ناقصات عقل ودين ومفهوم التماسيح الخاطئ
حبيت اجدع هالموضوع عن البنات وأوقف بصفهن ضد التماسيح اللي يقولون ان الحريم :
ناقصات عقل ودين
والحقيقه اني نصبت نفسي محامي لهن وابقول عنهن كلام حلو واللي مهب جايزن له من التماسيح يطق راسه برصاصة زفلت <<< شرس
لو جينا لمقولة الكثير من التماسيح عن الحريم يعني مثل كلامهم أنهن ناقصات عقل ودين .انا بالنسبه لي واعوذ بالله من تسلمة انا
أقول ان نقص الدين بالمرأه ميزه تختلف به عن الرجل وذلك من حيث ان نقص الدين ربما يكون فترة الولادة للمرأه اللي نسميه حنا النفاس بحيث أن المرأه تعفى من بعض التكاليف الشرعية والحمدلله ماتطالب بقضائها إطلاقاً بينما بالمقابل يجب على الرجل أن يقوم بالتكاليف الشرعية كاملة حتى لو كان مريضا او عاجزا او غير ذلك فإنه يقضي مافاته حال قدرته ولايعذر أبدا . وفي هذه الحالة لايكون نقص الدين المنسوب للمرأه عيب يؤخذ عليها فهي رحمة من عند الله سبحانه وتعالى خص بها النساء دون الرجال . أما نقص العقل
الله يكفينا شر نقص العقل
<<<<<< شكله يبي يخربه
بعض الناس يعتقد ان نقص العقل عند المرأه هو قلة العقل ، يالله العقل السنع والله يابعض الحريم ان عقله يوزن إثنعشر رجال
يعني نقص العقل عند المرأه هو زيادة العاطفة بحيث يجعلها تتصرف على حسب عاطفتها فقط دون الرجوع الى تحكيم العقل وخصوصا بالحالات اللي به خبصه وربشه واللي المفروض يتم ترجيح العقل على العاطفه ويقولون سنه من السنين ان به حرمه طاح حدى عياله من جبل والحرمه الله يهديه <<< عاد ماتت لاتحش به
المهم ان هالمره طبت صاروخ مع ولده ياويلي ماحكمت عقله وش يبي يجيه وحكمت عاطفته اللي الهلكته مع ولده . اما حنا يالتماسيح لو حدى عيالنا يطيح من الفيصليه تسان نقول ساده وش مردزيه فوق
خله يموت وش علينا منه <<<< الله من زين العاطفه
وبعض التماسيح يقول هين لاتهمك المره مخلوقه من ضلع اعوج
طيب ماقلنا شي من ضلع اعوج صح عليك لكن إفهم المضمون قبل تفهم المعنى على مزاجك ايها التمساح الأرعن
<<<<<<< إنقهر الجلف
طيب لو قلنا لك ان هالضلع اللي تستهتر بالمرأه علشانه انه هو الحامي بعد الله للقلب وللرئتين وان هالضلع يعطي الجسم شكله الطبيعي ومنظره الزين ، فتصور ان انسان خلق بدون اضلاع او اضلاعه مستقيمه فتخيلو شكله وشلون يبي يصير . نهاية كلامي الله يصلحن قبل يصلحكم اقول لكل واحد يحكم على المرأه أنها ناقصة عقل ودين في معناها الظاهري دون الباطني أقوله الله يخلف على أميمك
لاتغتر بنفسك تراك بعض الاحيان جح يدربن قرع<<< اتفل بوجهي ان فهموهالتسلمه
