السلام عليكم و رحمة الله و بركاته
أسعد الله صباحكم/ مساءكم بكل خير
بصرآحة هذا أول موضوع لي في هذا القسم، كانت عندي نية أنزل موضوع ثاني، بس ما عليه ننزل ذا الموضوع.
اليوم الله يسلمكم، كان عندي تدريب في المستشفى، ندخل على الحالات و نآخذ معلومات بس، و نرجع بيوتنا نسوي لهم خطة علاجية و كذا، ما علينا من شغلي، كأي مستشفى حكومي لازم يكون فيه رجال أمن في المكان، اليوم سويت الحالات حقتي كاملة و نزلنا أنا و صديقتي للدور تحت الأرضي، و دخلنا "غرفة التخصص" عشان نستريح بما أنه سياراتنا لسه ما جات، و المكان اللي كنا نجلس فيه عادة مسوين فيه ايفنت، لقينا بنات معانا من نفس الشعبة و قعدنا نتكلم و كل شيء طبيعي، و بعد نص ساعة تقريبًا انتبهت المكان ما فيه إشارة جوال " ما توصله شبكة" فقلت لصحبتي خلينا نرجع نطلع الدور الأرضي عشان ممكن يكون السواق اتصل أو شي، المهم و خرجوا معانا مجموعة من البنات، و نحنا ماشيين، كنت ماشية ورا وحدة فيهم فجأة و بدون سابق إنذار ! هزأت رجل أمن كبير بالسن! : آيش فيك ؟ مو طبيعي انت، ايش فيك تطالع زي كذا، و نحنا طالعين الدرج تقول : الرجال هذا سكران، أنا أعرف السكرانين، حتى لما نكلمه ما يرد و عيونه مو طبيعية كأنه سكران، المهم من يوم ما كملت الدرج وصلت الدور الأرضي رن الجوال و جا السواق و خرجت من المستشفى.
- القصة حقيقية و حصلت معي اليوم -
آسئلة الموضوع :
ايش رأيكم بالموقف ؟
اخلقوا سيناريو خيالي عن سبب اعتقاد البنت و ليش هزأت كبير السن ؟
و اخلقوا سيناريو عن حياة الرجل ! و عن لماذا اختار العمل في هذا السن؟ و لماذا أصبح في الدور تحت الأرضي ؟
حسيت الموقف صعب التفسير!أنا ما استسغت الموقف أبدًا
لكن دائمًا أؤمن أن للمواقف أسباب حتى أسخف المواقف، تكون بسبب أن الشخص مر بشيء ما بحياته جعلته يتصرف أو يعيش حتى بطريقة معينة، أنتم ما هي اعتقاداتكم للمواقف الغريبة زي كذا ؟ هل تعتقدوا لها مواقف أو ايش خلى الأشخاص يتصرفوا كذا ؟
و المعذرة الكلام نصه فصيح و نصه عامي xD
و بالنسبة للعنوان حاولت يكون شي غريب بس مدري ترى كبير السن مو أحدب بس ككنية عن كبر السن ..
- ملاحظة : لم أراجع الموضوع لأني لو راجعته ما رح أنزله أصلاً xD -
