادات:
بعد كل صلاة افتحي القرآن و اقري لج كم صفحه و اتفكري بالكلام المكتوب
اذا عندج كتاب ديني كسيرة الرسول اقريه بتتعلمين منه اشياء


و اذا حسبتيها صح بتتأكدين ان هذا الكلام بعود عليج بمردود خير مظمون ::جيد::


~ نـبـيـلـه ~

مشكور على مساعدتكم لي

وانا سويت كل اللي كتبتو

وبص راح استفدت كثير من ردودكم

ومشكوووور على المرووووور

اممم

انا يوم اكون ملان اجوف التلفزيون <<< احب اتابع الافلام اكثر شي وخصوصا الرعب

او اظهر برع <<<< يمكن انتي ماراح تقدر تسوي هالشي خلاص الغيه هه

او ارمس ويى ربعي <<<< ايه بس عاد لاتزوديها وايد وتقعد ثلاث ساعات

و اكثر شي اسويه اني اروح ارقد<<< اريح و ارتاح

اذكري ربك..

وتحلي بالصبر..

وتبي تلقين شي تتونسين به...

العبي سلم وتعبان

[glow]مشكورين على الموضوع الحلو واتمنى المزيد منها[/glow]

أنا مع الأخت حنين ::جيد::
لأني أستفدة منها بعد:o

أختي إيروكا نصيحه مني

نامي واحلمي ماتريدين بمعنى دعي أحلامك كالمسلسل في كل يوم حلقه .
فالنوم أيضا عمل
هاهاها

ممكن يا أختي ان تستفيدي من وقت الفرغ وتفيدين غيرك ولا لا استطيع ان اضيف اكثر من زملائي الأ ان اقول لك
افتحي كتيب وليس كتاب ( يمكن تقولين كثيرة صفحاته ) مثلي اول مره ولا اكمل واقول اكتبي لنا ما استفدتي وانقلي لي ولغيري
الفائده وراح تجدينها سهله جـــداً .

وشكراً

http://www.asmilies.com/smiliespic/ar_welcome/2.gif

سوي اللي قالته بحر الحنين لانه جدا روعه
وانا استفت منه
ومني انا اقولك روحي دلكي امك لانها تتعب من شغل البيت
تكونين كسبتي اشياء كثير
1_ رضاها ورضا الله لان رضا الله من رضى الوالدين
2_ لما تتزوجين انشاء الله وامك راضيه عنك اكيد بتتوفقين
3_ والاخيره اكيد بتقوين عضلاتك عشان تكفخين اخوك وتصيرين اقوى منه
هههههههههههههههه
اتمنى لكي التوفيق...............................

أحسن طريقة لطرد الملل:
النوووووووووووم

1|قراءة القران
2|مشاهدة التليفزيون في شي ينفعك<مهب فيلم هندي >
3|قراءة بعض المواد الدراسية
4|وأذا مللت من كل هذا فعليك بال<بلايستيشن >