حال البنات في الباص غريب وعجيب !!
]
اسف إذا الموضوع فيه زعل وشكرا لدخولك ودخولكي الموضوع
واسف [Glow]خاص للبنات[/Glow]
بنات دافورات.. <<<< الدافورات معناها الشاطرات وإللي يحبون العلم
البنت:الامتحان النحو صعب اليوم !!
البنت:اللي يسمعك يقول ماتاخذ علينا الاول اقول واللي يعافيك اكرمينا بسكوتك
البنت:واللة..صعب ماعرفت الاعراب انا شكيت هو (جارومجرور) ولا (مجرور وجار)
>>>>انا اقول نفسها
ومن جهة أخرى نجد بنات النت...
البنت:امس دخلت الشات ومالقيتك ايش فيك؟
البنت:انا داخلة لكني مغيرة اسمي
البنت:ليش غيرتيه
البنت:مزاجيييييييييي !!
البنت:طيب وراك ماتردين على مواضيعك الشينة
البنت:واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك
خخخخخ
وفي مؤخرة الباص نجد الفن والطرب...
البنت:ماشفتي الحلقة الأخيرة من المسلسل أمس !!
البنت:إلا بااااايخه !! ماتوقعت ذي نهايتها !!
البنت:ايه صح مالها داعي
البنت:اليوم راح يجي مسلسل غيره شكله أزين!!
البنت:لا المسلسل اللي راح يجي اليوم قديم أنا تابعته!!
وبجانب بنات الفن..نجد بنات البلاي ستيشن..
البنت:اللة ياخذ شركة كونامي مانزلت (سايلنت هيل 4)
البنت:صادقة..ماشاء اللة على شركة كابكوم تنزل ديسكاتها بسرعة الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت:احتمال لان(البرت ويسكر )فيه
البنت:صدق..!!؟؟!!
البنت:ايه..قريت مذكراته ويقولون انه فيه...
ومجموعة ثانية تتكلم عن الطبخ
البنت:اليوم علي المطبخ وعييييييه
البنت:اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت:لا الحمدللة انا مرة بالشهر
البنت:ياحظي..الا اقول تعرفين طريقة البسبوسة
البنت:مدري..ايه عرفتها انتم تشترون العجين>>>>> في بالها سمبوسة
واما بنات الميك اب والموضة
البنت:ناظرتي اخت العروس روووووووعة وخصوصا فستانها تهبل مووت>>> احلفي
البنت:ايه وشفتي الظل اللي مسويته قمة الغباء ليش مسويته تحت عيونها
البنت:يابنتي هذه الموضة تو نازلة الاربعاء>>> ولا الخميس
البنت:اقول لاتعطونها وجهه ماتفهم بشيء
البنت:نعم..!! وش تقصدين..لايكون تتكلمين عني....حدك
البنت:لا ياماما اكلم زوجة عمي خخخخخخخخ
فئة (ك ت ب )
البنت:عطيني الواجب حقين بكره
البنت:وليش ماتحلينه بنفسك من غشنا فليس منا
البنت:مو انتي ناقلته من اللي بجنبك
البنت:هاااه
البنت:اي..اقول عطيني>>>> يعني اجباري
البنت:انا نقلته علشان احنا معزومين في البر
البنت:واللة....واحنا معزومين بالبحر خخخخخخ
بنات الحش
بنت 1:شوفي بلوزة مزنه لها شهرين تلبسها والله من الذوق الخايس
بنت 2:الا وش قصة ابلى مشاعل اليوم شكل زوجها مكفخها وجايه تحط الحره فينا
بنت 3:نوير جايبه صورة اخوها من زين خشته كاشخه فيه وتبي تدور له بنت حلوه
واعيد واقول انا اسف مره اخر !!!!!!!!!!!!!!!!!!!!