نفسي عزيزة

بيدي مسحت أدموع عينك وقفيـــت
ما بيك ترجع في حياتي ثوانـــــــــي
هذا نصيبك يوم غيري تمنيـــــــــــت
لا ياحبيب العام ما جاء كفانــــــــــي
أمضيت في حبك سنين وتهقويــــت
غلطة سنيني بالرجاء والأمانــــــــي
اسهرتني يا ماضي العمر واخطيــت
واليوم ترجي في زمانك حنانــــــــي
نفسي عزيزه تجرحه كل ما جيــــت
ما بيك ترجع تجرح النفس ثانـــــــي
اسف على قلب لك العام مديــــــت
احسبك مثلي عايش في كيانـــــي
أسال نجوم الليل وسهيل والبيــــت
تلقى الجواب وخافيات المعانـــــــي
قصة غرام عشتهــا ما تهنيــــــــــت
غاب الفرح عني وباب التهانـــــــــي
قلب جرحته يا هوى البال مقديــــت
يدعي عليك اللي بحبك بلانــــــــي
كل ما ذكرت اللي مضى قلت ياليت
ياليت قلبي عن هواكم نهانــــــــي

هذي قصيده للشاعر / يوسف المطلق
اتمنى ان تعجبكم ..