و عليكم السلام و رحمة الله و بركاته ~
سوف أرمي قناع " اللطف " عدة دقائق , متحدثة " بصراحة مطلقة "
أنا مليت من الروايات هنا :D !!
أغلبها من أدخل و أقرأ البارت الأول , أطفش ,, !!
مافيه شيء جديد , مافيه شيء محمس , مافيه أفكار ثانية , أحس الخيال صار معدوم !
الأحداث نفسها , الرومانسية نفسها , !!
البطلة تصحى تتأخر تصفق بولد تحبه بس مايحبها
البطل بارد البنات مجنونات فيه بس هو بارد مايعطي وجه
تدور الأحداث دائمًأ ضمن إيطار " المدرسة " .. كلهم طلاب !
حياة مدرسية , ناس مراهقة , عاشق و معشوق ,, !
النهاية سعيدة , قلما ما يوجد نهاية حزينة
مافيه أشخاص تموت , الكل حي ,, لي فترة مالقيت كاتب " تجرأ " و موت إحدى شخصياته !!!
تشابه الأحداث تقارب الأعمار = رواية سهلة التخمين !!
أعني , بربكم ,, كيف أقدر كقارئة أقرأ روايتك ,, إذا من البداية قدرت أعرف وش بيصير ؟
من الأساس مالي داعي اقرأ ,, !
زي اللي اثنين يتابعون فيلم ,,, ثم تجي صديقتي تقولي كل شيء بيصير بالفيلم !!!
هذا أنت !! و هذا أنا كقارئة !!
بأفكارك , " ببساطتك " تقولي وش يصير !!
روايتك بهذه البساطة , و أقدر أخمن و أتوقع وش بيصير !!
مدري ليش الأغلبية " مقيدين خيالهم بسلاسل " ~ !!
وش النهاية ,,,
من الأساس من الأساس , إنت قاعد تكتب رواية ليش ؟!
شهرة ؟! بتنشهر فأغلب الروايات لها عدد مشاهدات كبير
ردود ؟!
كلها ردود " سطحية "
شكرا , ننتظر البارت القادم , لا تتأخر ~
طيب وش استفدت من هالردود السطحية بعد ؟!!
هذا إذا ما حطيت اسئلة عن الرواية , جابوا عليها و طلعوا بس !!
مافيه مغزى ,, الكتابة من دون هدف , مثل كلمات من دون نقطة نهاية ~
ماراح تنتهي , ماراح تنتفع بشيء !!
يمكن لأنها أول مرة ,, ماتدري عن الوضع , ماتعرف كيف بالضبط
بس الرحمة !!!! أغلبية الكتاب لديهم روايتين ,,, و كل وحدة تشبه الثانية
من ناحية الأفكار باختلاف بسيط , من ناحية الشخصيات باختلافات بسيطة !!
ما سويت شيء ,, بس من جديد , تكتب كلمات من دون نقطة نهاية !!
و أصلا ,, أنا كقراءة راح ألقى هدف من الرواية ؟!
إذا من الاساس روايتك أنت مااستفدت منها شيء ,, محد راح يستفيد منها !!
و هنا المشششكلة الاعظم [ وقتك راح عالفاضي و لا سويت شيء يذكر و كله " ذهب ادراج الرياح" و تيتي تيتي مثل مارحتي جيتي ]
الكتابة مو سهلة ,,, صار يجيني استفزاز لما أشوف الروايات السطحية بافكارها !!
يعني وش تقصدون ؟! أي احد يمسك ورقة و قلم و يؤلف كم شخص و موقف
خلاص صار كاتب ؟!
لا , هو و لا عرف للكتابة شيء ,,, مو مجرد كلمات ,, مو بس كلمة على ورقة و موقف تستعطف القراء فيه !
هو فن , أسلوب , و طريق لإصال فكرة من الكاتب للقراء !
وش عندك ؟! وش تبي تقول بالضبط ؟! أنت مو هدفك تؤلف وبس , هدفك بعد توصل شيء !
شيء سامي , شيء مهم , شيء بخاطرك ,, !!
هو شيء ,,, ناس تجلس سنوات تؤلف رواية وحدة بس ,, و إنت كل ماطفشت رحت ألفت شيء ثاني جديد !!!
من الأساس , شلون تطفش ؟! ذي كتاباتك , ذي أفكارك , كلمات تعكس نفسك , كيف تطفش منها !
هذا أنت ,شيء يعكسك أنت ,, دامك " طفشت " ترى حتى حنا بنطفش !!!
هو مو شخص واحد و لا اثنين , و هالسالفة مو سنة و لا سنتين
لي خمس سنوات من عرفت مكسات و متابعة للقسم ,, من راح و من جاء ,و من للحين موجود ~
أنس , كيلوا , بسمة براءة , فيماك , اميرة الخيال , ريلين , القلم المبدع , كاندي , تشارلس و غيرهم !
في السنة , كل ستة شهور , أحس بس فيه اثنين أو ثلاثة كتاب اللي جد بالمعنى أبدعوا !
و الباقين و لا كأنهم شيء !
يمكن كلامي مشاعر مكبوتة و طلعت ,, فما أظنه مفهوم
من الأخير
ترانا ملينا , حامت تسبدنا , نبي شيء جديد
ما نقول لا تقتبسوا , بس نقول لا تلصقوا الاقتباس براويتكم من دون " تغيير جذذذذذري "
ما قلنا أنتو سيئين , فيكم الخير ,بس نبي ناس ,, تعطينا أفكار , تكتب لنا مواقف ما نتخيلها
ما نتوقعها , نبي ناس تكتب شيء " يفوق التوقعات " ... نبي تخميناتنا تطلع غلط !
