مدرستي غريبة ..... فهل من محلل لشخصيتها ؟! (رجاء من الجميع الدخول)
السلام عليكم و رحمة الله و بركاته
أولا انتوا وحشتوني جدا .. بقالي مدة مكتبتش موضوع و دلوقتى اديني بكتب اهو
ثانيا الموضوع بقى
الموضوع موضوع شخصي ليا شوية يعني حاجة تخصني و هتلاقوه طويل و ممكن يكون ممل بس لو انا ليا خاطر عند حد حتى لو قد الذرة يقولي بس انا صح و لا غلط او اعمل ايه و الموضوع هو ....
مدرستي غريبة !!!
طب هتقولولي غريبة ازاي ؟
هقولكم تصرفاتها معايا و مع اصحابي مش تصرفات طبيعية ....
هقول الحكاية من الاول عشان تفهموا و تنصحوني و تشخصولي حالتها ....
انا في تانية اعدادي و فصلي فيه 21 بنت خمسة منهم شاطرين و ملتزمين و اصحابي و انا من الخمسة دول و احنا كدة شلة صالحة و سيرتنا حلوة في المدرسة و فيه بتاع 6 بنات هم مش شلة مع بعضيهم لكن مستواهم الدراسي وحش و المدرسين بيتقرفوا منهم بسبب درجاتهم و باقي الفصل بنات متدلعة حبتين و في كم واحدة منهم بتروح المدرسة ببنطلونات خروج و متدلعة زيادة عن اللزوم و بتهتم بالصبيان .... بدات السنة الدراسية و كانت المدرسة دي اول سنة تدينا الاول كانت طبيعية جدا بس هي عصبية و حازمة اوي بعد كدة بدانا نتعرف عليه و تكون العلاقات طيبة لحد ما .... و عدا الترم الاول على خير ....
جه بقى الترم التاني الميس بدأت تلاحظ دلع بعض البنات و اهتمامهم بالصبيان فزعقت و اخدت من الفصل كله موقف وحش من اللي عمل و اللي معملش , فانا و اصحابي روحنا للميس و قلنالها مالناش دعوة احنا معملناش حاجة و كان كل كلامها اننا فصل قلالات ادب مع ان اقليه هم بس اللي قلالات ادب ..... بعد كدة طلبت مننا اننا نشتغل معاها في لزحات و اعمال و نشاطات عشان معرض المدرسة بتاع الصحافة(معرض بيتعمل كل سنة بنعرض فيه اعمالنا و نشاطاتنا) قلنالها ماشي و كنا بنشتغل حلو و من هنا بقينا مميزين عندها شوية و عملنا معاها شغل آخر حلاوة بس لاحظنا انها شوية تبقى لطيفة و شوية نلاقيها قلبت و بتقول انا مش طيقاكم و انتم مصايب من غير منعمل حاجة يعني مثلا نكون مودعين بعض انبارح و مبسوطين و مافيش حاجة وحشة تيجي النهاردة و تقعد تزعق و تشتم و تقول انا مش طيقاكم و بعد ما خلصنا النشاط و عرضناه كل المدرسين و الطلبة قعدوا يقولوا ده جميل برافو عليكو و هي الوحيدة اللي قالت مش عملتم اللي انتو عايزينه امشو مش وشي ده واحد 1....
بعد كدة جت امتحانات الشهر و كانت طالبة مننا اننا نذاكر في 6 دروس (اصل مادتها منقسمة جزئين يعني زي تاريخ و جغرافيا او احياء و كيمياء كدة يعني ) و الدرس دسم ولا السمنة البلدي روحنا فقلنالها يا ميس ده كتير راحت هي تساهلت معانا و ياريتها ما تساهلت و قالتلنا النقطة رقم 123 في الدرس الاول تذاكروها و باقي الدرس الاول مش داخل فقلنالها اوكي و هنذاكر النقط دي بس اللي من الدرس الاول و باقي الدروس هنذاكرها كلها .... انا و اصحابي مكفناش كل التحديد البسيط ده نزلنالها و قولنالها يا ميس ممكن تحديد اكتر قالتلنا بكرة هحددلكم .... روحنالها بكرة قالتلنا انا مش فاضية دلوقتى تعالولي الحصة الـ4 روحنالها الحصة الرابعة و سألنا عالتحديد قالتلنا لا مش هقول حاجة قولنالها يا ميس حضرتك قولتي انك هتحددي و هضرتك وعدتينا انبارح قالتلنا ده كان انبارح و مش هقول كلمة و لو اتكلمتوا عن الموضوع ده تاني هجيب امتحان من اول السنة لحد ما وقفنا فطبعا انا و اصاحبي مشينا بسرعة لانها مش ناقصة يبقى 9 دروس داخلين الامتحان و كافية الـ6 .
