أخبار الأنيمي في الرياض

عرض للطباعة

عرض 40 مشاركات من هذا الموضوع في صفحة مستقلة

13-10-2005, 14:21
smarty

أخبار الأنيمي في الرياض

السلام عليكم

طبعا أنا مو جديد على هذا المنتدى لكني ما أشارك كثير بسبب ظروف صعبه وحبيت أكتب موضوع جديد من نوعه وهو أخبار الأنيمي في الرياض ومحلاته وإن شاء الله الموضوع يعجبكم

يالله نبدأ:

أولا ظهور 3 محلات لبيع الأنيمي في الرياض ظهورا جبارا حيث أنها استطاعت سحب سوق الأنيمي من محلات جيم ماستر والمشهوره بقائمتها الكبيره واسمها Game Nation

ثانيا أقيمت أول دوري للعبة Yo Gi Oh على مستوى الرياض أمس الأربعاء والتي شارك فيها أكثر من 20 مشترك من أنحاء الرياض وانتهت بفوز أحد اللاعبين ذو ال16 سنه وسيقام الدوري كل أربعاء وستكون هناك جوائز قيمه ولكل من أراد الإشتراك الرد على هذا الموضوع لأعطيه وصف المحل الذي سيقام فيه الدوري

ثالثا ظهور محل جديد لبيع الأنيمي ويعتبر متعاونا مع محلات Game Nation لتوحد قائمة الأنيمي وإسمه Grand Games ويعتبر متخصصا في مسلسلات الروبوت

رابعا انخفاض أسعار جيم ماستر بالنسبه لمسلسلات الأنيمي بعد الهجوم الذي كاد أن يسحق سمعته من منتديات الأنيمي والزبائن الذين ذهبوا محلات Game Nation و Grand Games

إن شاء الله يكون الموضوع قد حاز على رضاكم وإن شاء الله يكون متجدد ولكل من يعرف شيئا عن الأنيمي في الرياض يضعه هنا لتعم الفائده
13-10-2005, 14:34
Rama Primavera

ياليت أسافر الرياض واروح لها
أو ياليت يفتح محل يكسر الدنيا
بالمدينة ولو أني أستبعد وجود نسبة
كبيرة من عشاق الأنمي بالمدينة :(عالعموم
مشكورين وجزاك الله خير ,, :)
13-10-2005, 18:20
ANGELixna D

لحظه اخوي ســـمــارتي بالله تقول لي وين مواقعهم وجزاك الله خير على العناء
13-10-2005, 19:30
Itache Uchiha

مشكووووووووووور على الخبر وودي اسال
وين يقام دوري يوغي؟؟؟
13-10-2005, 19:51
chiaki

مشكووووور اخوي وانا بعد مثلك اعرف الجيم ماستر ودايم اخذ منه الانيميات اللي ابغاها
واذا اشتريت منه كثير يعطيني مجاناً ....

والله الرياض محلاتها فله ...روعه ....

سلام المحبchiaki
13-10-2005, 21:49
***Sasuke***

مشكوووووووووووووووور بس ممكن تعطين ارقام ووصف المحلات بسرعه ومشكووووووووووووووور
13-10-2005, 21:55
Desert Spada

السلام عليكم
مشكوووووووووووووور أخوي على الموضوع
وانا والله كل أجازة وانا برياض
والله مأعرف المحلات ممكن توصفلي أياهم
وبعد أبي أعرف وين يقام دوري يوغي بأي محل
ياليت الله يسلمك جاوب على أسلتي وأنشاء الله ناثقلت عليك

والله صحيح آنيتا ياليت تكون المدينة فيها محلات مضبوطة
بس فيها محل سوني مضبوط وهو جيم ماستر
ومحل فديو بس فيه أفلام جديدة أجدد الأفلام تجي عنده وهو أسمه فريد
13-10-2005, 22:57
Itache Uchiha

