سؤآآآآآآآآآآآآآآآآل كل عزابي (بدون زعل)
{ بسم الله الرحمن الرحيم }
سؤال لكل اعزوبي ... يتسدح بالملحق ؟
هل تنام على بطنك ؟او تخم الوساده بالليل ؟ او تعفس الكنب وتعضه وانت نايم .... او تنام على الكنب وانت تقرا الجريده .. او تنام ويطلع سرك ستر الله سرك .
اذا كانت الا جابه بنعم فان كل هذا اعراض لرغبة جامحه وكامنه بالزواج وان ما تلاحقت عمرك راح يجي اليوم الي يقول فيه الوالد الله لا يبارك في الساعه الي جبنا فيها شغاله ..
لاتتخذ قرار الزواج الا وانت في حالة هدوء تااام بعيدا عن الاثاره والعواطف الجياشه ...
مو تشوف فديو كليب بعدها تطمر لامك وانت مشبك اصابعك ومميل ارقبتك وتقول { دوروا لي ابي اعرس } .. ابي اكمل نص ديني
اولا... مرحلة ما قبل الزواج ..
كيف تعرف انك استويت عزيزي الشاب وحان قطافك من بنت الحلال ...
ا- علامات الرغبة في الزواج عند الشاب ..
1- اذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك { قاضي } فتلاحق عمرك وشف لك بنت الحلال . بشرط توافر الشروط الاخرى فيك { وظيفه مناسبه.. ومبالغ مالية لموجهة مصاريف العرس }
>>>> التقسيط متاح بدون كفيل في مؤسسة مباري للعرس على النوته .
كذلك اذا صرت تتابع الفيديو كليب وتفق اثمك ولو يناديك ابوك ماترد عليه ..
3- اذا بديت ان تمشى بالسوق وتتمنى ان البنت الي قدامك يطيح اللي هي شايلته علشان تصدم فيها وتقول { ليمون نعناعه } فاعرف انك على مشارف انك تكون { سبهه } وشهار ما يقبلك ولا منتسب .
7- اذا بديت تعطر بعطور نسائيه وتقول مافيها شي { العطور ليست حكرا على احد } لذلك اكرب عمرك واعرس .
ثانيا - اثناء الخطبه ..
1- انضبط وابدا صل بالمسجد . واجعل المحافظه على الصلاه تحول دائم من الخطبه الى اخر عمرك.
لان اهل البنت يبي يسالون شيبان المسجد ويقولون تعرفون فلان ... لذلك صل وابد { طلطل } بوجيه المصلين كانك تدور اخوانك .
<<<<< ماحب هالحركه .
2- لاتتهيبل وتروح تتسلف سيارة زميلك { الفخمه} وترزها عند باب اللي انت خاطب منهم ؛
لان الخطيبة مصيرها تعرف ان السياره مو سيارتك وبالتالي تطيح من عينها بكيفها ..
3- اثناء الشوفه لاتستحي ابد وقز البنت من راسها لرجليها ولا يهمك ابوها واخوانها لان الشرع يدعمك وان قالو شي قل لهم حديث الرسول صلى الله عليه وسلم .. { فلينظر اليها وتنظر اليه فانه احرى ان يؤدم بينهما } ...
وكما قال الشاعر { لسان الفتى نصف ونصف فؤاده ***** فلم يبق الاصورة اللحم والدم }
<<<<< يضيع مع اللحم في الضحايا خصوصا التسبده يا بعد تسبدي
لا يروح بالكم بعيد .
4- في الخطبه ان صار فيه مكالمات .. فلا تصير لصقه وعلة وريد كل دقيقة داق على البنت { وينكم فيه } ؟ وش سويتوا اليوم ؟ ما اشتقتي لي ؟ وش تسوين ؟ انت على السرير ولا في المقلط ؟ <<
يخرب بيت السؤال ؟
5- لو { كتبت كتابك} على البنت قبل بفترة وبديت تاثث بيتك ... لاتاخذ البنت الا علشان تختار غرفة نومها بسسسسس . ولا باقي الاثاث اختاره انت ولا خلها هي اللي تختاره كله ...
لانكم اذا بديتوا تطلعون مع بعض تختارون الاثاث ... فراح يطلع الاثاث مشكل تشكيله عجيبه والوانه كانها { شراب تكرونيه بالمربعانية عند الحرم} ...
كذلك اضبط ميزانيتك على مستوى معين من الاثاث بمعنى ... ماتشتري لي لوحه بـــــ3000 الاف .
والكنبات بـــــــ5000 الاف .. يعني مافيه توازن وتروح تشتري لوحه ثانيه من { حلة بن دايل } بــــــ 20 ريال ومن ايكا بــ 150 ريال .. فيصير بيتك كانه { حراج بن قاسم } من كل بحر نقطه ....
فتصير مثل اللي بيتهم طين وعندهم { رولز رويس} .
6- اياني وياك تظهر بشكل مثالي في الخطبة بل خلك على طبيعتك بحيث تقول للبنت هذا اناااااا..
مو تصير حبيب بالخطبه وصدام بعد الملكه .
ثالثا ليلة الزواج ..
ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك
.. خلك طبيعي ... ولا تكثر من شرب الشاي والقهوه ليله العرس بعدين تنتفخ مثانتك . فتتورط .لانه صعب اذا رحت جلست مع العروس على { الكوشه} ....
