لما تصيح الريح بالخارج..

لما تصيح الريح بالخارج..
ما أدري ليـه؟ اتذكّر كل "مَـَرهْ" نامـت على صـدري
ونسـت خصله من شعرها معلّـقه في مشط القلب!
واتذكر شعورهـن
واسترجع حضورهن
وتشمني عطورهـن
وأ..ت..ل..ا..ش..ى…
وأنـآآآآم:
مثل شاعـر فرغ من كتابة قصيـده
أو – بالضبط – مثل طفل موعود في لعبـه جديـده!



لما تصيح الريح بالخارج..
أفرح وأخاف!..
ولا أدري ليه؟
أحـس بوحشتي أكثر
أحـس بشهـوة الاصفر.. يصير أخضر
أحـس بلهـفة الاخضر.. يصير أكبـر
أحـس الريح تتحول: قصيـده
أحـس ان المـدى: دفتـر!
وتبدا الاشيـا تشطبنـي
عشان الاشيـا تكتبنـي
واصير الواحـد/الاكثـر!
وابدا أجمـع كل ما أنتجـه الادب من "قلـة أدب"..
وبكل ما أملك، من "قلـة حيـا"!...
أكتب قصيده في هجـا العسكـر
وأصيـر الشاعـر الاشعـر!!



لما تصيح الريح بالخارج..
تصير الشبابيك: ناياتٍ حزينـه
تصير المدينه..
خارج أبواب المدينـه!
يهـرب البحر
والمرفا
والسفينـه
وابقى وحدي
واقف على رماد الـمــاي
حزين مثل الناي

وحدي

وحدي

وحدي


حتى أنا ، ماني معاي !!

شكرا على الشعر الحر

شكرا

Wow cool
thanks a lot bro

عفوا