توقفوا عن بيع القمامة مقابل الذهب ::تعجب:: !
رسالة اوجهها لبعض المحلات التجارية ذات الماركة الرنانة .. والتي استغرب كيف ان لهم فروع بكافة البلاد بهذا المستوى ..
:: بضاعة رديئة ::
لما دخلت متجر سـ**ر بو*** وتحديدا قسم *بلا* اللي يبيع ملابس .. وكان قبل العيد .. قلت انتحر واشتري قميص عليه القيمة بما يعادل 200 ريال مع ان اغلى قميص اشتريته بحياتي كان ب 40 ريال وزي الفل و cotton rich .. لكن قلت انتحر واعملها مرة بحياتي واجرب الغالي .. لأنه جالي مرة هدية قميص باولو مخطط وعجبني انا لخطوط واضحة ومتقنة ..
لقيت بوليستر وقطن مكس وحاجات دون المستوى من القماش وواضح انها متراكمة من ايام ما حقول القرون الوسطى عشان م ابالغ لكن خليني اقول انها من ايام اختراع اديسون للكهرباء .. وكمان ما لقيت قميص بنص كم كله باكمام طويلة المتغلفة باكياس .. قلت مش مشكلة اجيب شئ غالي .. الاقي الاسعار تبدا من اشتري 3 ب 200 إلى قمصان الواحد فوق ال 150 وفوق ال 200 .. وقميص ب 400 ..
القصة مش السعر .. الجودة لا تستحق مستوى جيد حتى .. بالكاد مستوى مقبول ! .. مافي نقشة مميزة ومافي جودة عالية .. الجودة العالية لازم ادفع مبلغ كبير ..
طبعا واحد فيكم حيقول اني شحات او بخيل وانه عادي جدا قميص ب 150 او 200 مرة رخيص .. فردي حيكون :
أنه اقدر اشتريلك قميص بجودة عالية وكمان القماش بخيره تشوفه يلمع وما عليه وبر .. وتصميمات شيك .. وبنص كم وبكم كامل وكافة المقاسات .. في متاجر اخرى ب 30 او اكثر او اقل قليلا وكمان 100% قطن ..
اما القمصان اللي تتباع بالمتجر الل دخلته بجودته الرديئة هو نفسه بالزبط بحدود 20 ريال كمان !!
:
:: اثاث من بقايا المواد ::
طبعا المتجر الكبير اللي يصدر كتيب سنوياً وهو كتيب جميل ملئ بالافكار للديكورات .. هو غني عن التعريف وماله داعي اذكر اسمه عشان ما ينحذف الموضوع ..
المهم انا قررت اشتري مخدة بماركة المحل كهدية .. لقيت ان اسعار الواحدة تتراوح من 100 إلى 500 فاعلى .. قلت اشتري ام 100 مع ان فيه بالسوق ما يشبهها ب 20 .. لكن لما تقرا الكاتالوج تبعهم وفن العرش يحسسك انها ريش نعام .. مع العلم انها 100% بوليستر للحشوة وتقريبا مغلفة بالقطن ..
لكن اكتشفت انها ما تكفي لوحدها يعني تحتاج اثنين منها لحتى تنام فحسيت اني اشتريت نص هدية ..
في مخدة بجودة اعلى بكثير وبخمس مستويات صلابة ونعومة وتختار اللي يعجبك والمفاجئة بنصف الثمن .. !
المهم قلت القي نظرة عالاثاث .. تلاقي المطبخ لوحده ب 3 إلى 5 اضعاف ما قد يكلفك من متاجر اخرى ؟! اكسسوارات الحمام والمنزل فقط تكلفك ثروة .. غرفة الصالة الكرسي الواحد بثمن طقم كامل من متجر اخر ؟!
قلت لنفسي خليني اشوف المواد الخام .. لعلها غالية لأنها من مواد فاخرة جدا ..
افاجئ انها من معدن عادي مطلي .. او خشب صنوبر وهو ليس بافخر انواع الخشب ولا شئ .. او بلاستيك معاد تدويره لا وكاتبين "انه للتوفير وحماية البيئة" .. يعني ما فهمت هو يوفر بالمواد الخام ويبيعلي غالي .. شكله يوفر لنفسه مش ليا ..
طبعا غير بقية الكماليات اللي تشوف العجب .. مصباح عادي ب 10 اضعاف الثمن .. طاولة خضبية صغيرة بثمن درزن كراسي لو اشتريته من برة ..
قارورة بغطاء ما ادري بتسعة ريال او شئ ما اتذكر .. طبق بلاستيك صغيير بثمن 5 اطباق بلاستيكية من الخارج .. وامسك الطبق اقول يمكن بلاستيك ما اعرفه .. إلا هو بلاستيك عادي جدا ..
فوطة حقيرة للمطبخ ليها سعر وتباع للواحدة !
لكن للامانة الشمع يمكن شوية اقدر اقول سعره معقول .. وسلة الزبالة المعدنية تستاهل سعرها جميلة وهي الشئ الوحيد اللي اشتريته غير المخدة ..
:
:: الخلاصة ::
انا لا اتدخل بالاسعار فكل انسان حر .. لكني ابين انزعاجي من ردائة المواد الخام مقارنة بهذا السعر العالي .. فلابد ان اشعر بالفارق بالجودة ..
ادخل هذه المتاجر واتمنى الشراء ومعي المال .. وتجذبني العلامة التجارية .. لأجد مع احترامي قمامة وتصاميم ملونة وغريبة جدا لا تليق ان تُلبس ..
عندما امتلك الف ريال لأشتري بدلة محترمة ولا يعجبني شئ ولا اجد ما اريده وحتى الالف لن تكفي .. لأذهب لمتجر آخر واجد التصميم الذي يرضيني وب 400 ريال ومن الصوف الخالص .. فهل اجد تفسيراً ؟!
إن معظم ما ندفعه يذهب للبرستيج الذي تكلفه الماركة العالمية وايجار المحل الفاخر ولا يذهب لتحسين جودة الصناعة !
أليس من الغريب والمربح جداً ان تبيع قمامة القماش والخامات وتكسب فيها أضعاف من الذهب ..
لا والأغرب الناس تشتري .. وما يبان عليها لا لبس ولا ديكور !
هذه وجهة نظري وقد يكون لكم وجهات نظرة مختلفة .. يشرفني سماعها ..
See U Later
