كشخة الإمارات

~¤©§][ شباب ابوظبي ][§©¤~

اغلا السيارات... احدث الانواع...اغلا الموبايلات..احدث الانواع..المصيبه نصهم تافهيين وماعندهم

سالفه...ودمهم ثقيل...




~¤©§][ بنات ابوظبي ][§©¤~

يموتن على الكشخة والموديلات والمكياج...حتى وهن رقود بتلقاهم متمكيجات ...وياحبهن للرجيم طول

السنة وهن يسون رجيم حتى بتلاقي الوحدة فيهن معصعصه تقول مسواج ! ويحبن بعد يسون (تان ) في

شاطي الحريم..الحين من البياض الطافح عاد ! وياحبهن للانترنت ...والمصيبه مايعرفن شي في الانترنت

الا التشات...والكمبيوتر 24 ساعة مشتغل تسير وترد والجهاز مفتوح على التشات كل هذا علشان

مايفوتها شي...




~¤©§][ شباب العين][§©¤~

دكتورة في الكوفي شوب...مافي كوفي شوب في البلاد مابتلقى فيه عيناوي يالس... تقول مراسليين في

الكوفي شوب.. ويموتون على اي شي لونه بنفسجي ...نص مدارس العين فاضيه وشكلها نظيف من كثر ما

مدارسهم مهجورة ! دوم شاردين من المدارس.. ويموتون على قصص الحب ! يعني الواحد لازم يحب 4

دفعه وحدة علشان يكون انسان طبيعي




~¤©§][ بنات العين ][§©¤~

اهم شي عندهن انهم يبيضن بشرتهن ! وماتم كريم في السوق ماجربنه ! يعني اذا عندك شركة كريمات

سير العين وسوى دعايا بس قول ( كريم يخليج بيضا في دقايق ) صدقني بعد عشر دقايق بتشوف

الاستيشنات مصففه جدام محلك والكريم مخلص !..بس المصيبه عاد يوم تشوف الويه تقول يالله مبيضها

بس خل الشيله تطيح وبشوف الرقبه والسواد على اصول ! ويالله يالله ينجحن في الدراسة ! واشطر وحدة

فيهن يمكن مخلصه بس الثانوية




~¤©§][ شباب دبـي ][§©¤~

ياحبهم للفلوس...والرمسه عن الفلوس...الا فلان عنده وعلان ماعنده وهذا باع وهذا اشترى ! ولا كل

كلمه والثانية يوم يرمسون دخلوا لك كلمة بالانجليزي تقول محد يعرف انجليزي الا هم ! وعادي تشوف

الواحد منهم مرتز في السنتر واخته او اهله وياه ومب متغشيه ....وعادي تلقاه في السنتر ببنطلون

وقميص واذا شفته بكندوره بتلقاه حاسر بدون غترة ولا شي على راسه ...والعقم بعد مبطله ..ادلع

يعني...ودقق شوي يمكن تلاقي سلسله في رقبته




~¤©§][ بنات دبي ][§©¤~

ياحبهن للموبايل ! وياحبهن للسواقه ! وياحبهن للسينمات ! سر الزحمة اللي في دبي سببها البنات ..كلهن

يسوقون ..!!! والبريكات في الشارع على كيفك ! ياليت لو يسوون شارع للنساء فقط ! بنفتك من

الزحمة !! وياحبهن للموبايل بذات بنات كليات التقنية يعني عادي تنسى ملفها وتنسى البروجكت وتسير

الكلية بس لو الموت مانست الموبايل ...!!




~¤©§][ شباب الشارجة ][§©¤~

مثقفين وكادحين ومتدينيين ...بس فقارى على الاخر ووايد ياكلون نـخـي




~¤©§][ بنات الشارجة ][§©¤~

مثقفات وحليلهن ويوم يدشن النت يدشن علشان يسوون اشغالهن ويطلعن مايحبن الخساير مول.

.واذا حاولت تكلمها في السوق بتنتهي بكعب على راسك وهي ادي بتروح ولاكانه شي استوى بس بتقول

صبر بعدل وقايتيييييييييه




~¤©§][ شباب راس الخيمة ][§©¤~

مساكين.. لا ثقافه..لا فلوس...لا شيف تشاهد..ولا شي ...وكل حياتهم نادي الامارات ! سيايرهم مايبدلونها

مول خلاص من يشترون السيارة في البداية خلاص تم عندهم لين اخر يوم في حياتهم ! الموابيل ممكن

يبدلونه مرة كل 4 سنوات ! واغلبهم بطاقاتهم واصل ولا بدون رصيد بعد ...يعني مب قوم بو رنة لالالا هذيل

اختراع يديد هذيل قوم بو انته اتصل لان هم مستحيل حتى يرننون لك...والانترنت تلاقي 7 مشتركين في

جهاز واحد...ويالله يالله يدشون ...لان الكهرباء دوم مقطوعة ..الحين يفكرون يخترعون لهم كمبيوتر يشتغل

بالمهفه يعني واحد يجلس على الكمبيوتر وواحد يهف الجهاز علشان يشتغل...!!




