عرض للطباعة
السلام عليكم ورحمه الله وبركاته
شباب انا عندي مشكله انا توه مبدأ بالفوتوشوب ابي اسال سؤال وانشالله اني اكون اقدر اوصلكم شنو ابي بالضبط :
اول شي ابي اعرف شلون طريقه تصغير او تكبير الصوره بعد ما اقصها
يعني انا قصيت الصوره باحد ادوات القص وابي الصق اللير في صوره اخرى مع تصغير او تكبير حجمه
لان انا اذا قصيت الصور تطلع اكبر من الحجم اللي انا ابيه وما اقدر الصقها بالصوره المطلوبه ؟؟؟ :( :( :(
انشالله انكم تردون علي باسرع وقت
عليكم السلام و الرحمه
اممممممممم
عرفت شو قصدك ::جيد::
ابشر بالخير بتتصغر الصور مثل ما تبي من اليوم و سايل ::سعادة::
نبتدي ..:: بسم الله ::..
بعد ما اتحط الصوره على صفحة العمل
اختر من بين الأدوات المربع المنقط اول أداة الي هي ( Rectangular Maquee Tool )
سير على الصوره و اضغط يمين الماوس Right Click
و اختار من القائمه الي بتطلع لك ( Free Transform )
بتتحدد الصوره بمربع كبير و حواليه مربع صغير من كل جهه
صغر الصوره عن طريق سحبها بالماوس من اطراف المربع
بعد ما اتصغرها و اتخليها بالحجم الي يناسبك اضغط ( Enter ) من الكيبورد
و انتهيت من تصغير الصوره
او بطريقه ثانيه:
بعد ما اتضيف الصوره على صفحة العمل
اختار من القوائم فوق :
Edit -------> Free Transform
و صغر الصوره مثل ما تبي لين ما توصل للحجم المطلوب
و مبروك عليك تصغير الصوره ::جيد::
اذا عندك اي سؤال ثاني ,,, نحن حاظرين و في الخدمه في اي وقت
تمنياتي لكم بالتوفيق و النجاح
اختكم العوده وارمووووه
مشكووره اختي وما تقصرين الصراحه هذا اللي كنت ابيه بالضبط ويعطيج العافيه