\\\ اول لمبه اكتبهـــا لكم \\\
بسم الله الرحمن الرحيم
السلام عليكم ورحمه الله وبركـــــــاته
اول موضوع اكتبه بالمنتدى الله يستر بتتعرفون على جانبي الغريب
المهم موضوعي عن بعض ملاحظات في الحياه
في كذا مكان وفي كذا شي
مره كنت قاعده في امان الله الي وشوي وطلعت فوق راسي لمبه شافها اخو الصغير وقالي عرفت انه حان وقت الكتابه ههههههههه ادري سخيف بس جد فجأه تجيني افكار او طقااااااات بدماغي
اول طقه او او لمبه
نبدأ بمحلات التصوير الفوري
احنا دائما نروح استدويوهات التصوير الفوري عشان شي ضروري مثل صورة الباس بورت ولا بطاقه الاحوال ولا اي شي
وغالبا ناخذها جنب اقرب استديو ممكن تروح له بسيكل من كثر ما انك ماتبي تبعد عن البيت
المهم
تعرفون اشين شي لما تاخذ الصوره
اتركوا على بال ما نزين الطرحه زين او الشعر والميك اب عزيزتي العضوه
ولا على بال ما تصلح الغتره او الشمااغ او الشعر او البدله عزيزي العضو
اتركوا كل ذا على جنب
وعطوني الابتسامة المزيفه البايخه الي لازم نبتسمها
اووووف
مع اني انسانه مبتسمه الا انني ما اعرف ابتسم لما اخذ صوره
واشين شي
لما تمسك نفسك وتبتسم
وخلاص مستعد
يروح يخرب شي بالكاميرا ويقولك المصور خلك زي ما انت
ومن كثر ما طول المصور وهو يصلح العطل الفني تنسى كيف تبتسم وكل الي تتذكره انك تطلع اسنانك الجميله
ويا الله كيف تطلع الصوره بااايخه بشكل
وتكره صورتك للأبد
واشين شي كمان لما تجي تاخذ صورتك ويخيرك المصور من بين مجموعه صور
وبالنسبه لك سوااا ولا تشوف اي فرق وكلهم اكيد مو عاجبينك
تروح تختار بشكل عفوائي ولاتدري ليش اخترت هذي الصوره بالذات وسبحان تتذكر ان الصوره الثانيه احلى وتطلع عينك بالصوره الي اخترتها لونها أحمر أو بنفسجي !!!
نتقل للوكيشن آخر
غرفة الانتظار بالمستشفى
غرفة الانتظار من اسمها لازم غصب عنك بتنتظر بتنتظر
مافي شي ثاني تسويه
وتسوي نفسك تتفرج على المجلات وانت تناظر الي قدامك وبنفسك تقول اول ما يقوم باخذ مجلته
وتفرح فرح عجيب لمى يتم استدعائك من قبل الممرضه وكأنك فزت بجائزه نوبل في الانتظار
عاد المهم
اذا نادت اسمك
توقف كذا بين المنتظرين وانت نافخ صدرك وبكل فخر وكنك تقول بنفسك ( لقد تم اختياري نيهااااااااهااااااا اتمنى لكم حظ اوفر)
بعدين عاد تتوقع انك تروح للدكتور
بس لا ما تروح للدكتور
تروح بغرفه ويقعدون يغثونك يقيسون وزنك
يقيسون درجه الحراره
رســـائل بالجوال
انا تجيني تقريبا بشكل اسبوعي عشر رسااايل طبعا برمضان اكثر وقت
والرسايل تجيني انه من المتوقع فوزي بشكل غريب بجووووائز قيمه جدااا
بمسابقه مهمه
وأنا أعرف أن الواحد ممكن تكون فرصته كبيره بأي شي بالدنيا اذا سعى له
لكن المشكله اني ما اذكر اني اشترك باي مساااابقه بحياااتي
لكن تأكديدات بعض الرسااايل خلتني احس اني فعلا من المحظوظين الي بيفوزون
و بأن تكررار الاتصال يعني فرصه الفوز الاكثر
انا ماعمري فزت ببيسي عشان افوز بسياره
ياربي كيف يستغلونااا
الملابـــــــــــــــــــــــــــــــس
اكره الملابس
واكره اني اشتريها
واكره ان كل يوم اقعد اركب طقم واحوس وارقع
يوم من الايام اكيد
بتختفي الملابس
مو تختفي نصير عراة أعوذ بالله
لا اقصد
نصير مثلا زي ماتخيلوا صناع الافلام الفضائيه المستقبليه
مو صح دايم اي فيلم فضائي يتخيلون الكتاب ان الناس بالمستقبل بتلبس نفس الشي وتفتك
طيب يالله متى
جد كل بلد يصوت على لبس له وخلصنااا
يالله عشان خاطر البنات نحط لكم ورد هههههههه على اللبس
وش بعد وش بعد
كفايه كذا اول مره
تشااااااااااااااووو
