مذكرات الزاحفين الدراسيه ..

بعد كثرة المواضيع اللي تتعلق بأول يوم في الدراسه قررت اكتب عن اول يوم لي في الجامعه .. بصفتي رئيس المنظمه الموقره >>>> طخطخطخطخطخطخخ >>> هذولا الزاحفين يصفقون .. تصفيق عرابجه ..
ارجو من جميع اعضاء المنظمه انهم يكتبون تجرتهم الدراسيه لأول يوم هنا مع انه من شاف وش سوى ريسكم عرف ان ما وراكم خير هذا وجهي ان كان واحد فيكم داوم في المدرسه .. تلاقي اسامه في قهوة ابوهيثم ووسيم وفانتزي يفرون في فؤاد سنتر والمهموم وويل سميث داجين في حدائق الثقبه الغناء .. ونواره مدري عنها اذا كانت تدرس في كليه ولا شي بس ما ظنيت انها طلعت من حوش بيتهم ..

نبدا بمذكرات كفاح الفوهرر زاحف
=======================

مسا الخير .. اخيرا بعد 12 سنه كرفيشن ودراسه دخلنا الجامعه زي ما قلنالكم يوم سوينا لكم قلق شهر عشان ابو الشباب زاحف انقبل في جامعة البترول .. عاد بصراحه انا اليومين ذي شفت مواضيع لبعض الأعضاء لساحر القلوب وغيره عن اول يوم وبداية الدراسه ذكرتني بأيام الطفوله .. وبما اني عيار واحب استغل الفرص قررت اني اكتب عن اول ايامي في الجامعه .. مو المدرسه زي بعض الناس ..