~¤©§][ بنات راس الخيمة][§©¤~

ماتعرف لها شو تقول من ترمس لين تخلص والجمله جذي ششششش ششششش ششششش

....وانت

طوفها عاد... بس كشختهن عجيبه بعدهن في الستينات من القرن الماضي




~¤©§][ شباب ام القيوين][§©¤~

قلوبهم بيضا وبروحهم في عالم محد يدري بهم مول




~¤©§][ بنات ام القيوين ][§©¤~

نفس شبابهم




وباقي الامارات اللي ماذكرناها بعدهم شبابهم وبناتهم تحت الدراسة والبحث والتنقيب






منقول من الإيميل

وييييييييييييييييييييييييييييييييين ردودكم

مشكورة على المعلومات
بس شوي شوي على عيال ديرتك مرة كلامك قوي عنهم
مو كلهم عاد ترى فيهم الخير والبركه
اتمنى أزور الامارات
يعطيك العافية

اختي تؤام الروح ... سلمت يداكِ قوية والله بس وناسه ... بصراحة لو اتكلمنا بجرأتك راح يطلع أغلب ...
دراستنا بها الشكل للأسف ... واكيد الموضوع دعابة بس حلوة وايد ...
راح ننطر تكملين دراستك عليهم ... وبعدين ... نعمل حنا دراسة على إلي عندنا والله يكون بالعون ...
مشكورة على احلى مجهود ...

مشكووووووورة عالموضوع
بس ها لاتغلطي على اهل راس الخيمة ويقولون انه راس الخمية احسن وزارة في التربية والتعليم وانا اعرف راس الخيمة زين

هههههههههههه
مشكورة على الموضوع الكول بس ترة احنا ما زرنا الامارات نهائيا ورح ناخذ فكرة عنهم منج هههههه واحسن شي شباب وبنات ام القيوين

نسيت شي ....... اقوى واشغب امارة .... امارة راس الخيمة :cool: :تدخين:

ايه شوها الكلام
شو اونه مال الشارجه فقاره و كلهم مطاوعه
ون كانوا مطاوعه فخير و بركه
نسيتي تذكرن شي انا الشارجه هي منارة العلم
وي قول الشاعر

محبوبتي إمارة.. بها الزوار من كل قطر يأتون لها طلباً للثقافة!!
محبوبتي إمارة ...بها المقيم وبها الزائر وبها المواطن كلهم يصفقون للعمارة؟؟
محبوبتي.. ليست فقط إمارة..محبوبتي منارة..
الزائر لمحبوبتي يقرأ عبارة..
ابتسم أنت في الشارقة..
نعم ابتسم انته في دار الوعي والحضارة
ابتسم انته في دار زايد وآل نهيان والقواسم
انته بجارةآل مكتوم النعيمي..والشرقي والمعلا..
فالنبتسم نحن بشارقتنا الجرئية المشرقة..

انا الكابري و انا من الشارجه و مارضى عليه

مساكم الله بلخير::جيد::

مشكور عالموضوع
بس وين شباب وبنا ت العاصمة
بوظبــــــــــــــــــــــــــــي

عــــــــــــــــــاش الكابري

وصح لسانك

مشكورة أختي على الموضوع الكوووووووول والاسبايسي....هههههه..

شكله امس في واحد زعلك.... الله يستر منك..... ما انتي بسيطة.... تخوفين... أعرف البنات كلهم مثلك لا عصبوا وخر عنهم.....

... اتمنى تسوي دراسة كاملة على كل الخليج العربي بس عاد بدون ذكر مدن يمكن ناس يزعلواا...

أرجوك.......... لا تزعلين الاعضاء......




اتغشمر وياك...

أسلوب في منتهى الروعة..

أخوك..................... جيرايا

مشكورة على ردودكم

ها ها حلوة !!!
فديت القيوانيين .... و من ناحية محد داري عنا ... محد داري !!!!
يوم أقولهم في الجامعة قيوانية .. يطالعونج كأنج حالة عليهم من المريخ !!

و مشكووووووووووووووووووووووووووووورة على الدراسة !!

هههههههه موضوع حلو
يحليلهم اهل الأمارات
انا من قطــــر بس بعد احب الأمارات واهلها