لكل سعودي جاه الضغط من الإتصالات السعودية
السلام عليكم
أحب أقول للي يقرا إذا انت سعودي فأنت أكيد عارف العذاب اللي سلطه الله علينا ألا وهو شركة الإتصالات السعودية الشركة اللي حطت على عاتقها دخول موسوعة جينيس لأغلى تسعيرة للخدمات اللي جعلت من مهامها نشر مرض الضغط والسكر والسكتة على الشعب السعودي الشركة اللي الناس ليل نهار تدعي عليهم لا تعتقدون إني أبالغ بحكيلكم قصة واقعية حصلت لخويي "حمممم قصدي أنا" أنا طول عمري اشبك dial up بالسرعة الزبالة اللي مفروضة علينا من أول ما بدت شركة الإختلاسات تنشر الانترنت وبعد سنين طوال وأعوام طويلة جاءت شائعات بوصول خدمة الdsl ما صدقت آذاني جبت قطنة التنظيف ونظفت آذاني زين عشان أتأكد المهم لا طول عليكم بعد فترة من الزمن عقدت العزم إني أشترك دي إس إل أوفر لي مليون مرة دقيت عليهم واتفقت معهم انه بيرسلون فلبيني من الدعم الفني بعد أسبوع انتظرت اسبوع كامل ولا جاء أحد ومن هنا بدت المعاناة صرت أدق عليهم ليل نهار ولا أحد عاطيني وجه واستمرت الحالة لأكثر من شهر ونص وهم يقولون الدعم الفني لسه ما جاء انتم على قائمة الانتظار بعدين دبرت واحد من جماعتنا يعرف واحد بالاتصالات يسألي اياه وهنا وقع علي النبأ كالصاعقة من السماء فقد قيل للرجل أنه منطقة الملز اللي أنا فيها وما حواليها من المناطق الربوة وغيرها لا يصل إليها الخدمة إلا من ستر ربي لأنه المقسم قديم وبغيرونه بعد سنة بالقليل!!!!!!!!!!!!!!!!!!!! وأنهم بطيئين بالشغل لأنهم يبغون يسرقون الناس لأنه الdial up يجيب الفلوس بالراحة ولأنهم مشغولين بالجوال بسبب موبايلي "الله ينصرهم" اللي سحبت منهم مليون ونص عميل بأول خمس أشهر
فأنا أقول لكل شخص يعاني نفس معاناتي إنه يساعدنا ويوقع عريضة الإحتجاج المذكورة أدناه ونشرها على جميع المنتديات كمحاولة أخيرة لوقف جشع شركة الإختلاسات السعودية
العريضة
http://www.petitiononline.com/sn2stc/petition.html
الموقع والمنتدي للمحتجين
http://www.sayno2stc.com
هذا والله أعلم والصلاة والسلام على أشرف الانبياء والمرسلين
