أرجو من كل السعوديين الدخول (لتصحيح بعض الأمور ) أرجو إبراز الآراء وعدم التطنيش
السلام عليكم ورحمة الله وبركاته
كيف الحال؟
أنا اليوم جاي أصحح معلوماتكم عن أولاد جدة
فأرجوا إنكم تنقلوا هذا الموضوع إلى كل المنتديات
للمعلوماتية
وأتمنا إنكم تقرأوا هذا الموضوع بجدة أكثر
ما أبغى مشكووووور
أبغى تعلييق
أولاد جدة: وفكر الناس عن أولاد جدة
والله يقلك إن عيال جدة كلهم مدلعين وحقون الماما والباب
طيب أنا الآن أحب انبه تنبيه بسيط لأصحاب العقول التافهة والمسترعة وإلي تسمع وتقول صح
أول شيء عيال جدة إلي تشوفوهم في الأسواق ومحلات الي زي دي أحب أقلكم إن هذولي مهم عيال جدة هذولي عيال متجنسين يعني زي ما تعرفوا جدة
أرض ميناء يعني جدة أكثرها متجنسين لأن جدة على البحر (ميناء)
وهذولي المتجنسين 98% دلع ×دلع يعني هم المقصودين ولإثبات
إن عيال جدة الأصليين أكثرهم في (البلد) الكرنيش _حي في جدة _ \وفي موقف مكة/ _حي في جدة_ وإلي في
جدة القديمة(حي في جدة) يعني من الآخر كذا
تعرفوا حقون المزمار وزي كذا هم هذولي عيال جدة يعني إلي لبسهم عمة واللشال
ومعظمهم فقي الآماكن المذكورة سابقاً
في بعضهم في أحياء التانية يعني متفرقين(زي حالاتي) ووالله عيال جدة إنه مهم مدلعين وإلي يبغى يتأكد يسأل الناس في جدة عن الأحياء إلي ذكرتها وكمان
في حلقة في طاش ما طاش بايخة هي حق سعيدان وعليان لمن سعيدان مسوي فرزاتشي ولبس لبس خكر والله أفكار تافهة
وعلى فكرة لو شفتوا حلقة
طاش ما طاش
(((جدة غير)))
هم هذولي عيال جدة
بالله أحد يرد علي رد منطقي
هذا عن الأولاد
أما عن البنات
ففي موضوع آآخر
وراح أفصل لكم المجريات كلها
لكن على حسب التفاعل مع هذا الموضوع اولاً