عاااااد يقولك اول يوم طبيت فيه الجامعه كالعاده عفست الدنيا رايح جاي كالمتوقع من اي دلخ في اول يوم جامعي .. وكان عندي اول يوم اختبار لبعض المواد .. عشان اللي مستوياتهم جيده ممكن يشقحون >>( هذي علمونا اياها في الجامعه ) بعض المواد او اذا نجحوا فيها كلها ممكن يشقحون السمستر التأهيلي ..
عاد ابو الشباب زاحف كان مرشح لأختبار الأنجليزي وبالفعل اخش واختبر واحل وانا مغمض واسلم الورقه واطلع .. وساعه وتطلع النتايج واروح اشوف الأسماء و ياللمفاجأه ييييييييو طعطعطعطعطع نجحت .. ما ادري كيف بس نجحت .. عاد زاحف كبر راسه الا اخش الاختبار الثاني .. مااااافي الا اخشه واحذف السنه كامله .. صدقت عمري .. وبالفل اخش الاختبار .. وعيونك ما تشوف الا النور صفقوا كل واحد بثلاث كتب .. قراءه و استماع و كتابه ودفتر رابع للأجابه ؟؟؟؟ والله هذي لو مسكتها شهر ما قريت نصها خل عنك اقراها في ساعتين لا وفيها سماع شريط بعد تجاوب بعض الاجابات منه .. يا حبيبي .. عاد زاحف دق صدره وزمجر وقال حنا لها .. ويعطينا المشرف اشارة البدأ .. ويجيك زاحف يفتح الدفتر بسرعه يزعط يسابق الزمن ..>> كلش ماحدك الا الوقت ولا كان نجحت .. الا ..والله.. اكتشفت .. طلع .. كلام انجليزي >>> وش رايك اجل حساوي ؟؟..
ويقولك اول مره مسكت القلم وسميت وتوكلت وسبحت وحوقلت واستغفرت وقريت كل الادعيه اللي اعرفها حتى دعاء دخول الحمام >> عرف ربه الحين ..
بس مافي فايده .. اول سؤال حل نص ونص السؤال الثاني هه كأني عرفت الأجابه الثالث تخمين الرابع حل من دون اي فكره الخامس ما ادري وش الطبخه .. الا وافكر وافكر وافكر وافكر وافكر وافكر وافكر وافكر >>> تكفى عالتفكير يا انشتاين ..
كيف يبوني احل اسئلة قواعد والخرابيط هذا اذا كنت الانجليزي كله متعلمه من توباك وامنيم .. يعني ماظنيت توباك لا تكلم يفكر بصيغ الباست برفيكت والبريسينت كونتينيوس والبطيخ المبسمر ..ماعلينا .. وافكر وافكر وافكر >> يبه ذا ما خلص تفكير لسا ..وافكر وافكر وافكر وافكر وشوي .. الا طلعت لي فكره ليه ما فكرت فيها من اول ؟؟ اخف فيهم واسلم الورقه من دون ما اجاوب خخخخخخخ .. مايعرفون رقم جوال ابوي ولا عنوان البيت >> والله لو طالب ابتدائي ماسوى كذا ..
وفجأه طلع في بالي بيتين من الشعر لتوباك .. ما ادري وش دخلهم في الطبخه .. بس حطيتهم .. كتبت لهم
i don`t know anythin about cpu but Did you hear about th rose that grew from a Crack in the concrate ? provine nature`s law is wrong ...
ازعط اوريهم اني اعرف اكتب شعر وبالعنقليزي بعد .. والله واسلمها واضرب الباب .. ومن اليوم اللي وراه اداوم مع طلاب المستوى الثاني >>>> الظاهر انهم ماقروا الشعر اللي كتبته ولا كان عطوني البكالوريوس على طول ..
عاد مدرسيننا .. احم عفوا دكاترتنا >> متعود على ايام الطفوله >> تككفى ياالكبير .. ايوه كنت اقول دكاترتنا كل واحد افل من الثاني يقولك واحد ايرلندي يوم شفته ذكرني بالأستاذ سيد الله يذكره بالخير .. مافي تفاهم خش ويمسك السبوره ويكتب ويشرح وعاد الشباب .. مايدرون وش الطبخه اول مره ينحطون في موقف وجها لوجه مع اجانب محححح ما يعرفون ولا كلمه عربي .. هاها عاد زاحف مع الاستاذ المصري فوزي ما يدري وش الطبخه تبيه يعرف مع الايرلندي متعود في حصة الانجليزي كل ما سأله الاستاذ سؤال يقط كلمه انجليزي وكلمتين عربي .. بس لا جا برا المدرسه يدق لك بأغاني امنيم وتوباك ووويل سميث من اولها للآخرها غيبا ولا تقول قرآن ..
المهم عدت الحصه على خير لأني كنت راقد زي حالتكم كلكم في اول يوم وبعدين بصراحه كنت متخاصم مع الاستاذ ما اكلمه ولا يكلمني ..
الا ولا اللي وراها رياضيات .. تصدقون عاد طلع يدرسنا واحد افريقي اول ما شفته حسبته اموكاشي اشتروه الهلال من منخب نيجيريا وضيع ابو الشباب طريق النادي فلقوه الجوازات وجابوه عندنا يدرس رياضيات ..
عاد ابو الشباب مستحيل تفهم منه كلمه يتكلم تحسبه يتهاوش معك .. برضه قضيت الحصه نوم وتجربة لصوت ضربات القلم عالاجسام اللي حولي من طاولات وطلاب وغيره ..
ونطلع ويجينا مدرس استرالي اول ما تشوفه تحسبه حامل جت الجامعه تحسبه المستشفى المركزي .. بس بعد ما قعدنا معه شوي والله طلع فله طلع زاحف حتى هو بعد بس زاحف استرالي .. يعني تجاهل اللهجه وتحمد ربك انه مو افريقي ولا يماني ...

اممممممم يييييو والله كتبت كثير ما عليه اسف مع اني ما ظنيت ان فيه احد بيوصل للقرايه للأسف
عموما عندي الكثير مما لا يهمكم من قريب ولا من بعيد يمكن اكتبه .. لاحقا .. بس بغيت اقول للجميع بالنسبه لأن الكثير من الناس يحذرونكم من الجامعات والتخرج من الثانويه ويقولون انه ما ينقبل في الجامعات الا اصحاب النسب العاليه والواسطات والخ الخ من القرف حقهم .. بصراحه انا اقول العكس جيب نسبه معقوله وراح تنقبل في الجامعات عادي عندك انا زاحف والله لا انا وجه دراسه ولا شي وهذا انا انقبلت في احسن جامعه عربيه .. كيف .. جبت درجه عاليه في اختبارات القدرات .. يعني ان تخرج احد منكم شباب ويحس ان لديه قدرات ذهنيه جيده .. يعني يفضل يدخل اختبارات القدرات ويجيب نسبه حلوه تأهله يدخل الكليات اللي يبيها .. عموما لا تخافون مو كل الجامعات تطلب هذا الاختبار برضه لسا في جامعات تتعامل بنسبة الثانويه فقط وهي تقبل اعداد كبيره وتصل لنسب منخفضة .. المقصود .. الزبده .. اعرف انك طفشت .. لا تشيل هم الجامعه جيب نسبه فوق السبعين ان كنت تبغا دراسات عاديه مو هندسه او علميه وان كنت تبغى تخصصات علميه جيب فوق الثمانين بس وراح تلقي ستين جامعه تقبلك ولا تصدق اللي يقولون ان القبول في الجامعات صعب ..

