السلام عليكم و رحمة الله و بركاته
ربي قد زاد الأنين ..... أشتكي ضعفي المهين ...... أرتجيكَ يا إلهي يا معين
بعد طول تفكير قررت احط الموضوع و اعترف اني خطيت في شي مب قادر اقوله
و ما قررت اكتب هذا الموضوع إلا لأني حاس بالذنب و خايف اظر حد معاي
و محتاج اطلعه من داخلي حتى لو كان بشكل غير واضح بس عشان ارتاح من العذاب هذا
و تأنيب الظمير زاد عن حده و مب قادر استوعبه اكثر من جذي من شهر و انا اعيش عذاب صامت
و مب قادر اقوله لأحد غير لربي لأن محد بيقدر يتفهمني حتى لو شاف ان هذا الموضوع شي بسيط
من شهر و انا متندم على شي امسونه من فتره و في نفس الوقت محد يعرف عنه حتى اقرب الناس لي
و من كثر الندم عليه انا مب عيسى الأولي مثل ما يقولون لي ولا قادر اركز في شي
قبل ارمضان كان الموضوع شاغل بالي لكني كنت اتظاهر كإني مب مفتكر في شي
لكن من اول يوم في ارمضان و الحاله اشتدت علي و قمت ما اركز في اي شي و ظميري امأنبني و وساوس الشيطان مب امخلتني في حالي
اقضي ساعات و انا افكر بهذا الشي و احاسب نفسي و اخاطب ربي
و حتى على يوم الأثنين تقريباً كنت اكلم واحد من اعز ربعي الي ما امكلمنه من شهور على المسنجر
و ما ادري كيف كلمته كنت معاه و مب معاه الي استوعبته هو الشي الي سألته عنه اما باقي الأشياء ما كنت مفتكر شو قلت
و في الآخر اتناحس علي الماسنجر و يا خوفي توصل النحاسه هذي لدرجه ما اتصورها
و انا عايش النحاسه من فتره و حاس ان النحاسه الي اتيني من كل صوب سببها الشي الي امخلني احس بتأنيب الظمير
لأني من يوم ما فكرت ابهذا الشي و حاسبت نفسي عليه و انا مب متوفق في شي و خايف من عقاب ربي عليه
لا اتخافون بالنسبه لكم هذا الشي يمكن يكون بسيط لكن بالنسبه لي لا لأني مب متعود اسويه
و يمكن اتكون المقالب جزء بسييييط جداً من الموضوع الي نادم عليه
و المنتدى يذكرني بيه و انا حاب ابعد تدريجياً عن كل شي يذكرني بيه
سامحوني على كل ما بدر مني من اخطاء و سمحولي ابتعد تدريجياً عنكم
مب لأنكم السبب لا لأني خايف اظر حد فيكم او حتى اظر حد من الي حوالي
والله ان قلبي معتصر وانا اكتب هذا الكلام و الله سبحانه شاهد على الي اقوله
سامحني MUMMY سامحني THIN UGLY سامحني عاشق التحدي سامحوني يا اعضاء و يا عضوات المنتدى
اعتبروني حقير اعتبروني نذل اعتبروني منحط اعتبروني ماصخ اعتبروني خسيس اعتبروني اي شي بس سامحوني حتى بدون ما تعرفون السبب
ولا اتضنون ان الخطأ او السبب منكم لا حشى مب منكم ولا لكم علاقه فيه لكن السبب خاص فيني انا
و افهموني ولا اتلوموني او تسألوني انا محتاج ابتعد شوي عن هذا الشي او الأشياء الي اتذكرني بيه
كنتو اخواني و خواتي لكن ما باليد حيله و هذي حالتي و الله سبحانه و تعالى وحده الي يعلم بيها
و اطلب من الكل المسامحه و ادري انكم مب عارفين السبب و مستغربين لكني مب قادر اقول السبب في كل الأحوال
THIN UGLY و MUMMY
ثين قريت ردك علي و والله انك مب امقصر معاي ابشي لكن انا الي امقصر فيكم وايد
سامحوني لأني بقصر حتى في الأيام اليايه معاكم و سامحوني بغيب عنكم فتره يمكن اتكون طويله
و بعد ندمي على الشي الي امسونه اقول لكم تستحقون الي احسن مني :نوم:
و معزتكم اكبيره في قلبي....و نِعمَ الاخوان ;)
و بدون ما تسألوني عن السبب
سامحوني و اعذروني
اهداء لكم و خصوصاً اعز اثنين (MUMMY و THIN UGLY)
http://www.myuae88.net/Audio/Anashed...so_Al_Wadaa.rm
:محبط:
وشكر من الأعماق ل( أوّاب ) على مساعدته لي ;)
((( استغفر الله العظيم من كل ذنبٍ عظيم و اتوب إليه ))) :مذنب:
اخوكم في الله عيسى