انا اعرف وصف جيم ماستر
شارع التحليه بجمبه محل اسمه جنوط المروحيه ولوحة جيم ماستر سوداء مكتوب عليها
Play Station2
13-10-2005, 23:06
Annie LeonHardt

طيب قل لى وين مكان المحلات
14-10-2005, 00:24
smarty

السلام عليكم
أولا أنا آسف على التأخير وأنا راح أرد على جميع ردودكم إن شاء الله

إقتباس:

لحظه اخوي ســـمــارتي بالله تقول لي وين مواقعهم وجزاك الله خير على العناء

أولا محل Grand Games في حي الورود والذي يقع فيه دوري يوغي كل اربعاء وهذا هو الوصف حقه

تمشي مع طريق الملك عبدالله وإذا ماكدونالدز على يدك اليمين في قدامه شارع إسمه شارع الأمير أحمد بن عبدالعزيز لف معاه وامشي قدام شوي بيجيك يمين اجباري لف معاه وبعدين امشي قدام شوي بتحصل على يمينك مغاسل الرهدن المحل جنبه على طول ولوحته كبيره وبيضاء ومكتوب عليها PS3
وهذا المحل يتميز بأن قائمة الأنيمي عنده فيها اشياء رائعه مثل بعض مسلسلات السوبر روبوت ومسلسل كونان ياباني من حلقه 1-84 ومتجدد

ثانيا محلات Game Nation محل جدا رائع من ناحية الأنيمي وهو ثلاثة فروع وأنا أعرف اثنين بس وهذا هو الوصف
أولا حي القدس:
اطلع مع مخرج11 (الدائري الشرقي) وامش علطول مع اشارة المخرج
قبل مخرج 10 (اللي يطلعك على شارع اللملك عبدالله) في محطه-أول محطه تقابلها في الطريق بعدها علطول خذ يمين على (ترا الشارع هذا بين محطتين يعني في محطه قبله وبعده أنتم أول محطه تقابلوها بعد مخرج11 لفوا معها يمين)

بعد ما تلف يمين من المحطه راح تحصل شارع هذا هو الشارع اللي عليه المحل
المحل راح يكون على يدك اليمين ومرسوم عليه شخصيات ننتندو اسمه جيم نيشن أو مملكة الالعاب

العروبه:
1-اطلع على شارع خريص
2-امش علطول الى ما يجيك مخرج على شارع العليا على يدك اليمين المخرج هذا اتركه وامش علطول
3- امش الى ما يجيك مخرج التخصصي اطلع عليه يمين عشان تصير على شارع التخصصي
4-امش الى ما يجيك تقاطع العروبه مع التخصصي ممكن 5 اشارات
5-اطلع على مخرج العروبه يمين وامش على شارع العروبه
6-أول ما تدخل شارع العروبه احسب دقيقه وراح تحصل المحل على يدك اليمين محشور وسط المحلات الثانيه جنب استديو تصوير.
أتمنى اني ما قصرت بالوصف...

إقتباس:

وين يقام دوري يوغي؟؟؟

في محل Grand Games وهو كل اربعاء لكن الأسبوع هذا راح يكون يوم الخميس لظروف المحل الخاصه وأي واحد يبغى يشترك يروح للمحل ويسأل عن واحد إسمه فيصل

إقتباس:

مشكوووووووووووووووور بس ممكن تعطين ارقام ووصف المحلات بسرعه ومشكووووووووووووووور

أنا آسف أخوي ما عندي خلفية بالنسبه للأرقام بس شف الوصف فوق

إقتباس:

طيب قل لى وين مكان المحلات

أنا قلتها قبل شوي وإن شاء الله يكون الوصف سهل ::جيد::