السلام عليكم،

ههههههههههههه .. ضحكتني يا زاحف :D

شو هالمقطع الخطير .. :cool:
عاد زاحف دق صدره وزمجر وقال حنا لها .. ويعطينا المشرف اشارة البدأ .. ويجيك زاحف يفتح الدفتر بسرعه يزعط يسابق الزمن ..>> كلش ماحدك الا الوقت ولا كان نجحت <==== http://www.gamers-forums.com/smilies...rolp_baku2.gif

ويقولك اول مره مسكت القلم وسميت وتوكلت وسبحت وحوقلت واستغفرت وقريت كل الادعيه اللي اعرفها حتى دعاء دخول الحمام <=== لا يا شيخ http://216.40.241.68/kao/msroom/bata.gif


الله يبسطك يا شيخ على هالقصص الزاحفه ... ويابخت المنظمة الزحفوية، صارت تضم زواحف نادرة من قارات جديدة <=== هو المدرس أخضر وبأستك من فوق؟؟ http://216.40.249.192/mysmilies/kao/cactus/wai.gif هو مين، الراجل؟؟ لا الشراب!! (ههههه من مسرحية شاهد ما شافش حاجة) :p

الله يسعدك يا شيخ:D :D

بس ..عندي اعتراض على نصيحتك..وترى مو كل الناس عندهم قدراتك ما شاء الله يا زاحف


أنا معك أنه الواحد لا يخاف من التوجيهي ..لكن ضروري يشد حيله..
و إذا واحد بدو (طب-أسنان -صيدلة-تقنية طبية-تمريض)...لاااااااااااازم يجيب نسبة فوق 90..و افضل له تكون فوق 95..

و أعتقد أن الهندسة نفس الشيء...

يعني أنا مثلا كنت أكبر لعابة....بس ألعب ..ألعب ..و اتفرج كرتون سنة ثالثة توجيهي ..لكن بس أشم ريحة امتحان (شهري -نصفي -نهائي) أبدأ المذاكرة قبلها بفترة ..بس الترم الثاني شديت على نفسي شوي أكثر


و بكدة نجحت والحمد لله بتقدير عالي ..

يعني لا تخافوا من التوجيهي...طالما انتم توكلتم على الله و بذلتوا جهدكم

و اذا لقيت وقت أقلكم شو عملت أول يوم بالجامعة:)



تحياتي..

اوشن : خخخخخخخخخ حلوه بأستك ... بصراحه انا مطفي وماني عارف ارد زي الناس .. بس هو كاروهات .. المدرس ؟؟ لا الشراب .... بخخخخخ بايخه مني

شوري : هو كلامك صح بالنسبه للطب اكيد لازم نسبه عاليه بس اعتقد ان نسبة 80 برضه نسبه تدخلك الكثير من الكليات الجيده وطبعا من طلب القمه لازم يزحف لها >>> مثل زاحفي جديد ...
اشكرك للتعليق لكني لا ازال متعلق بتعليقي :D

لوووووووووووووووووول زاحف وش ذي الدفرة ما شاء الله عليك



اما انا فأنا غير زي ما جدة غير


في اول يوم

رحت اوصل اخوي مستانس صار ثاني ثانوي

واخواتي الي متشققين على شان الملابس جديدة

واما ظر في خلق الله الرايح والجاي والداخل المدرية والرايح الجامعة والا وقفت سيارة جمبي

امريكي كاشخ اناظر فيه واقول بيني وبين نفسي آآآىىه بس لو ذا يموت و آخذ مكانه مو ازين :rolleyes: :rolleyes:

