حوار مع ابوي من سوالفي الهبله
سلاااااااااااااااااااااام عليكم
جماعه الخير هذي سوالفي مع بوي يوووم اكون طفرانه
الوقت الحين باليل ساعه 8 وبوي يالس يقرأ الجريده وهو يالس على الشبريه ( السرير ) <<<< احد يقرأ جريده باليل
وشوفوااااااااااااا الحوار الي دار
انا : هلا الله دادي وينك مختفي من يوميييييييين ماشي لك حس ولا خبر
بوي : هلا بنتي ....... لا ماشي بس نشغول ....... انتي شخبار الدراسه
انا : على سالفه الدراسه ........ ابي اقول شئ بس بلا تعصيب
بوي : خير انشاء الله .............. قولي
انا: دادي حبيبي انته طبعا انا بعد الثانويه العامه بسافر شو رايك
بوي : لا والله على وين العزم............. الحمد الله يت منج
انا : والله على امريكا .... اي مكان المهم اني اطلع من هذا البيت .. بعدين تعال شو الحمد الله يت منج لا تقول تبي الفكه مني
بوي : لا مب قصدي انا قول الحمد الله على كل شئ ........ بعدين بتسافرين امريكا مره وحده .. لا انا اخاف عليج ..انتي هبله وبضيعين هناك.... وانا مافيني يقولولي بنتك ارهابيه
انا: لا شو ارهابيه وانا عندي البراءه كلها ....... شوف ويهي عاد
بوي : بنت تراج طفرتني خلني اقرأ جريدتي و ارتاح من صدعه راسج .....
انا : افااااااا الحين انا طفرتك ... بعدك ما شفت الطفره على اصول ........ اقول ترى عييب ترمس معاي وانته تقرأ جريده ... اقولك حطها منك ولا بعصب واذا عصبت انته ما بتشوف خير
بوي : تعالي علميني الادب احسن ...... مالت عليج من بنت .....ما ادري على على منو طالعه
انا : دادي مافي داعي تسأل من شابه اباه ما ظلم ........ وعلى فكره ماعندي مانع اعلمك الادب
بوي : الا اله الا الله ........انا ليش ساكت عليج اييب عقالي احسن ......
انا : افااااا بوي تضربني وانا دلوعتك ....... عاد انا وحده لو اثنين شو سويت
بوي : الله داري فيج علشان جي عطاني وحده بس ما اقدر اتحمل غيرج .... قومي ذلفي من ويهي
انا : شوف ترى بزعل وانا اذا زعلت ما برضى ........ تراني حذرتك بعلم عليك ماما بعدين ما بتشوف خير
بوي : تدرين شو انا الغلطان .شو يلسني في البيت ......... بروووح احسن لي
انا : علينا هذي الرمسه ........ تزعل عمرك ..... قول بروووح اصيع برع
بوي هني عصب وااايد : يلي ما تستحين ترمسين جي عن ابوج ........ صدج انا ماربيتج
انا : افااا دادي زعلت ......... انا كنت امزح ....... رووح مين ما تبي وصيع وين ما تبي ... انا مب حرمتك
بوي : الظاهر ما يفيد معاج غير الضرب
انا : لا بوي اذا السالفه فيها ضرب ........عيل مع سلامه .... وسموحه
وطلع من حجرت ابوي وانا اركض لان ابوي راح ييب العقال
اتمنى تعيبكم الحوار
تحياتي
إليون