و بعدين جه يوم الامتحان بسمي بالله و ببص عالورقة اتفاجأ و الاقي ان الدرس الاول كله داخل الامتحان و مش بس الكام نقطة اللي اتحددوا انا طبعا بحلقت في الورقة و كنت هعيط من الصدمة حليت من الذاكرة و خدعتني ذاكرتي لاني ماكونتش فاكرة حاجة و الكام نقطة اللي اتحددوا ماجاش منهم غير حاجة واحدة و الدرس الاول كان كبير و اسئلته في الورقة كتيرة و ده نقصني كتيييييير في درجتي ، المهم كملت بص في الورقة و ببص عالخريطة الاقي ان في حاجات ماكانتش المفروض انها تدخل في الامتحان دخلت فيه و كان منهم حاجات من الخرائط اللي المفروض نحفظها بس انا كنت اعرف اللي اعرفه و الباقي ابي بغلطت في بعض الحاجات فيها و انا طبعا بصرت و نجمت كثيرا لكن لم اعرف ابدا تعقيدا يشبه تعقيد الخريطة _و حكاية التحديد الغلط ده زي قصة الست و القطة اللي لا سابتها تاكل من الارض و لا ادتها الاكل المناسب_ و بعدين انا محسوبة من لساني فبقول للميس لما دخلت تشوف فيه حاجة مش واضحة في الورقة فقولتلها يا ميس في نقطة عالخريطة مش واضحة انا مش عارفة ان كانت فوق و لا تحت قالتلي لا هي متحددة روحت انا قولت يا ميس مش متحددة دي محطوطة في النص راحت قيلالي طب عملتيها صح عملتيها غلط عملهالك غلط انا طبعا استغربت لرد الفعل ده و لميت لساني و كتمت استغرابي في عيني .
بعد الامتحان نزلت انا و اصحابي للميس بقولها شكرا يا ميس عالامتحان ده و بسم الله ما شاء الله كل اللي ذاكرته و اللي تحدد ماجاش (كنت بقول بهزار و بحسن نية) راحت قالت و ماله الامتحان قأصحابي كانوا خايفين يقولولها و يعتبوها عالامتحان فرحوا فتحوا قلبهم بعد ما فتحت الموضوع و قالولها يا ميس في حاجات ماكانتش متحددة و دخلت في الامتحان راحت مطلعة ورقة الامتحان و وريتنا الاسئلة اللي اتحددت و احنا بقى حددنالها الاسئلة اللي ماكانتش المفروض تدخل قالتلنا و الظاهر انها كاننت بتتهرب انا ظالمة و مفترية و بضطهدكم راحت المسحوبة من لسانها اللي هو انا قولتلها طب دي وجهة نظر وجهة النظر الاخرى اننا اتظالمنا و وريتها الاسئلة اللي المفروض ماتكونش موجودة و قولتليها طب ليه يا ميس ماقولتيش ان فيه نقط تانية دخلة مردتش راحت واحدة صابحتي قالتلها طب ماكونتيش تحددي حاجة يا ميس راحت بصت كدة بغضب و قالت اطلعوا على فوق و انا غلطانة اني حددت لكم حاجة و انت متستهلوش و بصباعها شاورت زي ماتكون قرفانة و قالت اطلعوا على فوق انا و اصحابي طلعنا من غير و لا كلمة و بالموقف ده حسستني اننا علمنا كارثة او شتمناها او زعقنالها مع اننا كنا بنتكلم بكل ادب و اكن جملة صحبتي دي حزت في نفسيتها اوي لدرجة انها تعمل معانا القفلة السودة دي .
جت بقى النهاردة دخلت الحصة و كانت متنرفزة و عصبية و دخلة تزعق و تبصلنا بقرف و لا كاننا الحيوانات بتوعها او العبيد اللي شغالين عندها شرحت الدرس و لما اي واحد فينا تقول كلما او تردد ورا الميس زي العادة تزعق و تشتم و في اخر الحصة وزعت درجات الامتحان و كانت عمالة تقول انتوا غشاشين و اخلاقكوا زبالة و متستاهلوش حد يعاملكم معاملة البني ادمين مع ان الامتحان ده هو الوحيد اللي مافيش غير بنت و لا اتنين اللي غشوا فيه لان المفروض ان يبقى اكتر من نص الفصل غاشش .... المهم بقى المسحوبة من لسانها اللي هو انا قولتلها يا ميس في حاجات متحددتش و دخلت في الامتحان راحت قيالالي تاني يا ياسمين ده انتوا طلعتوا مبيطمرش فيكوا روحت انا قايلة تانية يا ميس حضرتك حددتي لنا حاجات و مدخلت و محددتيش حاجات و دخلت الامتحان و آه لو شفتوني و انا بتكلم زي الصراصير كنت بقول بصوت هادي و بكل ادب راحت زعقت و قالت طب كل الفصل ناقص 3 درجات روحت انا اتنرفزت جدا بس ماكونتش عايزة الموقف يزداد سوء فقولت يا ميس انا اللي اتكلمت حضرتك نقصيني انا قالتلي لا كل الفصل روحت قلت تاني يا ميس انا بس اللي اتكلمت قالت لا كل الفصل ناقص لان الفصل ده زبالة و مبيطمرش فيه انا قولت لو كلامي من فضة فسكوتي من دهب روحت حطة لساني في بوءي و سكت و هي كانت بتزعق و عمالة تبصلي بغضب كانها هاتكلنى و بتقول انتوا متعرفوش حدود بين المدرس مع اننا بتخطناش اي حدود و كان قبل كدة بنتكلم معاها في امور الدنيا و السياسة و كنا بنتكلم بكل صراحة كاننا بنتكلم مع صاحبة لينا اشمعنى الحدود بقت مهمة دلوقتى و لا الحدود مش بتبقى موجودة غير في الحاجات المهمة و بس .....
و بعدين كانت عايزة بنت من اصحابي قالت لها هم زعلانين راحت البنت قايلة اه راحت قايلالها يتفلقوا و قالتلها انها عايزة بنت مننا عالحصة الـ8 فالبنت نزلتلها الحصة الـ9 مش الـ8 لظروف الحصص فالبنت دخلت عالميس و بتقولها نعم يا ميس راحت الميس قالت ايه اللي جابك فالبنت قالت يا ميس حضرتك قولتي انك عايزاني فالميس قالت معتقدش دي بقى عندها زهايمر و لا حالة نفسية ؟؟!!!!
و حتى الان نعجز عن حل هذا اللغز حلا صحيحا بس فكرت في حل و هو ان الميس دي عندها نقص يمكن هي حاسة ان محدش بيحترمها فحاسة ان لو اتكلمت معاها بصاحة شوية يبقى انا كدة مبحترمهاش و المبالغة في رد الفعل زي موضوع الامتحان و ان هي ملهاش رهبة عند التلاميذ فبتزعق عشان تحس بخوفنا بس الغريب تقلب احوالها معانا و لما طلبت صاحبتي تنزلها و بعدين قالتلها مش عايزاكي و في من اصحابي شخصوها على انه عندها انفصام في الشخصية و دي كل صفات المنفصم شخصيا و اللي شايفين ان كل الصفات دي فيها شخصيته قوة مسيطرة ـ سائدة ـ طاغية أنانية ـ لا يحترم عواطف الاخرين حتى وان تظاهر بعكس ذلك ـ دائم الشك ـ يسخر من كافة الاراء التي تخالفه ـ معتقد انه هو الاسلم والاصحو احنا شايفين ان دي صفات مدرستنا دي.!!! ..... كل دي افعال غريبة , انت معايا و لا ايه لو سمحت انا محتاجة اسمع رايك و تشخيصك لحالتها
التوقيع / طالبة يائسة