وبعد ما وصلتهم للمدرسة واخوي راح الجامعة ما بقى الا انا يوووووه كل الناس في المدارس والجامعتا الا انا وتذكرت زاحف

خلني اكون ازحف منه ::جيد:: ::جيد:: ::جيد::

وان شاء الله تيسر وتلقاني بعد فترة مسوي كذا :مذاكرة: :مذاكرة: :مذاكرة: :مذاكرة:


كخهههههههههههههههه ثكرا

ههههههههههههههههههههه

الله يرجك يابو زاحف:D

لو حاط لهم خالد عبد الرحمن كان سقطوك بس زين انك حاط بالتوك مدري توباك خخخ:D

اما عن مذكراتي فهي لحظات لا تنسى


استاذ الكيميا طاردني قبل حصة اختبار الانجليزي

رحت ابرد حررتي في فراش مدرستنا الهندي

رحت ونسمت كفر سيكله:D

بعدها ما شفتهم الا يسحبوني من رجولي للفصل ويقولون لي ياله اختبر انجليزي

عطوني الورقه

ما عرفت شي

بس يقولون
النظافه من الايمان

طبقت الكلام هذا وخليت الورقه نظيفه :)

والنتيجه الله يعلم بها:rolleyes:

واروح البيت

ابوي: هاه عساك مبدع بالانجليزي زي ما انت مبدع في الاملاء؟؟

ايه يبه اكيد افا عليك بس هذا سؤال ابشر بالدرجه الكامله::جيد::

اليوم الثاني طلعت النتيجه :بكاء:

فأنا انسان قد نفسي وما قدرت اصفق استاذ الانجليزي لانه مصري تقول عامود لمبه:o

واجمع لي شلة زاحفين ونطلع له اخر الليل بدال ما نصفقه صرنا عاقلين قلنا له بنعطيك 10 ريال بس والي يرحم والديك حطها درحه كامله:rolleyes:

المصري: خلوها 15 وابشروا بالخير

دحيم:طلع مسدس اخوه اللعبه وقال له شف عاد بــ10 تبي ولا لي تفاهم ثاني معاك؟؟

المصري:لالالالالالالا 10 تكفيني

هه بعدها صارت مع كل استاذ هالطريقه طلعت طريقه ناجحه:D

اخر السنه

النسبه 100%

الطلاب صاروا يأشرون علي يقولون شف الدافوور

وانا متشقق احسبهم يمدحوني:محتار2:

واروح للبيت واقول للأبوي يبه ابشرررك ماخذ 100%

وهو يقولي شف ما نبي منك غير النجاح

لانه كان شبه فاقد الامل في اني انجح:محتار2:

قلت له وانا رافع راسي يبه ابي لكزس 430 2002 وكاله:cool:

قالي انثبر مكانك ما هنا الا تاخذ الكابرس حق السواق موديل 91:بكاء:

وتصير سواق بداله تودي امك وخواتك السوق وترجعهم :بكاء:


هذا جزا الي ياخذ 100%

فأنا احذر كل طالب من هالنسبه الشينه:rolleyes:

جده غير : مرحببببببببا بو فهد منور المنتدى ، طبعا يا شباب هذا جده غير كان رفيق دربي في ثالث ثانوي نأمر بالمعروف و نتواصى على الخير >>> على الخير ماعليه ماكنكم كنتم يوميا تشقحون السور وتطلعون ابو هيثم ..
المهم ذا الادمي مسكين متسبب ( يعني عاطل ) لا شغله ولا مشغله ليه لأنه الدافور ماشالله عليه ماخذ 64% في الثانويه العامه وفي اختبار القدرات زيها >>> بلاهم مايعرفون قدراتك في التعسيل والتنطط على الكوره ..
المهم انا قلت ان الجامعات تقبل الكثيرين بس مو لذي الدرجه عاد يالكافر وش خليت حق عيال المتوسط ؟؟؟ بس ربي يوفقك وتلاقي لك مصيبه تضفك >>> يزعط يصلح العلاقه الحين :p ..
المهموم : حيا الله اعضاء المنظمه المفهين جاحديني يومين عشان تردون والله حاس اني ريس طرطنقي لا ومسمي نفسي فوهرر بعد .. بخخخ .. بصراحه بأغيره باخليه المبعوص ..
ما علينا .. خخخخخخخخ لووووول حرام عليك يطردك الدلخ تقوم تفش كفرات سيكل الهندي ... اذا فيك خير روح اسناول >>>(ياروحي يالسوري) الاستاذ بكفين عالماشي ...
خخخخخ اما يعطيك 100% بعشره ريال والله كان ماشفتم وجهي كان ما اطالع في وجيهكم اصلا .. من قدي الدافور زاحف بلا فوهرر بلا زفت ..
بصراحه حاليا انا مسطل توني راجع من الدوام ومافيني من مكل الرد على ردك بس اشكرك لأستجابتك لنداء المنظمه >>> منظمة فتح على غفله
تحياتي : الفوهرر زاحف ;)

