اللحظة المنتظرة : نتائج مسابقة رسم الانمي ..
بسم الله الرحمن الرحيم ..
أخباركم ؟؟ إن شاء الله تمام .. ::جيد::
هذه هي ..
اللحظة الحاسمة ..
إعلان عن أسماء الفائزين ..
وأخيرا بعد يومين كاملين من التدقيق والتحليل ..
عيني .. راحت فيها .. طول اليوم .. وآنا قاعد على الكمبيوتر .. أحس إني ما شوف عدل ..ههههه :D
في النهاية .. حبيت أشكر ..
المتسابقين إلي شاركوا في المسابقة ..
والأعضاء إلي شاركوا في الموضوع ... كان ودي يشتركون .. لكن كل واحد وظروفه ..
وأيضا المراقبين .. أشكرهم لأنهم أيدوا الفكرة ..
وبالأخص .. أخوي المراقب The Night Baron .. كان أخ عزيز والله .. ساعدني كثيير ..
وأشكر جمهورنا الكريم .. ههه .. وين قاعدين في مسرح .. :D
وأعتذر لكل متسابق .. ضايقته من غير قصد ..
الصراحة أنا استفدت كثير .. واستفدت من المتسابقين ..و استمتعت معاهم ..
وأفكر أعمل مسابقة ثانية .. لكن إن شاء الله في عطلة الصيف ..
لكن في المرة الجاية .. بتكون مختلفة وأحسن .. والحكم بيكون أكثر من شخص ..
الموضوع مقسم إلى 4 خطوات :
1-عرض رسمات المتسابقين الغير مشترك بها في المسابقة ..
2-عرض رسمات المتسابقين المشاركة في المسابقة بالإضافة إلى تحديد الأخطاء والتحليل الشخصي .. ما قلت لكم دكتور نفساني .. واحد فاضي ... هههه ... :D وأيضا بتشوفون تعليقي الشخصي ..
3- أسماء المرشحين للقب ..
4-أسماء الفائزين ..
أي واحد عنده سؤال أو استفسار عن تعليقي أو الخطأ إلي حددته في رسمته .. فليسأل .. ولا يستحي .. وحتى لو ما عجبكم تعليقي خبروني .. أو إذا أخطأت في الحكم .. كل واحد يخطأ .. والإنسان غير معصوم عن الخطأ .. لكن أتمنى أن النقاش يكون بالسلوك الحسن .. وعدم الشتم .. لا تحولون الموضوع حق هواش ومضارب .. :D
آنا عارف كل واحد بيقعد ويقول .. شنو هاي عمي ما يشوف .. الرسمة عدلة ما فيها شي .. لكن أقولك .. يجب إنك تدقق عدل وكأن الرسمة مو رسمتك .. بتلاحظ الأخطاء إلي آنا طلعتها .. لأن كل واحد يشوف رسمته كاملة .. بس غيره يقدر يطلع الأخطاء .. وإذا مب مقتنع بالخطأ إلي طلعته .. خبرني علشان أقنعك ..
ملاحظة : هناك أخطاء ممكن تكون بسيطة جدا وغير مهمة .. لكنها مهمة بالنسبة لي حتى أقدر أحدد الفائز .. يمكن تشوفون خطأ طلعته في رسمة فلان ... لكن ما طلعت الخطأ نفسه في رسمة متسابق ثاني .. وهذا يعني .. إني تجاهلت الخطأ .. والسبب أن .. المتسابق الأول .. أخطائه قليلة .. فعلي أن أظهر أبسط الأخطاء .. أما المتسابق الثاني .. أكيد عدد أخطاء أكثر .. لذلك تجاهلت الخطأ البسيط ..
تعبت من الكلام ... المهم .. بسم الله نبدأ ..