وش رايكم نتعلم المكس حبه حبه
يالله حيهم ..
وش رايكم نتعلم المكس حبه حبه
الموضوع هذا اهداء الى انسان تعرفت عليه قريب ولايهونون الباقيين ,, واتمنى ان هالموضوع المتواضع يعجبه ويعجب الجميع .
توطئه
تعددت الاسئله حول المكس والريمكس وبرامجهما
ومن خلال سلسلة المواضيع هذي بنتعلم الاشياء ذي حبه حبه
وابحاول قد مااقدر اكون مختصر واعطيكم الزبده على طول بحيث نحقق اكبر استفاده ممكنه
بس ملاحظه الموضوع ذا تكملته حسب التصانيف يعني ماهوب اسبوعي او كذا .. عشان اقدر انوع بالمواضيع
وانشالله ابخفف عليكم الهذره بالسلسله من المواضيع .. وكل اللي ارجوه منكم التطبيق وتوروني شغلكم ازا بتريدوا
وراح تشوفون اني اببدا من الصفر ... بل من تحت الصفر .. لان اغلب الشباب من عندهم الا الاساسيات
انواع ملفات الصوت
السوال الي يبطح نفسه بكل جرائه ... كيف اعرف نوع ملف الصوت ؟
بكل بساطه .. تروح عند الملف في الوندز وترعص الزر اليمين فيه شي اسمه خصائص او proprities
تعطيك حجم الملف ونوعه
انواع ملفات الصوت
wave
فيه منها اكثر من نوع .. بس اشهر واحد mircosoft wave
تعتبر الويف اقدم صيغه من صيغ الصوت وقبلها امتداد .* aif الى كان حق الماكنتوش
مميزات ال wav
1- كل برامج الصوت تتعامل معها
2- الوضوح التام بشكل تقني اكثر توضح فيها الترددات اللي تحت ال -10 ديسبل
3- امكانيه تشغيلها على اي محرك اقراص سواء في الكمبيوتر او في السياره .
عيوب ال wav
الحجم الكبير وهذا يعتمد على ال attribute يعني درجة الوضوح
طبعا attribute مدري وش تطلع ترجمتها بالعربي بس ابحاول اقرب لكم المعنى
اي ملف صوت في العالم له شي اسمه bitrate يعني تردد الاصوات خلال الموجه ... داري اني قاعد اتفلسف
بس هذي ترجمتها ... ماعليكم منها ابوضحها اكثر في السطور التاليه
mp3
هذي اللي فعلا تعتبر ثوره في عالم الصوتيات ..
مميزات ال mp3
1- الحجم وهذي اهم نقطه ..
يعني اغنيه مدتها 6 دقايق راح يكون حجمها حوالي 5 او 6 ميقا بايت
بدرجه وضوح عاليه ابتداء من 64 kps الى 320 kps وكل مازاد الرقم هذا زاد حجم الملف
البرامج اللي تتسوى فيها ال mp3 او اي ملفات ميديا اسمها encoders ..
64 kps درجة وضوح راديو FM
96 kps درجة الوضوح قريبه من ال CD
128 بنفس درجة وضوح السيدي
طبعا انا اذا جيت اسوي مكس او ريمكس احاول قد مااقدر ابعد عن ملفات الريل بلاير ..
لانك راح تعرض الملف لعدة عمليات .ولا تبي تفقد شي من جودة الملف . عشان كذا ابعدو عنها
شي ثاني .. لو عندي اغنيه درجة الوضوح حقها 160 kps انا اسوي منها copy واحفظها بتردد عالي .. حول ال 320 kps
عموما مميزات ال mp3 لاتعد ولاتحصى ولا ودي استطرد بالكلام عنها
wma
هذا افضل اختراع سواه بيل قيتس بعد الوندز والماسنجر
لها نفس مميزات الامبي 3 لكن حجمها اقل .. بنسبه 35 %
حاليا انا مااستعمل الا ذي ..
Real Audio
العالم ماخذين فكره عن الملفات هذي انها شي رهيب وماهوب صاحي ..
انا اقول .. ال wma احسن من الريل ... ليش طيب ؟ انا اقولك ليش
لو عندك اغنيه مدتها 5 دقايق .. لو حفظتها بالريل بتردد 20 kps راح يكون حجمها حوالي 750 كيلو بايت
لو حفظتها بالميديا بلاير بتردد 28 kps راح يكون حجمها 700 او اقل
ولها نفس مميزات الريل .. يعني تقدر تسوي لها stream " استماع "
طبعا مو هذي كل اشكال ملفات الصوت .. فيه au , ogg , syn , vox كثير مره .. بس انا ماودي احوسكم .. واكثر هرج
لان هذي هي اللي نحتاجها على الاقل بالمرحله الحاليه
البرامج الي نب نستخدمها بسلسلة المكسات
1- Sound Forge الاصدار الخامس او السادس
يمكن اغلبكم شاف لي شروحات او تلميحات على البرنامج هذا
البرنامج ذا سعره حوالي 355 دولار .. تقدرون تشترونه من المحلات ب 10 لا ومعه برامج ثانيه بعد
او اذا عندك DSL تقدر تنزله ونجيب لك كراكه ..
حجمه حوالي 28 ميقا ...
اكلمكم شوي عن البرنامج هذا
البرنامج هذا يغنيك عن عدة برامج .. بواسطته تقدر تحول من اي صيغه تبيها الى صيغه ثانيه
بالاضافه الى الموثرات الموجوده فيه باامكانك تركب عليه Direct x قد ماتبي
وعدة وظايف ثانيه .. انشالله تشوفونها قريب
https://www.sonicfoundry.com/PRODUC...uct.asp?PID=668
2- intenet audio mix
شخصيا مااستعمل البرنامج هذا .. بس هو اسهل شي موجود .. ويفك ازمه
قد شرحته قبل فتره .. ولانيب عايد الشرح الي قلته بس ابزود بعض الاشياء عليه ..
انا استخدم برنامج اسمه sonic Foundry VEGAS Pro فماادري وش رايكم ؟ تبون نشرحه ولا نستمر على الاوديو مكس ؟
http://www.sonicfoundry.com/Product...uct.asp?PID=169
تقريبا هذا اللي براسي الحين .. اتمنى اكون افدتكم واشعلت حماسكم >>>> بدري على ابو طارق يجيبها ذي
اي استفسار لا احد يتردد
تشاو
