ما هذا النقل الكثف في هذا المنتدى ؟

السلام عليكم ..
اليوم اناقش معكم مسؤولية الكل وليس فقط المراقبين هنا ..
وهي سالفة المواضيع ..
فلماذا أرى انه المنتدى العام كله مواضيع منقوله الا القليل منها أراه من كتابة الاعضاء !!
لماذا لا نبدع نؤلف مواضيع جميله ونكون نحن من يجعل الناس تأخذ مواضيعنا وتنشرها على المواقع والأماكن الأخرى .. ؟!

بدل ما نطرح 7 مواضيع منقوله دعونا نطرح موضوع واحد بالاسبوع من كل عضو يرغب بالمشاركه بشيء رائع ..
او موضوع للناقاش بالعامه ؟؟

يا ريت نشوف حل لهذه المشكله ..
وانشاء لله نحلها بالايام القادمه لانه المدرسه دخلت والكل يصير يحب النت أكثر .. :محبط:

السلام عليكم ....

الصرلااحه معاك حق احنا ملينا لين نشوف بالاخير منقوووووووول في خاطري اقرى مقالة مافيها هالكلمه يعني ياريت يقللوا النقل شويه وخلونا نشوف ابداعاتهم ...

بس بعد احنا مانلومهم خصوصا" انه الحين دخلت فترة الدراسه وبعضهم صار صعب عليه انه ما يدخل كثير النت ...

والله المستعان

وشكرا" على الموضوع ::جيد::

سلام

اي والله انك لمست عندي وتر حساس يا مستر زيد
ياخي والله قرفت من المواضيع المنقوله والاجابات الغبيه عليها
المشكله ينقلون الموضوع مرتين ولا ثلاث وكل مره يردون عليه الاعضاء بنفس الاجابه وماحد ينتبه انه مكرر .. لانهم مايقرونه اصلا يعني الكاتب والراد غرضهم الوحيد زيادة عدد المشاركات بس
ياخي الشخص اللي مالديه موهبه للكتابه لايكتب ولا يشترك في منتدى احسن ..

والله يا أخوي كلامك بمحله ..
وللأسف هذي المشكلة مو بس في هذا المنتدى لأني لاحظتها فأغلب المنتديات الي دخلتها ..
الواحد إذا شاف موضوع فأي منتدى أو وصله شي على الإيميل على طول حطاه في منتداه ..
يمكن تكون هذي الحركة في بعض الأحيان مفيدة عشان نستفيد من هذي المواضيع بس تكرارها يولد الملل ..
وأتمنى فعلا إنا نشوف مواضيع من إبداعات الأعضاء المميزين في المنتدى ::جيد:: ::جيد::

كلامك صحيح مستر زيد لكن من يسمع
الكثير من الاعضاء يريد زياده مشاركات دون ان يفكر بنوع المشاركات سواء جديدة او منقولة
بصراحة انا استمتع بقراءه موضوع مكتوب من قبل الاعضاء بعكس ماينقل على الايميل الي نشوفه على الايميل نشوفه بالمنتدى!
ياليت هالنقة الاعضاء يهتمون فيها اكثر واكثر تكسبهم محبة وثقة ويرتقى بالمنتدى اكثر واكثر
اشكرك مستر زيد على طرحك لهذا الموضوع اتمنى من الجميع يحاول قد الامكان كتابة المواضيع بنفسه ومافيها عيب اطلاقا نحن نقدر الشي الي مكتوب بجهد وتعب والدليل اننا نشوف المواضيع المكتوبه من قبل الاعضاء نسبة الردود عليها كثيرة جدا مقارنة بالمواضيع المنقولة
ااسف للاطالة وشكرا...............

ايه معكم حق ::جيد::

فعلاً فيه أعضاء يحطول موضوعين أو 3 بالأسبوع و كلها منقووووولة
و أعضاء تلاقيهم يبحثوا بالمنتديات و المواقع على شيء يكتبوه :(
أنا مثلاُ بالكثير موضوع واحد بالشهر لأنه ما عندي إبداع :p


مشكوووووووووور مستر زيد !!