الرسالة الأصلية كتبت بواسطة Maria Wonders
بقولك سالفة صارت معي ممكن فيها فايده .. لان فادتني الى يومك خخخ
بس ممكن ما تنطبق عالشخص الي عندك
مريت بالموقف هذا كثير في بيئة العمل
جربت التلميح X ما نفع
جربت التطنيش X ما نفع
جربت الهروب X ما نفع
كل هذي حلول مؤقته وانا ابي شيء دائم
وعادة ما اشتكي للادارة الا موضوع كبيره مره وما صار الحمد لله هالموقف
ما احب هالطريقة الا مضطرة
لكن عموما جربت طريقه وحده واقولك شي اكتشفتها بالصدفة :em_1f62e: !!
لان العمل حطني بموقف ما اقدر افر منه .. يعني مضطره اجلس في المكان هذا وما اتحرك - ايام الكورونا والحظر الكلي
فـ جا الاخ الكريم وشافني وجلس .. سولف شوي وانا ارد اي شي يعني حل عني
ويقرقر ومواضيع ما تهمني بالمره - يشرح لي معادلات بالهندسه شوي دخل كتب رياضيات
وبدا يسال اسئلة مادري اش تبي بالحياة المهم
وانا واااااضح وضوح الشمس اني متملله واطالع جوالي واطالع شاشة الكمبيوتر وردودي
مم .. مـ .. هاه ؟ اييه مم .. يعني الي ما يفهم ...... يفهم ~_~
انا قلت بنفسي . اوكي مريم ,,
انا ما اقدر اصرفه بشكل مباشر يعني ماله داعي اقوله قم ولا حل عني
وما اقدر اقوله انا عندي شي عن اذنك .. لاني مضطره اجلس
وش الحل وش الحل
اهاا << طلعت لمبة :em_1f635:
قلت ليه ما اخلي الجلسه ممتعه بس ممتعه لي مب له :: ابليس يصفق بالزاويه::
والله وبدون شعور قلت له ممكن سؤال ؟
هو فرح قال ايه اكيد :e106:
قلت ::مرتبك:: انت سمعتك بالمكان ذا انك غريب اطوار بس ليه ظنك الناس تفكر فيك كذا ؟
الفرحه طارت :em_1f605: اندهش قال هااا !؟
قلت والله انا ماني من النوع الي اسمع واصدق لكن ما قابلت احد الا ويقول ذا غريب الاطوار
وبنفسي شفت فيه غرابه بمواضيعك وطريقة التفكير الي عندك
حتى لغة الجسد عندك يعني تشرح وايدينك مهي لم السالفه وكان فيه كهرب المهم
فيه مشكله طبيه عندك؟ عشان اتفهم وما انفجع اذا نقزت يدك
تلعثم الرجل .. قلت له اسمع وانا اختك تعال نحلل ليه قالوا كذا
انت اول شي اول ما تجي الصبح تسولف مع الناس تصبح عليهم .. ممم وش تسوي بالضبط
قال اااه ..اجي وعالشغل ما اكلم احد الا ابي شي
قلت اوكي هذا اول خيط من خيوط الجريمة .. طب يعني مب فايق لهم ولا على حسب المود ؟
يعني ليه تكلمني انا مثلا ما صفيتني معهم ؟
يرد يقول لا انا احب الرسميه وما ابي ادخل مع الناس
قلت له طب حلو الان نرجع للطفوله .. احد عنفك مثلا عشان كذا ما تحب تكلم الناس
عادي طالما جالسين والدوام طويل خل نحلل انا الموضوع مؤرقني صراحه :wink-new:
قال والله مم ابوي كان يضربني مع راسي
قلت اوكي يعني اكتشفنا شي .. الضربات ذي ما راحت عبث فيه ريزولت المهم ..
(( طبعا انا ما يهمني تكلم الناس او تصبح عالناس كل شخص وحريته بس طالما ناشب لي الاخ خليتها ااه لا فيه مشكله هنا ))
ولا انا نفسي احيانا ما اكلم ولا مخلوق هههه
^
^
الفلم هذا كله ابي يغير سالفة الهندسه والرياضيات ورسوبه بالجامعه
على الاقل نتكلم عن موضوع حقيقي يمكن نعالجه وما يدريك
طالما ناشب لي .. طب انت الي جاي <_<
النتيجة : والله ما كمل الجلسه قال عن اذنك خلص البريك حقي
وانا بنفسي: انت ماخذ بريك تجي عندي .. رح نم ولا كل ولا تمشى ~_~
والله من ذاك الوقت الى يومك ما صار يكلمني :e409:
سردي للموضوع هذا كان من باب
انا ناشبه فيه كيف اخلي الوقت التعيس ذا شيق لي انا بس
جربتها ليومك مرتين لشخصين مختلفين اثنينهم الى يومك مافيه كلام ولا سلام .. فكه