السلام عليكم ...

الزاحف نو ما اصدق:eek: ايش هالموضوع الزاحفي الله يقطع بليسك على هالموضوع والله ضحكتني من قلب
احلى مقطع يوم اشتطيت وامتحنت الامتحان الثاني .........الله يعينك بالجامعه

انا ليحن ما داومت دوامي يوم 22\9 :بكاء: :بكاء: الله يعيني جدولي كله متعب هالكورس وخصوصا" الاحد بيكون من الساعة 7ونصف الصبح لين الساعه 8 بالليل وصدقوني شكلي عيوني بتطلع بهاليوم وراح اخبركم ايش الي صارلي ...

سلام::جيد::

ههههههههههههههههههههههههههه

لووووووووووووووووووووووول

الله يقطع عمر ابليسك ايش دا يا زاحف ::سعادة::

عن جد مواضيعك تخلي اللي ما يضحك يضحك ::جيد:: ::جيد:: ::جيد::

بالتوفيق ان شاء الله للجميع

وعقبال ما نشوفك عريس <== على قولة العجايز :p


سلاااااااااااااام

ههههههههههه..:D :D
وش هاليوميات ياالفوهرر زاحف من جد وناسه..
الله يوفقك انشاء الله وتعدي هالسنه على خير..وبعدين تعال ابيك بكلمه راس..:o





























































:p












يعني مسويلك شعار ومخلينا:(
الله لنا

يلا خيرها بغيرها:( <----تمزح:)


سي يا:)

ههههههههههههههههههههههههههاااااااااااي
والله خوش ايام بالجامعة لازم تشوف لك كم دكتور زاحف دور شوي تلقا غير الاسترالي
يمكن تلقا توباك دكتور تخصص الراب بالبترول:rolleyes:
تسلم ايدك على هالاحداث الحلوة الي صارت لك والابداع الي سويته ياسلام عليك من بعدك خلاص راحت علينا::فكرة::
الله يهنيك بالجامعة وتتخرج منها بعد زحف يعجب جدتي:rolleyes:
انشا الله راجع وكاتب وش صار لي اول يوم:(