فجاه تقوم تقول بعد اذنك باروح الحمام ... صدقني راح تقول البنت اللي هذا اوله ينعاف تاليه ....
فلنفرض انك قمت من الكوشه ؟؟؟
بعد ما تخلص هل بترجع وتجلس مع العروس مره ثانيه ؟؟
والا بتطلع من هناك ؟ بالعربي ... انت بتبلش بلشة ما بعدها بلشة اما اذا رجعت بيقولون الحريم { جاه اسهال من الخوف من المدام } اجل اذا راحوا الشقه بلحالهم وش بيسوي هالخواف ؟
فتصير علك في فم الرايح والجاي وملطشه للصغير والكبير .
2- ليله العرس ارفق على سيارة الرجال اللي انت متسلفها منه ... لانك ممكن تصدم لانك ما تعوت انك تكون بسياره كشخه وجنبك بنت .
<<<<<<< وش دراك ؟
3- خلك ذوق واسحب يد البنت وحطها على { القير حق السياره } وحط يدك فوقها ولا تكثر تفغيص يدها وممكن يصيرلك شي والا يجيك { شد عضلي } بعدين تصدم باشاره >>> لاحقين خير انشا الله
4- اذا جيتوا تدخلون البيت ... افتح الباب وخلها تدخل قبلك وامزح معها شوي {خشي برجلك اليمين } وبعد ما تدخلون {ارقع } ذيك الزغروته اللي تهز اركان البيت ... ثبت الله اركانك ...
رابعا .. سواليف ليله العرس ..
الكثير من الشباب في اي المواضيع يطرح ليله الزواج وبرايي انه بالامكان طرح مواضيع تتعلق بذكريات الخطوبة ... والا بتعاد عن المواضيع الرسمية ... بمعنى تجنب الاتي ....
1- انتبه تتميلح او تنكت اكثر من اللزم لان الموضوع سينقلب ضدك وبدال ما تصير وش زينك تصير {كخا} ..
2- انتبه تجيب طارى {امك } ليله العرس وتقعد تقول لبنت الناس من اول ليله { انا بصراحه امي اغلى امراة عندي بالعالم } انا امي بصراحه ابيك تشيلينها فوق راسك انا امي بصراحه ما ابي احد يزعلها انا امي بصراحه مالها غيري ...
الله ياخذ بليسك انت وامك لا هالحين ادخل والسبك بالعقال
<<<<<<< اعصب احيانا بدون سبب مقنع ... ماعليه رجعت طبيعي .. نكمل .. مافيه شك ان الام
غالي ومكانتها عظيمه بس لكل مقام مقال ... فما فيه مناسبه انك تجيب طارى امك . ممكن تاجل
الموضوع لليله اخرى...
3- امدح مكياج المدام وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه ..
حتى لو كنت { كمخه} في مواضيع الذوق واللبس ولا تفهم فيها شي امدح وخلك عبارتك فيها صدق بحيث تكون { الصادق الكذاب } فهذا من شانه انه يحسس المدام انها جميله بعينك ..
ويرفع روحها المعنويه ..
ويخليها تهضمك يابو كوع ....
4- انتبه ثم انتبه انك تصير عاطفي او تخق ومن اول ليله تقول للبنت { بصراحه انا احبك وميت فيك } لانها موكد انها مو مصدقتك { ما امدى بسم الله تحبها } بصراحه كثير من الشباب محروم من { كل شي }
<<<< وافهموها عاطفيا و... و....
واول ما نلمس يد تختلف عن يد صديقك { الضب } .. نخق وبسرعه نسعبل ونقول .... اااه الله لا يحرمني منك ....
احبك احبك احبك ...... ويمكن بعد اسبوع اكرهك اكرهك اكرهك ...
>>> يااااااااي
خلك ثقيل وخلي سلوكك هو اللي يقول للبنت اني احبك مو اساليب قردنه احبك وبعدين تقول لها وش رايك نلعب عريس وعروسه ......
ترا هالحركات ماتمشي على البنات التاليات ......
خامسا.. ملابس ليله العرس .........
1- بعد ما تفسخ ثوبك وشماغك وعقالك تروش الله يصلحك لانه ممكن ريحتك تكون طالعه وانت ماتدري من كثر السلام والقلق اللي عشته في قصر الافراح ولا يهمك انك راش لك كم { بخه } على الشعرات اللي بصدرك وبازن بها .. تنظفو {ابتل} اعلمكم...
همااااااااه ؟
بعد الانتها انتبه تلبس ملابس تظهر مفاتنك ... وفانيله علاقي وتصير كانك من ذولاك المصاريه اللي اسود وابيض ويتطلبون على المسبح في النادي من جماعة {هاي شله }
اختر اللبس المناسب لجسمك ...
مثلا شورتات رياضيه اذا كان جسمك رياضي .. ولا اذا كنت دب فخلك بالعقال والشماغ والثوب استر لك وغير ملابسك اذا نامت المدام وفاجاها في الصباحيه ..
اذا كنت سمين البس ملابس اكس اكس اكس لا ارج
<<<<< انتبه ترى ما اقصد القناة
المهم انا جاني النوم لكن بكره اكم ولا بعد سنهولا سنتين المهم اذا فضيت اكمل حتى الصفحه انتهت وانا اعلم فيك بس مالي غير الاجر
مع تحياتي\إحساس مكانيكي000000000000000