وفي آخر الموضوع إن شاء الله إني أكون قد وفيت
14-10-2005, 05:02
ANGELixna D

thank youuuuuuuuuuuuuuuuuuuuuuu كبر السماء اخوي Smarty

,ووعد لو لقيت المحل بدعيلك من كل قلبي الله يسلمك
14-10-2005, 10:04
smarty

بالعكس لا شكر على واجب

وعلى فكره تعامل المحلات مو تعامل بائع مع مشتري بالعكس كل المحلات الأربعه تعاملهم من مدمن أنيمي إلى مدمن أنيمي آخر وماراح يقصرون إن شاء الله وإذا تبون أحط أسعارهم راح أحطها إن شاء الله قريب

وأي واحد يبي أرقامهم يراسلني على الخاص راح أعطيه أرقام المحل

وإن شاء الله أكون أفدتكم
14-10-2005, 11:38
أرثر

السلام عليكم :

هل صحيح أنه يوجد محل لبيع الأنمي القديم أمام مستشفى الشميسي

وهل يوجد لديه أنمي قديم
14-10-2005, 16:11
smarty

إقتباس:

السلام عليكم :

هل صحيح أنه يوجد محل لبيع الأنمي القديم أمام مستشفى الشميسي

وهل يوجد لديه أنمي قديم

للأسف أخوي مافي فيديو يبيع الأنيمي القديم أمام مستشفى الشميسي

وإذا كنت تقصد الأنيمي القديم الياباني فما بتحصله بالشميسي وتلقاه بالمحلات اللي قلتلك عليها
أما الأنيمي القديم العربي فتلقاه بفيديو حزوى بالملز لكنه غالي شوي وما يبيع إلا Vhs
14-10-2005, 16:38
Rama Primavera

فصولي :)

إقتباس:

والله صحيح آنيتا ياليت تكون المدينة فيها محلات مضبوطة
بس فيها محل سوني مضبوط وهو جيم ماستر
ومحل فديو بس فيه أفلام جديدة أجدد الأفلام تجي عنده وهو أسمه فريد

ليش ايش دراك :p لتكون من أهل المدينة << مستبعد بس المحل ذا فينه :rolleyes:
14-10-2005, 18:21
Desert Spada

آنيتا

إقتباس:

ليش ايش دراك لتكون من أهل المدينة << مستبعد بس المحل ذا فينه

أيه من المدينة ^-^
أي واحد جيم ماستر ولا فيديو فريد
14-10-2005, 20:14
Rama Primavera

إقتباس:

الرسالة الأصلية كتبت بواسطة فصولي؟؟

أيه من المدينة ^-^
أي واحد جيم ماستر ولا فيديو فريد

غريبة اول مرة أدري أن أحد من الجيم أو تون من أهل المدينة :D :D :p يلا
تشرفنا ,::جيد:: ::جيد:: ,, بس فين فريد أنا أعرف ان جيم ماستر بسلطانة لكن فريد أول مرة أسمع عنه :rolleyes: \
ترا بتسوي فيا خير لو تقول لي مكانة ::سعادة:: ::سعادة:: :D :D
14-10-2005, 20:24
chiaki

الجيم ماستر رووووعه كل شي عنده ..بس اسعاره مرتفعه مرررررررررره

سلام المحبchiaki
14-10-2005, 21:21
Rama Primavera

معقول جيم ماستر إلي بالمدينة
لا لازم اروح له بس أكيد مايدخل حريم
مالت علية لو كذا بس مو مشكلة غالي رخيص
المهم نلقى شي حلو
14-10-2005, 21:42
chiaki

إقتباس:

الرسالة الأصلية كتبت بواسطة Anita

معقول جيم ماستر إلي بالمدينة
لا لازم اروح له بس أكيد مايدخل حريم
مالت علية لو كذا بس مو مشكلة غالي رخيص
المهم نلقى شي حلو

موب بس في الرياض...جده بعد عندهم محلات كثييييييره لبيع الانيمي...

سلام المحبchiaki

عرض 40 مشاركات من هذا الموضوع في صفحة مستقلة