الروايه بنات الرياض ورجاء الصانع

السلام عليكم ورحمة الله وبركاته ..
والصلاة والسلام على رسول الله صلى الله عليه وسلم ,,,

ودي اتكلم معكم في موضوع لقيته في كل منتدى وكل مجلس دخلته وددي اعرف ارءكم عنه

وكيد البوابه واضحه رواية رجاء الصانع ,,

بنات الرياض ..
كان ودي انتظر الين اقراءها بس ان شاء الله في الطريق موصيه عليها وبتجيني

بس حبيت اخذا ارءاكم من اللي سمعتوه من اللي قروها ايضا يجون يعطونا راأيهم فيها هل هي سيئه وخلت سمعتنا شينه يابنات الرياض والا الا؟؟

هل تتكلم فعلا عن واقع بناتنا بنات الرياض ؟ والا عن البيئه اللي هي عايشه فيها وبس ؟

لاني سمعت انها مره سيئه وتتكلم عن العلاقات وعن اربع بنات بس يواعدون شباب مع اختلاف البيئات في الروايه والظروف المحيطه بالبنات ..

وهي ايضا قالت المفروض ما نحط رؤسنا في الرمل ونوجه هاذي الحقيقه عن بنات الرياض فهل هذي حقا حقيقتنا ؟؟

ويقولون انها حاطه كل اسماء الخمور مع التكلم عن مذاق كل منها !!!!!


ابتكلم اول وحده هنا انا قريت بعض المقتطفات منها من موقع واخر واللي قريته ما يشرفني .. واحس انها ما تتكلم عن بناتنا المحافظات الساترات بالغلط ,, واعرف بنات كثير صحيح ان عبايه على الكتف بس والله حسيبها عقل وتوقف اللي ما يحترمها عند حده ..
بس انها تعمم ان بنات الرياض كذا هذا شيء ما يسر

قد يكون فيه وكثير بس ما هي حتى ظاهره علشان تتكلم عنها وما وصلت لهذا الحد لا وتعمم اننا كذا بس محد يدري عننا ..

بس ما فوقنا ربنا يدري عنا ؟؟ مانخاف منه ؟؟ لان اللي تخاف من اهلها وبس بيجي يوم يروح الخوف وتسوي كذا بس اللي تخاف من ربها وتخاف الغيب ما تسوي كذا وغلطاتها ما توصل لهذا المستوى
بعدين احس انها تحاول تساعد على نشر الرذيله وجعل ذلك شيء عادي وكل الناس كذا !!وكل البنات يسوون كذا وش زودك ؟؟

ودخلت لموقعها على الانترنت ودخلت لاراء الزوار .. وما ادراك ؟؟ ادخل بنفسك وشفها

لا وجايه في التلفزيون وهي ما تعرف حتى تتكلم عربيه فصحى حتى ان وحده من جد ضحكتني لما قالت والله شكلها محلوف عليها تتكلم فصحى ...
باي ثقافه ؟؟ وباي حق هي تتكلم عننا ؟؟

ابشوف ارأكم .. واختلاف الرأي لا يفسد للود قضيه

وابغى اللي قراها هل زادة من ثقافته ؟؟ واللي ما قراها وش سمع عنها وش رايه باللي سمعه ؟؟

يا أختي المشكلة في موقعها قسم النقد والمشاركات ما فيه أي نقد مع إن الكثيرين اللي أعرفهم كتبوا لها بعض النقد لكن لم تظهر أي مشاركة منها!!!!!!!!!!!!!!!!!!!
ومشكورة على ذكرك للموضوع.................

جزاج الله الف خير يالغلا على طرح هذي المشكلة
صراحة انا قريتها في قسم الروايات
و بقولج بكل اختصار قصة اسلوبها سخيف
كلامها سخيف و كل شيء فيها سخيف صراحة
انا ما صدقت ان هذي كاتبه اللي كاتبه هذي القصة
اصلا اسلوبها والله اسلوب مبدتئءن والله المبتدئين احسن عنها
وعن ذكر نقطة ذكر الخمور ترى صج انذكر النبيذ الابيض و الاحمر و على حد ذكر و بعض الخمور الاخرى
وصراحة هي رواية منحطة كصاحبتها فما ننتظر من انسانه منحطة ان تكتب هل ستكتب قصة هادفه لا
راح تكتب قصة سخيفة ما تستاهل مثلها و(سوري وايد تفاعلة):)

والله ناس كذا مفروض ما يخلونها تكتب وبإسم بنات السعوديه!!!!:ميت:
وانا مستغربه من الناس اللي سووها وخلوها كأنها كاتبه روايه من روايات أغاثا كريستي.وعالم تصفق لها أنا ما قريت القصه بس شفت لقائها في برنامج خليك بالبيت ولا كملت الحلقه وأنا أشك بأنها سعوديه!!
وقصتها تتكلم عن التحرر وكيف إن البنات محكورين والمجتمع الذكوري وأشياء من هالقبيل..
بصراحه الواحد يستغرب من أشيا واجد هاليومين؟؟

