عرض للطباعة
معقووووووووووول تستغنى عنه ؟؟
تقدر تتخيل نفسك من دونه ؟؟
او تخليه في البيت و تسير لمقر عملك او جامعتك من دونه ؟
هل تحس بالضياع من غيره ؟؟
تحب ان يكون رفيقك ..في الكوفي شوب او السيارة او حتى في الاعراس؟
تحب تسمع نغماته ؟
هل تعتبره جزء منك ؟؟؟؟؟؟؟؟؟؟؟؟
كيف هو حالك مع الموبايل ؟؟ ممكن يا عيال ميجا تخبرونا عن وضعكم مع الموبايل ؟؟
انا طرحت هذا الموضوع لاني سمعت ان في ناس ما يفكرون يشترون موبايل لانهم ما يشوفون له اهميه !!في حياتهم ..وانا حبيت اشوف آرائكم ووضعكم معها !
تحياتي
اندليس تيرز
مرحبه :
Endless tears تصدقين اختي اني ما استعمل النقال خير شر وللحين ما شريت
اي تلفون نقال لي حقيقه لا ارى له اي اهميه حاليا (مستقبلا يمكن يصير لي مهم
لما اصير بزنس مان :cool: )من الاستعمالات اللي اشوف الاغلبيه يستعملونه
علشانه قد يكون في بعض الاحيان مفيد واتحسف اني ما عندي واحد مثلا مره
طالع للبر والتاير بنشر عندي والسبير بعد نفس الحاله ، قعدت خوش قعده ليما
مروا شباب ما قصروا معاي ، مره لا والله الحاله اردى غرسة السياره بالرمل
وما نفعني الا تلفون نقال راعي بنقلاتشي ( بعد قلبي والله ) :D :D :D ، صج
صج التلفون بهالمواقف مفيييييييد اما غيره ما اعتقد ابد .
عموما عندي اخ صغير يعني 14 - 15 سنه للحين امغير 7 تلفونات وكل ما نزل
تلفون يديد قعد يحن على الوالد يشتري له ::جيد:: ::جيد::
يا حافظ على كابماروا !!
ما شاء الله عليك ..قدرت تستغنى عنه !!او بمعنى اصح مادخلته حياتك
بس شي جميل الصراحه !!عمري ما تخيلت ان في شاب يستغنى عنه !!
بس صدقك في بعض المواقف فعلا تحتاجها و الحمدالله ان حد مره عليك ذاك اليوم ..ولا ما نعرف شو ممن يستوي !::مأزق::
اما عن اخوك ..فهذا صدق عكسك !!!!!!!!!! ما اطن يستغنى دقيقه !!
تحياتي لك
اندليس تيرز
ايش هذا يا Endless tears
ابداع دائم
بالنسبة للموبيل أقولك الصراحة ما استغني عنه هالايام
طبعا مش دلع او مجرد كماليات بل اعتبره من ضروريات الحياة بالنسبة لي
احتاجه في عملي كثيرا خاصة يوم أطلع من المكتبما يسكت الموبيل
أيضا أقدر اتواصل مع أصدقائي واتواعد معهم
والأهم يكون رقم خاص بية انا يعني ما في داعي لإزعاج اهل البيت بمكالماتي الخاصة ;)
يعني ضروري جدا لي الموبيل::جيد::
السلام عليكم،
موضوع حلو يا Endless tears .. وخصوصا ان اللي عنده موبايل يمكن ما يحس بقيمته .. أو بالأحرى الأغلبيه ما تعرف فايده الموبايل الحقيقية!!
يعني تحسين شارين موبايل للموضه .. وكل ما نزل موبايل جديد غيروا موبايلاتهم اللي ما كملت 3 شهور على بعض :محتار2:
انا استخدم الموبايل للحاجه .. ومع اني قليل ما استخدمه إلا اني أحس بان شيء ناقص ان لم يكن معي إذا طلعت مشوار برع. وبصراحه استانس على المسجات اللي توصلني ... يعني نكت على أحاديث و أدعيه .. باختصار هو مسلي أيضا إضافة إلى كونه طريقه سريعه للتواصل :cool:
شكرا على الموضوع :D
صراحة ما اقدر استغني عنه مع اني ما استعمله كثير
اهلا يا سوليداد ..
طبعا مع الموبايل يكون فيه نوع من الخصوصيه مثل ما ذكرت يعني ما ضطر صديقك ان يتصل بالبيت علشان يسأل عنك :).. تصدق انا ما فكرت بهذي النقطه:)
بسواضح انك ما تستغنى لانه ضروري لك
اهلا يا اوشن .. العضو النشيط!
