السلام عليكم
اخواني خواتي في مكسات
انا اليوم ابغى رايكم في هدا الموضوع اللي يهمني مرة
انا تخرجت من الثانويه بنسبة 87 انا تمنيت ادخل الجامعه ((جامعة الملك عبد العزيز))بس الحظ كان ملعون معي لانهم قبلو فقط 90 وما فوق والباقي يجلسو يقشرو بطاطس ولا يبيعو عند الاشارات :D
انا فكرت ادخل انتساب بس ماني ضامنه اجيب المعدل المطلوب عشان احول انتظام فقلت اني اتوكل على الله وادخل انتساب لان كل زميلاتي اللي دخلو جامعه واللي دخلوا كليه ما عدا انا اللي ما طلت دا ولادا مع العلم اني سجلت في الكليه قسم انكلش (E) بس سحبت ملفي بعد ما اخذت موعد من الجامعه عن طريق النت :mad: وكانت هدي الخطوة احد لعنات الحظ معي لان حظي الحمد لله زي وجه القرد ما ادري ليه :confused: فلما ماقبلتني الجامعه رحت الكليه فقالو نقبل بس العلمي فقط المهم قلت خلاص ادخل انتساب بس حق الانتساب 6000 ريال لاني زي ماقلت اخاف ما اجيب معدل عشان احول انتظام وتطيييييييييير فلوسي ع الفاضي وبعدين انفضح عند الناس واهلي يعصبو علي قلت لازم تكون الفلوس من عندي عشان ما اوجع دماغي وعشان اشتري دماغي لازم ادور على شغله عشان تتوفر معي 3000 حق النصف الاول وفعلا سألت عن مهنة في روضه الاطفال فعرفت ان راتبهم 1500 فممكن ادرس الاطفال وهدا الشي مو مره احبه بس قلت يللا معليش او اذا معي خبره كمبيوتر اشتغل عليه فقلت ياليت بس اكيد راح يطلبو شهاده خبره وانا مامعي غير الشهادة اللي اخذتها من المدرسه ما ادري يقبلو فيها او لا :ميت: بس خبرتي في الكمبيوتر تمام الحمد لله من الممارسه الدائمه والدروس اللي اخذتها في المدرسه كلها كنت عارفتها من اول الحمد لله
فما ادري فكرتي هدى كويسه ولا لا واللي عنده اقتراح احسن من كدا لايبخل علي واي تعليق تكتبوه ممكن يففيدني
انتظركم قبل لايقفل التسجيل في الانتساب وتلقوني ابيع عند الاشارات :( لبان وشيبس
اختكم \نمله لابسه كعب :( ;)