مو لأنه احساس و مدري شنو , هي تخمينات قرّاء مبنية على " مليون رواية قروها " !!
حنا ما قلنا " تكرار " الا و حنا مطلعين على كثيييييييييير روايات بكافة الاشكال و الانواع
نبي خيال جديد , مانبي أشياء متكررة !!
نبي نطلع بعيد عن طور الانميات , نبي نطلع بعيد عن طور المدرسة
ليش مافيه قصة , بجزيرة مهجورة , بدولة فوق السماء , او بمكان تحت المويا ~
او ليش مافيه قصة و ناس عندها اجنحة تطير , ليش مافيه وحوش !!!!
حتى الانمي يسون كذا ,, مو بس مدرسة و عاشق و معشوق ~
نبي قصة بهدف , نبي نستفيد شيء , حتى لو مجرد " حماس " نتحمس معكم نعيش معكم ,, يكفينا
نبي الكتاب يكون عندهم هدف من الكتابة , ليش تكتبون ؟!
نبي نساعدعكم بتحقيق أهدافكم
ماراح نقصر وياكم إذا " انتو جآآآآآآدين " !!
لا تقلدون أحد ,,,
كلنا نتأثر بمشاهد , كلنا نتأثر بانمي معين !!
كلنا نتابع أفلام و مسلسلات , نشوفها نتأثر نعيش بأحداثها
تجينا رغبة نكتب ,,, رغبة قوية بعد !!
بس مو الكل يكتب " حسب ماشاف " !
مو الكل " يقعد يسطر الفيلم او المشهد اللي تأثر فيه على الورقة مثل ماهو "
مو الكل " يسوفي فيلم على ورق "
أحس ان الأعذار مثل
أعمار متقاربة , سن مراهقة , متأثرين بالانمي
كلها أعذار , " سخيفة " مع احترامي !!
حياتنا مافيها مواقف ؟! حياتنا ما مرينا فيها بشيء و تأثرنا فيه
و لا كل اللي " في عمر واحد " عندهم نفس طريقة التفكير ~ !!
أنا و كاتبة أخرى ,, لدينا نفس الاهتمام ,, شخصياتنا متشابهة
نتابع نفس الأنمي , نتابع نفس الفيلم , ذوقنا واحد
بس روايتي أرض , و رايتها سماء !
فرق الأرض و السماء ... !!
ألأغلبية مراهقين ,,, 12 - 18 ,,, !!
في كتاب بسن أصغر و يكتبون أحسن من اللي اكبر منهم !!
حتى لو ماكان يعني كـ أفكار عميقة أو حبكة ناجحة ,, !
يكفي الأسلوب !!!
لا تعطون اعذار , كلها ما اقنعتني ,,, و بالذات اذا لقيت كاتب من سنة او سنتين
و هو على حاله ما تغير فيييه شيء ! و رواياته ملئت القسم !!
يستفز يستفز يستفز لأبعد درجة !!!
لكن بالنهاية ما اظن فيه أحد " متعمد " أو قاصد " ^^
لذلك من البداية , خلو عندكم هدف ,, و عشانه اتعبو , و بتلقون اللي ربي يسخره لكم و يساعدكم !!!
بدل فكرة ,, وحدة تصحى من النوم و تأأخر عن المدرسة
خلوها واحد يصحى من النوم و بطريقه للمدرسة ينخطف
ترى شيء غير و فرق كبير !!
أي فكرة تخطر براسكم , طوروها !!
مرة و ثنتين و ثلاثة !
أكسروا تلك القيود التي تلف خيالكم .. لا تجعلوا من قدراتكم مقيدة بأصفاد !
فـ إبداعكم ما إن ينطلق , لن يكون هناك حد و لا نهاية له !
و لن يتوقف أبدًأ !
أخرجوا عن الروتينات المتكررة ,, أطلبوا المساعدة إن احتجتم !
ضعوا أهدافًا في سطوركم , و هدف و راء تلك السطور !
هدف من أجلكم , و هدف من أجل قرائكم ~
كفى انانية , كفى طيشًا , كفى استفزازًأ , كفى و يكفي حتى الآن
لا تعتذروا بأعذار واهنة , فلا يوجد مبرر .. !
أنتم فقط , لم تحاولوا , في تجربة شيء جديد !
أنتم فقط , لم تتجرأو , في كسر تلك القيود !
لم يعد يسمى خيالا , فما فائدة قراءة الإنمي بدل مشاهدته ؟!
ما تفعلونه .. و إن لم تقصدون ,, يعد [ اقتباسات , و ليس خيالكم ]
قد تكون كلمات جارحة , فلن أهتم !
هذه صراحتي ,,,
لا استثني نفسي , لكن بالتأكيد استثني البعض .. ^^
فكلامي لا يعم ابدا ~
بالنهاية ,
هي مو أول مرة ينطرح فيها موضوع بنفس الفكرة < حتى المواضيع تتكرر كأنه فيروس هالتكرار :d
أن الأمر هو ,,
مهما نتحدث دون جدوى ... !!
ليست المرة الأولى التي نتحدث فيها عن هذا الأمر
و لا الثانية و لا الثالثة ,,, دائما يوجد شخص ما ,, طفح به الكيل و ينزل موضوع " ملينا من التكرار "
بس ما يتغير شيء ~
إن شاء الله خير !
يعطيكم العافية ^^
عساكم عالقوة جميعا