صح مرات تكون في مسجات و ادعيه توصل عن طريق الموبايل ..:) و مثل ما ذكرت ..ضروري و مسلي :)
osm ::::::: انته ما تستغنى عنه ! على الرغم من انك ما تستخدمه وايد :) اكيد الموبايل دائما المنقذ في بعض المواقف ..صح
شكرا لللمشاركه
تحياتي
اندليس تيرز
مرحبا
كل يوم استجواب جديد:rolleyes:
الموبايل ...
حلو يكون عندج موبايل هو تسلية و وسيلة للتواصل بنفس الوقت
و بعدين مثل ما قال سوليداد يكون لج رقم خاص .. و يصلح علاج للطفش:p
في مواقف أحس فيها أنه ضروري وخصوصا في الجامعة .. بس بشكل عام
أقدر أستغني عنه.
مع تحياتي
http://209.197.226.127/upload/images...fly_cc_ani.gif
شخصيا انا ما استغني عنه لكن مو لدرجة الهوس فانا من الناس الي ما تقدر تقعد
فاضي كذا بدون ما اعمل شي فاقعد العب بالجوال تضييع وقت حتى اجد شيء اكثر
تسلية او افادة فقط لا غير وبعدين الاهل اذا يبغوني بشغلة معينه فوين ما اكون يدقون
علي ويطلبون الي يبون : )
وما اوصل لدرجة اني ابغاه جديد دايما لا انا من جبت الرهيب (حوالي صار لي سنه)
وما غيرته : )
وبعدين انا احب الرسايل صراحة يعني الواحد تصله قصايد حلوه عليه ونكت يعني
مسلي لكن ما اقول اني باموت اذا استغنين عنه فانا نص ونص :D
اما عني فاني اعتقد الجوال ماله اي داعي
الا اذا كنت رجل اعمال او رجل عنده اشغال :rolleyes: :rolleyes:
والواحد يقدر يستغني عنه لانه ماهو من ضروريات الحياه :) :) :)
اما عن مكالمه الاصدقاء واي واحد تبي تكلم معه استخدم التلفون :rolleyes: :rolleyes: :rolleyes:
ليش موبايل :confused: :confused: :confused: :confused:
ماله داعي
وكل شخص له رايي
وشكرااااااااااااااااااااااااا
أنا بصراحة كنت من أول ما استغني عنه أو بالأصح ما كنت أقدر استغني عنه بس بعد ما جاتني الفاتورة حسيت إني غلطان وقلت خليني أخفف بس كمان الفاتورة اللي بعدها زيها :confused:
بس الحمد لله لآخر فاتورة تبشر بالخير ;)
يعني قدرت أخفف منه أو بالأصح صرت أتركه في أغلب الأوقات
بس على فكرة في ناس هذي الأيام يشيلوا الجوال على أساس الكشخة كل ما طلع واحد جديد راح اشتراه ليش الاسراف يا اخوان:confused:
وأنا أقول اللي ما عنده شغلة ضرورية لا يشيل مثل هذا الشي
خصوصا اللي يخرجوا الشارع كثير عشان أهلك لا يدقوا عليك كل شوية ( روح - تعال - جيب - افعل - سوي ) تنفك من هذه الحاجات كلها :D
مشكووووووووووووووووورة على الموضوع
اهلا يا نانا !! لا تحقيق و لا شي ! بس اسأله!!
يعني انتي تستغنين عنه "" جدعه !!""
انتي بطله يا حلوه
اهلا يا اي مان ... انا اشك انك تتركه لثانيه !!
اتخيل شكلك .. حاط ويهك في شاشة الموبايل !!
:) :) شكرا للمشاركه
الجحيم الاسود .. انته ما تشوفه ضروري ! يعني ما تحتاجه وايد
والله احترم وجهت نظرك
ساحر القلوب !! زين انك عودت نفسك انك ما تستخدمه وايد !!
ولا كنت بتكون مفلس !! و كلامك صح ..في ناس يشيلونه بطريقة وكأنه يقول للناس" شوفوا موبايلي .. اخر موديل !" ناس فاضيه !!
تحياتي
اندليس تيرز
اسمحيلي أختي أندليس
بأن أضيف هذا الكاركتير في نفس الموضوع
http://www.shkamet.4t.com/5002.jpg
http://www.shkamet.4t.com/5006.jpg
http://www.shkamet.4t.com/5005.jpg
;)
[glow]لووووووووووووووووووول[/glow]
حلوة الكاريكاتيرات
أول كاريكاتير سويت زيه مع أهلي قفلت الجوال عشان لا يقولولي ارجع بدري الا بعدين سألوني ليش مقفل الجوال قلت البطارية خلصت
<=== تصريفة :p
ثاني وحدة سويتها مرة سمعت تهزيء مسوين جرس ليه قلتلهم طيب ليه ما تردوا قالوا ما سمعنا
<=== أصلا ما دقيته بس تصريفة :p
الثالث أنا طبقته هذي الأيام بعد ما جات الفاتورة شي ما اتوقعته وكلام التلفون صحيح سيذكرني قومي ** إذا الفواتير أقبلت :D
حلوه منك يا سوليداد!!