عذراً لأول مرة أضع رداً سريعاً لهذه المشاركة لأن الكاتب الناجح يجب أن يدفع ضريبة لنجاحه ، و هذا ما حصل لها .
لكني لم أقرأ الرواية و بودي أن أقرأها لأنه من غير المعقول ان تكون هذه الفتاة التي تخرجت من كلية الطب حديثاً و التي هي أخت لستة أطباء و طبيبة و تخرجت من بيت علم و ثقافه أن يكون ما تكتبه عبثاً و هباءاً هي كتبته نظرتها إلى المجتمع لعل و عسى أن تجد من مجيب لتفتح عيون الناس و الأهالي بالتحديد لما يحدث و هم لا يعلمون شيئاً لعلها أن تساهم في إيجاد حل لمشاكل غير معروفة و دخيلة نراها الآن في العالم العربي أجمع و ليس فقط في المجتمع السعودي لذلك أن أؤيدها و أقف معها و أتمنى لها التوفيق و التقدم و النجاح

انا من السعودية وقد قرات القصة واجد فيها الكثير من الواقع الدي قد لا يراه الجميع وقد يخفى عن البعض
فمجتمعنا ليس مجتمع ملائكة ففيه الصالح والطالح
بالتوفيق انشاء الله يا رجاء والى الامام

اغلب الي انكتب يصرراحه حقيقي وبصير
والكاتبه لم تقصد المجتمع كاملا

بل قصدت طبقه من المجتمع
الطبقه (( الفالته))

وشكرا

بمختصر :

بنات الرياض "رواية كلها انحطاط وعلاقات غير شرعيه وهذه الراوية منسوجة على رواية أجنبية اسمها ** بنات أوهايو * الكاتب د الاس ميللر

السلام عليكم ورحمة الله وبركاته


مشكــــــــــــــــــــــــــــــــــــــوره اختي ع طرح الموضوع الرائع بل اكثر من رائع

بصراحه الروايه عندي وللأن ماتنزلت أقراها لما عرفت شخصيه الكاتبه

بصراحه كونها تكتب عن علاقات مشبوهه وعن أسماء الخمور ومذاقها فهي تكلمت عن نفسها وعن شخصيتها وماكان كلامها يعبر الا عن كاتبها وبس

الصائغ هذي مصابه بمرض للأن ماله طب ولا علاج والله لايشفيها منه الجميع يعرف وش قصة بنت الصائغ
عموما فيه يوم راح توقف فيه بين يدين الله في الموقف العظيم وتسأل عن ماخطته يمناها وبأي حق تقذف المحصنات الغافلات
أنا ما أتهمتها بعرضها او قلت أنها سوت وفعلت وتركت وشربت خمر بس الله بالعقل عرفناه ... البنت العفيفه الطاهره ماتكتب عن الأشياء هذي بالأضافه الا أنها ماتكون تعرفها خير شر....... قال تعرف اسماء الخمور قال.........

مانقول الا حسبنا الله ونعم الوكيل وأن شاءالله تلقى جزائها عند الله

في البدايه اقول الله يحيكم والاختلاف في الموضوع عادي انا بس ود اعرف هل هذي الرويه تحسون انها تتكلم عننا يا بنات الرياض ...

بالاضافه اني ابقول مره ثانيه ان رفضنا لها ما يجي على رفضنا انه موجود مثل اللي قالت عنه بس الموضوع مو لهذي الدرجه يعني الناس من بدء الخليقه طبقات ومهما حاولنا راح يطلع المخطئ والاسلام وضع لكل خطأعقابه بس ..موهذا اللي نتكلم عنه :


عن تعميمها انو كل بنات الرياض كذا
وعن رأيك بالروايه هل تستحق هذي الشهره
هل تستحق انها تكون كاتبه

وللبنات هل فعلا زي ما سمعت ان الرويات العاطفيه الاجنبيه افضل منها .... انا ما قرية الروايه هذي زي ما قلت بس مقتطفات هنا وهناك


THE-MASTER
vampireprincess
anime shake

هلا والله فيكم ونورنا وجودكم وأرأكم ::جيد:: ومشكورين على المرور



MoOoN DreamS
captin vyse
r.r


اهلا فيكم وحياكم الله نورتوا موضوعي وياليتكم تقولون رأيكم بتوسع شوي يعني حنا ما انكرنا انه موجود وفي كل المجتمعات بس هنا مره قليل مقارنه بغيرنا ولايمكن احط عن بيئه واشمل مجتمع كامل ..ومشكورين على الاراء

زي ما قلت كل واحد مسئول عن رأيه امام نفسه وربه ...والاختلاف لايفسد للود قضيه



سماح إكسترا

ANGELixna D

هلا والله ونورتوا موضوعي وياهلا فيك ::جيد:: ومشكورين على الاراء

وراجعه لكم بس ما فيه احد ثاني عنده راي ..؟؟ يعني في كل مكسات ما فيه الا 8

وشلون طلع الرد كذا ؟؟؟

انا قلت اني حملتها من النت وابقراها ورجعه لكم بس ما ادري ليه طلع ناقص

اهلين ميشيكو اشلونك

صراحة انا ابغي اجيب الكتاب بس لسه ما وصيت عليه شكلي حجيبه بنفسي

المهم انا ما قرات الكتاب

بس من كلامها و اللي فهمتوا انه هيا قاعدة بتتكلم على فئة موجودة في المجتمع و تحاول تصلح و الله اعلم

مشكورة على الطرح الجميل