في اشراقة يوم جديد يوم مليآ بتغرد العصافير يوم كنا ننتظره طليت ايام الاجازة انه يوم من اجمل الايام
الا وهو اليوم الاول من بداية العام الدراسي :)
طققطقطقطقطققططقطقطققطقطقطققطقطق =====>>تصفيق على الكلام الحلووووووووو::سخرية::
طبعا هالاكلام كلنا سمعناه في الاذاعة الاولى باليوم الاول من الدراسة بعد ماجيت المدرسة وانا متحمس للدراسة ======>>من جنبها:rolleyes:
وانا دخلت وكل مليان قرف من وجوه المدرسين الشريرة والربع الي بنت عليهم خيوط العنكبوت
منظر اول يوم شعور لاحد يعرفه الا اذا كنت حاس فيه
وبعد ماسلمت على الربع الي ماشفتهم والغبار عليهم مثل كفرات السيارة جمعونا عشان نسمع كلمة المدير الجديد للمدرسة كلمة ابو مشبب واول ماشفنا وجهه الحلووووووووو يبارك لنا ببداية العام
وقال
السلام عليكم
الجوال ممنوع والعقال ممنوع الهارب ينطرد من المدرسة كلنا ماشين على نظام صارم قصات الشعر ممنوع الثوب التترون ممنوع (الضيق) ووووووووووووووووووووووووووووووووووووووووووو إلخ
عطانا من كل ممنوع وغير ممنوع
وبعدها يلا توزيع الفصول كل واحد ينادى على اسمه يروح فصل
الله قطني مع ناس ماعرفهم ولقيت الكتب على الطاولات جاهزه ناقص مادري كم كتاب عطونا اياها بعدين
المهم ويجيك اول حصة دين مدرس غثيث وعطانا من هالنصايح حقت ثالث ثانوي وشبعنا منها لو طلب مني اسمعها سمعتها:rolleyes:
وفي نفس اليوم مر علينا المدير وقال ممنوع تجيبون اقل من امتياز بثالث
هذه المدرسة ماعليها من نظام الوزارة نظام ابو مشبب هو الي يمشي نظام مين؟؟
الطلاب: نظام ابو مشبب
ابو مشبب :زين اما بالنسبة للشعر تبي شعرك ولا ملفك والي يبصيح على شعره ياخذ ملفه
الطلاب : سم طال عمرك
طبعا ابو مشبب مطوع عربجي ماحد يقدر يقوله شي يعني مروع المدرسة مادري من وين جانا هالبلوة:rolleyes:
هذا اول يوم بالدراسة وانشا الله اكمل الباقي:)
سلااااااااامووووو

قلبنا المنتدى يوميات:D

كل واحد صار يكتب ايش سوى في أول يوم :p

يا عليكم مدارس

مدرستنا كشخة لدرجة ان بيقلبون اسمها بتير ثانوية الامير ابو مشبب:cool:

الظاهر راحت علي بعد هالموضوع في واحد من الدبس ارسل ردي لايميل المدرسة:( ::غضبان::

السلام عليكم جميعا <<<<<<اسامه صار مطوع ومع جماعة التوعيه عشان الدرجات بس


كيف الشباب

اولا مشكور على الموضوع يا فوهرر زاحف وانا عند وعدي و وعد الزاحف دين <<< حلو المثل هاه ::تفكير::

واقول تعال انت واذنك وشلون تقول انه احنا ننام من اول يوم

يا شاطر انا ابوي موصيني اني انتبه من اول حصه واكون صاحي والله من اول يوم وانا صاحي

بس اليوم الي بعده ورصة هالأسبوع وانا موسد هالطاوله والسجاده :نوم:

ويحليلك انت دارس كم سنه تقول 12 بس

انا وانا اخوك دارس 15 سنه طال عمري :rolleyes:

ايه وعلى سيرة الأنقليزي جانا مدرس الله لا يوريك

مدري وش جنسيته المهم قام يحطم فينا يالسعوديين
ويقول انتوا ما تفهموا ومن هالكلام

وانا قاعد وحاط راسي على يدي الين ينتهي

يوم خلص واصلخه بكلمتين على الطاير واقوله arnt gona start now or what ??

والله ويمسك الكتاب بعد هالتهزيئه ويتكلم عن دورة المياه ويقول اسئله بالعربي

وانا ديني ودين المدرس اللي يدرس انجليزي بالعربي

ويستمر يتكلم عربي

ويقول فيه اسئله والله والشباب ورى يسولفون ودق سواليف
وانا قاعد قدام مسوي دافور بثالث

واسأله عن دورة الماء واقوله من يوم ما تتبخر الين ينزل المطر

واتكلم وكل شي بالإنجليزي لنها حصة انجليزي

والله والأستاذ مفدغ وفاتح فمه اول مره يسمع سعودي يتكلم كذا

واللي جنبي واحد منسم للنعله
يقولي احسن يا راب
واللي وراي يقول ايه ارطم يالأمريكي

والله والأستاذ استانس شوي الا ويقعد يجاريني بالعنقليشي

وانا اتكلم معاه وماسك خط

والحمد لله انهم شالوه من عندنا وودوه لطلاب اول ثانوي :D عشان مصلحة اخوياي (( احسن ياللي شايل همهم فوق راسك ))

وعلى سيرة المدير يا اخ وسيم انا بقولك الحين القاب متعدده لكم مشرف عندنا :

