كيف تكونين طخمة وانتي شيفه ؟؟
السلااااااااااااااااااااااااااااااام
تقدرين تخلين خشتس تقل بنت من امهات عشرين اذا سويتي هالعشر خطوات.::جيد::
طبعاً ذا الحتسي ماجبه من دميجتي ذا جايبه من المجلة البريطانية Womans World. :تدخين:
أولاً: لامنتس كبرتي لازم تقللين من المكياج :rolleyes: ادري انتس اذا ماحطيتي مكياج تنهبلين لكن الشكوى لله بس هم يقولون انتس بحاجه للنظرة الطبيعيه. :cool:
ثانياً: لا تلبسين كل ماهب ودب من ذا الموضه ارفقي على عمرتس تراتس عجيز يعني البسي لبس عادي. :p
ثالثاً: ركزي على اربع اشياء يخلني مثل الحصان : تمغطي بطريق الامير عبدالله ::جيد:: (( التمارين الرياضيه )) وخوذيلتس غفوة وريحي عمرتس :نوم: (( الاسترخاء )) ولا تكثرين اكل يعني اظبطي عمرتس مهب اذا شفتي حلا القهوه تصيرين تقل مشفوحه :لعق: ((الحميه)) وخلتس صبوره لاتقولين من اول يوم يووووووه ماطلعت زينه شكلهم يكذبون علينا :( (( الحماس)).
رابعاً: لاتحطين تسريحه من تسريحات امهات عشرين :D او تحطين تسريحه حلوووه مررره يعني اختاريلتس تسريحه قصيره تناسب خشتس المملوحه.
خامساً: اذا مشيتي وانتي دبا ترا بيصير وجهتس تسنه وجه وحده عمره 9000 :غريب: اذا كنتي دبا خلتس على تمارين تقوية عضلات البطن.
سادساً: لا تخافين على عمرتس واجد ترا اذا قلقتي على عمرتس بتطلع خشتس تقل ام ل60 بزر حاولي تضبطين اعصابتس وتسترخين وانتبهي لعمرتس. :رامبو:
سابعاً: مهب لازم تصيرين نحيفه عشان تطلع خشتس تقل بنت من امهات عشرين بس انتي حاولي انتس اذا زاد وزنتس لا يتعدى عن الوزن المثالي الا شوي وانتبهي من المفاطيح ترا ماضيع الشعب السعودي الا هالمفاطيح. :ضحكة:
ثامناً: لازم تدهنين بمرطب يحميتس من الشمس واختاري نوع زين وخلي عنتس التدهن بالفازلين والوازلين ترا مهن نافعاتس اذا عجزتي وغدا وجهتس تقل كسرت خبزة. ::سخرية::
تاسعاً: خلتس دايم تدربين كراعينتس واستخدمي دميجتس عشان تحافظين عليهن وخلتس دايم لازقتن بالناس وخاصة البزران عشان تعرفين وين وصلت التكنلوجيا والاشياء الجديدة اللي تطلع عشان ماتصيرين مثل التنكة بالزفه. :مرتبك:
عاشراً: لا تنسين ان الشباب شباب القلب :لحية: وانتس تقدرين تطلعين من امهات عشرين وانتي عمرتس ستين ولا تحطمين نفستس :بكاء: كل شوي ترتزين عند المراية وتقولين كشش حتى المرايات غشوووووها!!!.
تمت الترجمة بمعامل مضيع بيتهم :D
اللي مافهم شي يعملني عشان اترجم بلهجه ثانيه :تدخين: