فلتسقط الكوره

السلام عليكم ورحمة الله وبركاته

قال تعالى((واعتصموا بحبل الله ولاتفرقوا))

بعد اللي حصل البارحه يوم فازت عمان على البحرين وفازت قطر على الكويت ..ظهر الحقد من قبل الدول الشقيقه فيه دولة تبارك فوز قطر على الكويت عشان هي غلبتها ...وتبارك فوز عمان على البحرين بعد عشان مدري شوي السبب
يا اخووواني انا ماكتبت هذا الموضوع عشان انشر الفتنه مابينكم والحقد ..والله انا متعجبه من الحال اللي وصلنا له ..شو بتنفعنا الكوره ؟؟؟!!!!
اليوم وانا جالسه اطالع التلفزيون اشووف مسجات السب والشتم ما بين الاشقاء الخليجيين والسبب الكوره .... تخسي الكوره اذا بتسوي فيكم جذيه....
فكره دورة الخليج ما سووها الا عشان تزيد من وحده دول الخليج وترابطها مب عشان يزيد الحقد ما بين الاخوان الخليجيين ...اذا خسر فريقك وطلع والله مب نهااايه العالم ....ان شاء الله بيعوضها في الدورات القادمه بأذن الله....
والله اني تضايقك يوم شفت حالنا وصل جذيه الاخو يسب ويشتم اخوه عشان كووره :(

ما ادري اذا انتوا متفقين معايه او لا؟؟

مشكوره اختي بنت زايد على طرح هالموضوع و انا معاج

لان صح ان احنا كلنا انحب الكوره بس هذا مو معنه انها تويبنا جذيه و هذا الشي صار حتى لما سووا ستار اكادمي

مشكوره اختي لورا على الرد

وحياج الله

إقتباس:

---

فكره دورة الخليج ما سووها الا عشان تزيد من وحده دول الخليج وترابطها مب عشان يزيد الحقد ما بين الاخوان الخليجيين ...اذا خسر فريقك وطلع والله مب نهااايه العالم ....ان شاء الله بيعوضها في الدورات القادمه بأذن الله....

---

انا معاج في اللي قلتيه..
مادري والله ليش هالحساسيه بين الكويت والسعوديه..
وبين قطر والامارات..
ليش..
وين الكلام اللي يقول..
((خليجنا واحد وشعبنا واحد))

مشكوره اختي على الكلام الحلو اللي قلتيه
والله كلامك صحيح بس حابب اوضح انه الشد العصبي اللي يصير بين الاعبين
له عدة اسباب منها ممكن يكون الحكم صحيح الحكم ممكن يكون غلط مره خلاص مشيها انت والكلام موجه للاعب
تقدر تعوض اذا كان الاعب واثق في نفسه يقدر يعوض
وعلى فكره الحكم صار شماعه للاخطاء
مساكين
ثاني شي انا شايف اغلب لعيبتنا يتنرفزون من اتفه سبب
في الدوريات الاوروبيه يصير انبراشات وغلطات اكبر ومايصير الا في اغلب الاحيان
غير التلاسن فقط
لكن بطريقه كل من ايده اله
لا
والف لا
ايش يعني انغلبت من قطر ولا السعوديه ولا حتى اليمن
لو انه انغلب من فرق ثاني مثلا البرازيل ولا المانيا ماكان زعل
لانه عارف انه مستواه ادنى منهم
لكن انه ينغلب من دول الجوار
لا كبيره
الكوره ماتعرف كبير قالوها اباطره الكره مو انا
اديها والعب وانتشر في الملعب
وشوف النتيجه
العب بامكاناتك
حافظ على لياقتك
تكسب
ثالث شي الدول تخسر كاس العالم وتكون لعبت ووصلت وتعبت
وفي الاخر تنغلب في اهم مباراه في تاريخ العالم اجمع
وماتسوي اللي نسويه احنا العرب بصفه خاصه
اخواني ليه مانكون متفتحين شويه
والله اني زعلت
وكلامك اختي صح كله صح
ومشكوره على فتح الموضوع الرائع

كلامك ميه بالميه صحيح..يابسكوت البحر...

مشكورين اخواني على تفاعلكم مع الموضوع

وحياكم الله

مشكلة اللي ماعندهم روح رياضيه !! :رامبو:
احنا كلنا في الخليج واحد ... يعني أي حد ياخذ الكاس في النهايه الفرحة وحده:)
بس هذا مايمنع انه خاطري قطر تاخذ الكاس هههه :لقافة:
ومو كل الناس تزعل وتشتم...الناس الجاهله والمتفرغه

وشكراً على الموضوع ..^_^..

سلااااااااااام بنت زايد

وكل الي ردوا على الموضوع

والله كلامكم جد وصحيح

الواحد ينقهرررر اذا شاف شي مثل كذا من اخوان

وبعدين هي كوره لا راحت ولا جت يعني لا بتقدم ولا بتاخر

والله قهر نصير نكره بعض عشان هالشي

انا كم مره قلت هالكلام في ردودي في مكسات وفي غيرها

احنا اخوان (خليجنا واحد) وكل العالم عارفين هالشي

بس المشكله مو بالعالم المشكله فينا احنا

بس انشالله يكون كل هذا بس كلام وساعه الجد ننسى الكوره والي سوت لنا

لان مثل مايقولون انا واخوي على ابن عمي وانا وابن عمي على الغريب

وماغريب الا الشيطان لوول :D :D

صراحه انا احاول اقنع نفسي بهالكلام

الواحد لازم تكون روحه رياضيه يتقبل الفوز والهزيمه سواء بكوره او حتى بستار اكاديمي :D

على فكره موضوعك هذا قريب من موضوع كنت بحطه بس بعد انتهاء الكاس :D

انتظريه راااح يعجبك :D :D :p

وشكراااا لكم كلكم على مشاعركم لان صراحه شي يفرح اني اعرف ان لحد الان في ناس تحب بعضها

وتحس ان صدق خليجنا واحد


[IMG]http://67.19.93.12/*********/6/328588216.gif[/IMG]