اولا المدير :
1- ابو راس
2- تويتي
3- (( كلمه مي كويسه )) <<< احسن يا عاقل

الوكيل :
1- رجل الكهف
2- ابليس
3- ابو طخطيخ
4- الأفغاني
5- وحش الغابه

نائب الوكيل :
1- (( كلمه مي مؤدبه )) :p
2- حكومه
3- دوريات
4- ابو قمطه (( لنه دايم مقمط )) :D

المدير العام :
1- مايك تايسون
2- الرزة المزدوجه
3- غرندايزر
4- وهو آخر لقب : افاندر هولي فيلد ::سعادة::

ومشكور مرة لوخ على الموضوع والموضوع حلو هوايه هوايه (( قلبت عراقي ))

سلاااااامووووووووو :مكر:

هههههههههههههه:D
الموضوع رائع
والله يوفقك يا زاحف
اما انا بالنسبة لي..اول يوم في الجامعة....مو مدرسة..
رحت ومن اول ما دخلت وصارت الساعة8 ما نشوف الا والاستاذة في وجهنا..مصبحة..وطبعا من بدايتها قرف..
صارت تسالنا عن معلومات السنة الماضية وطبعا كلنا البنات متنحين.للاخر...
وقرفتنا من اول يوم وخلتنا نطلع اوراق ونجاوبها على بعض الاسئلة
المهم كان يوم مضغوط جدا ومليئ بالمحاضرات
والحمدلله الجدول معفن..كل يوم نخرج الساعة 3 ونصف او4 زي ما يحبوا ياخرونا
وطبعا كان اول يوم يدخل لنا دكتور وجها لوجه..
وكانوا البنات فرحانين متوقعينه يجنن ومستعدات لدخوله علينا..
ولكنه من اول ما دخل خيب لهم امالهم...
وبصوت واحد الكل يقول..اوووووووووووووووووووووووووه....عجووووووووووو ووووووووووووووووووووووز
ولقوه دبة ومكرش..ههههههههههههههههه...استغفر الله...
بس وكانوا طوال الوقت مزغودين ومقهقهين....
والله يعيننا على الدراسة وانشاء الله الاقي وقت ادخل فيه النت....


ومشكور زاحف على الموضوع الرائع.......::جيد::

فتاة الرياضيات : شكرا عالرد .. يا حظك توك اجازه .. استمتعي فيها .. ترا الواحد ما يحس بقيمة الاجازه الا ايام الدراسه .. وارجوك اول ما تداومين تصقعينا بتقرير عن اول ايامك الجامعيه :) ..

مجنونة alx&luna : شكرا .... اللللللللللله يسمع منك ان شا الله عاجلا غير آجل >> يتشرط :p

~NOARAH~ : اشكرك .. بس بالنسبه للشعار ما ادري حسيت ان توقيعك احلى منه ولذلك ما سويت لك زي باقي الشباب بس ولا يهمك اذا كنت تبغين اسوي لك توقيعك ..

الوســــيم2002 : خخخخخخ هلا بالزاحفين .. الله يرجك انت وابو مشبب .. حشا المفروض يسمون مدرستكم ثانوية ابو مشبب الأمنية العسكريه .. اعوذ بالله بس حلوه ذي ممنوع تجيبون اقل من امتياز في ثالث ؟؟ هي بيكفكم .. الله يعينكم عليه ..

ساحر القلوب : شفت شلون ؟؟؟ صارت مهزله :p

OSM : يا روحيييي يالمطوع ... تعال القران تقراه بالعربي ولا بالأنجليزي ؟؟ :p
خخخخخخخ الله يرجكم انتم والقابكم .. مايك تايسون وايفاندر شوي وبتقلبون المدرسه فريق كوره ..

lara_2002 : شكرا عالرد .. لكن والله انكم مروقات .. بس تدرين لو تجينا مدرسة انجليزي.. لا وتطلع امريكيه بعد ييييييييو .. كان صار الشباب كلهم بلابل يرطنون انجليزي.. بس للأسف مافي الا يجيبون لنا ذول الدلوخ كل واحد يخوف اكثر من الثاني وكله كوم وذا المدرس عفوا الدكتور ( ترسبات الطفوله ) طاق السبعين ومعه سياره كامارو ويوم طالع مع عندنا امس يقول انا رايح البحرين توصون على شي شباب :) .. طبعا بالأنجليزي .. وحنا عرررررررر