عيبتني الاولى و الاخيره !!
صدق حلوه !! تسلم :)
ساحر القلوب !! انته لازم تدلله تلفونك انه مازعل !! و بعده راضي
السلام عليكم ......
مشكووووورة اختي على هذا الموضوع .....وبصراحة انتي دايما" مواضيعج حلوة زيك ..:D
بالنسبه لي احس ان الجوال مفيد خصوصا" في الظروف الحرجه او في بعض المواقف وبما اني بالجامعه فأنا وااايد احتاجه لكن في الاجازات يقل اهتمامي فيه .....يعني انا من النوع الي يستخدم الجوال باعتدال ....اهو ممكن استغنى عنه في الاجازات فقط لكن في الدوام مش ممكن ....
وبصراحة موضوعج حلو ومفيد خصوصا" انه احنا في هذا العصر انشوف الاطفال عندهم جوال فما بالج بالكبار وصارت موضه الوحده ماصار على جوالها شهر الا وغيرته عشان تجاري الموضه والله الوحده صارت تشوف العجب في هالزمن ...
سلام:cool:
[glow]لوووووووووووووووول[/glow]
كاريكاتير رهيييييب منك يا سولي ::جيد::
ومضوع حلوووو منك يا اختنا ::سعادة::
بالنسبه ليه انا ما احب الموبايل لاني بصراحه ما اشوف ليه اهميه بالنسبه ليه في عمري ده
لاني لساعي طالبه في الثانوية في ايش راح يفيدني ::محتار:: راح يكون لعب وخلاص وفاتورة تكسر الراس ::مأزق::
هذا لاني بنت اما الاولاد احس الجوال لازم يكون عندهم عشانهم يخرجوا مع اصحابهم فاهلهم يبغوا يسالوا عنهم او مثلا يكون برة البيت واهلهم يبغوا شي يجيبوا معاهم وحاجات زي كده :D
بس تعرفي انا واختي الكبيرة الله يخليها تخليني استعمل جوالها يعني جوالها جوالي وبس ارسل رسايل للناس واتصل :p
خلاص معروفه اذا جات رساله من رقمها يعني انا ارسلت خصوصا ساحر قعدت اشتغل ارسله اخصروا :p تقول الفاتورة جات فوق راسك عشان كده بطلت ترسلي جواب على رسايلي اللي متعمده انها تكون بلاهات عشان ترسل رد :p
يله يا ساحر:mad: ابغاك تمليلي جوالي المسكين رسايل مافي فاتورة صاقعه :بكاء: اختي مسحتلي كل الرسايل اللي جاتني لانها كانت زعلانه :بكاء: ما بقت ولا رساله وحده :بكاء:
مشكووووووورة اختي على الموضوع وانشاء الله بشتري جوال بس لمن ادخل الجامعه لاني بدي اتصل على بنات المنتتدى :p
تحياتي
http://216.40.241.68/kao/chika/chirolp_hello.gif
اهلا بفتاة الرياضيات !! كل ما اشوف اسمج اتخيلج وحده شاله كتاب كبير و لابسه نظاره !! مااعرف ليش بس هذا هو خيالي !!
علىالعموم .. كلامج صحيح !! الياهال الحين عندهم تلفونات ..صح بطاقه مدفوعه ! بس اعتقد التلفون يمكن يكون ضار لهم!! تعرفين الذبذبات !!
والله ياهال ومسوين لهم راس الله يعين يوم بيكبرون شو بيسوون .....
و انتي يا حلوه تستخدمين الموبايل بطريقة حكيمه!! يعني وقت الضروره !!
تحياتي لج
اهلا يا المجهوله المشاكسه !!
اكيد بما انج طالبه في الثانويه ما بتحتاجينه بس يوم بتدخلين الجاممعه كل شي بيتغير.......
بس يبتي نقطه محد تكلم عنها !!
البنت يوم تكون طالبه بالثانويه ما تحتاج للموبايل عكس الولد !! وهذا لان الولد يطلع مع ربعه و لازم الاهل يطمونون عليه
تحياتي لج يا حلوه
وانتظر اتصالج
اندليس تيرز