بدايتك مع الأنيمي (.........)(مقدم من عصابة (يوغي يو ويامي) )
بسم الله الرحمن الرحيم
اللعبة انك تكتب شلون عرفت الأنيمي اللي أنا أختاره وشلون بدايتك معاه
الأنيمي الأول ( ناروتو)
أنا بدايتي تحت
أول شي أولاد خالي اشتروا شريط ناروتو 2 ل السوني2 ولعبت معاهم وهم دائما يفوزون علي قلت أصلا الشريط سخيف( عشاني ما أفوز بس بستراه رائع ) بعدين اختي كانت مشتركة بالمنتدى وتقولي انكم تتكلمون عنه دائما قلتلها الأنيمي هذا سخيف و ورتني حلقة منه وأنا انعجبت فيه كوميدي على محاربات عللا خيال إلخ إلخ المهم والا أقول لأختي تنزل حلقات ثانية منه قالتلي ما أقدر رحت عند ولد خالي مشترك هنا كمان أقوله يعطيني حلقات ناروتو هو نحيس راح قالي لأ مافي وأنا عرفت نقطة ضعفه واحنا في المجلس مع أبوه وأبوي
أقوله عطيني حلقات ناروتو عاد قدام أبوي يخاف يرفض بس طلع شي قالي لازم سيديات دي في دي وأبوه قال أنا عندي قال هو خلاص بجيبلك ويطالعني بيعيوني وأنا أضحك , وأنا وأختي وصلنا حلقة 60 رحت قلتله أبغى من حلقة61 إلى آخر شي عنده عطاني إلى 155 بعدين سافرنا ماليزيا بالعطلة الصيفية و بماليزيا في محلات أنيمي لقينا حلقات ناروتو من 149 إلى 180 وتابعته كله وأختي ضلت الطريق وتركت ناروتو وأنا لقيت موضوع بميجا توون أطلب حلقات ناروتو مباشرة بدون تنزيل وطلبت من 181 إلى آخر شي يقدر صاحب الموضوع عطاني الى 210 زفت علي الطلب بحلقة 190 صارت الروابط ماتشتغل ليه ما أدري واكتشفت الطريقة
اللي يجيب فيها صاحب الموضوع الحلقات بدون تنزيل وأظن اني ذكرتها في إحدى مواضيعي اسمه((( أحسن طريقة للحصول على الأنيمي بدون تنزيل))) المهم ووصلت إلى آخر حلقة نزلت حتى من شيبودن
والشريط صرت أعرف ألعب بكل الأجزاء
يلا نشوف حكاياتكم يا شطار
بالمناسبة الموضوع مقدم من عصابة ((( يوغي يو ويامي)))
