تقرير عن اول لقاء حقيقي بين اعضاء الميجا مكس ومو لازم تشوفوه هذا شي يرجع لك
هذا تقرير عن اول لقاء لاعضاء ميجا مكس توكول الوسيم za7ef تم يوم الخميس الماضي وكان لقاء رااائع قررنا نكتب عنه في النمتدى عشان نحمس الشباب في باقي المناطق عشان يسوون نفس الشي ، وبذلك يكون المنتدى قدم الغرض من فكرته اللي هي تعرف الشباب على بعضهم وتكوين الصداقات الحقيقيه وتبادل الخبرات بين الشعوب bla bla bla ...
يمكن اغلبكم شاف قبل فتره الموضوع اللي كتبته لشباب الشرقيه عشان نتقابل وطلع لي عشرين واحد قالوا تممم قدااااام ياللللله انت حدد المكان والزمان بس ... وعاد انا على نياتي صدقت ونحدد الراشد مقهى ستار بكس الساعه تسعه... الى هنا تمااام ويجي الموعد عاد زاحف متحمس راح من الساعه ثمان قبل الموعد بساعه ازعط باستقبل الشباب ، ولا يطلع ما في المقهى احد :p واطلب لك ذاك الموكا اللي في كوب ش كبرررره لو صقعت به راس يهودي اسلم .... مروق الاخ ، ومن هنا تبدا الاحرجات عاد المشكله ما معي جوال وما اعرف شكل احد من الشباب ولا اعرف كيف باعرفهم ( ليش جاي اجل ) واقعد لك اطالع فيه واحد يجي ويروح وتمر نص ساعه ويمتلي المقهى والمجمع كله يا سبحان الله مو كل يوم وسط الاسبوع يكون المجمع فاضي ش معنى اليوم ؟؟؟ وتمر ساعه على هذي الحال ما يمر واحد الا واقعد اخوزقه بعيوني يعني ما جت الساعه تسع الا وصرت شبهه العالم صاروا يحسبوني بحث :) ، يعني من اول ما جيت مرت نص ساعه مشيناها قلت انا جاي بدري، مرت ساعه هه ، ساعه ونص لا عاد مصخوها ذولا وينهم ذولا الـ( ) ، عاد وشيطان زاحف ما يقصر قام يوسوس : اصلا ما حد بيجي اصلا هم خفوا فيك يالهطفه ولا هو اصلا واضح من كلامهم ان ماحد معزم فيهم من جد عاد شيطان زاحف مسكين مايدري ان زاحف هو اللي يوسوس له مو هو اللي يوسوس لزاحف ( يقول لك بعض الاحيان تطلع افكار من زاحف تلاقي حتى شيطانه مسكين يقول لا مو لذي الدرجه عاد اتقي ربك يا ادمي ) :p ، عاد زاحف على طول فهمها : اصلا هم تلاقيهم الحين متجمعين وقاعدين في زاويه يضحكون عليك ( زودها ) ، عاد وشكلي وانا افكر !! لا تسأل اللي يشوفني يقول ذا ميت له احد ::غضب شديد .... فجأه !!!!! وانا وسط ذي الافكار الا واحد قاعد قدامي التفت لي وقال : حسام ... انت حسام (>>>> يعني زاحف ) ؟؟!!!! ( والله اخر واحد توقعت انه يكون توكول ) عاد بعد كذا صار لنا موقف تراجيدي وسط المقهى والشباب بطالعون فينا من ساعه واحنا قاعدين جنب بعض لا نتكلم ولا كاننا نعرف بعض فجأه قمنا نقزنا على بعض وقمنا نسلم وكيف الحال ووش لونكم واخبارك وكلام وسوالف وضحك .... عاد تشوف العالم حولنا سكتوا يطالعون في ذولا الخبلان :خجلان: ، عاد تعرف انواع الاحراج ، بالنسبه للشباب ماجا الا توكول والوسيم كانوا مع بعض من ساعه جنبي ولا احنا دارين عن بعض ، بالنسبه لأشكال الشباب مع انهم وصوني اني ما اكتب عنهم بس بصراحه ما اقدر اقاوم الاغراء لازم من الفضايح ولا وش رايكم وش فايدة اننا نتقابل ان ما فضحنا بعض في المنتدى :) معليش وسيم ;) ، الوسيم طلع لا وسيم ولا هم يحزنون طلع يخوف كانه من تماسيح الثقبه اسمر متوسط الطول مستصح ما شا الله عليه بس تعرف ككل المستصحين دمه خفيف وحق سوالف كما هو في المنتدى على عكس توكول اللي احس انه بيحذف الموضوع وبيحذفني من المنتدى ، توكول ابيضاني قصير تقريبا حليو بصراحه ( يالله ولا تزعل قلنا حلو نصلح لك جو في المنتدى ) شعره طويل اشقر وعيونه زرق :p لا هذي من عندي بصراحه ، يعني قبل ما اقابله اسلوبه في المنتدى اعطاني شعور انه اسود طويل يخوف بس طلع على العكس وسيم محترم قليل الكلام الى درجه حسستني انه مغرور عايش في عالم ثاني طول ما احنا ندور وهو مو داري عنا ، وعلشان ما تزعلون باكتب عن نفسي انا تشوفني على طول تقول هذا يا ارنولد شوارزنجر ولا ليوناردو دي كابريو ( نصااااب ما يعرف ينصب) :p لا بصراحه انا طويل تقريبا اسمراني (مو اسود) ماني حلو شكلي يخوف تشوفني تقول ذا معقد نفسيا ، الزبده بصراحه انا والشباب حشينا في اعضاء المنتدى كلهم من اولهم لا اخرهم طلعوا الشباب حاقديييين ( اقول لك احس الموضوع بينحذف ) وبالذات على وحده في بالي خخخخخخ ماني قايل مين وعموما البنات وبعض العيال اللي يجيبون لي الهم لما اشوف لهم مواضيع في المنتدى ، طبعا كل هذا واحنا نفر في المجمع والعالم يطالعون فينا يؤشرون ويقولون ذولا الخبلان اللي قبل شوي كانوا قاعدين جنب بعض ساعه بعدين قاموا يسلمون على بعض :D اخذنا كم فره في المجمع سوالف وضحك كان ودنا نطلع نكمل السهره في قهوة ابو هيثم اللي كان الوسيم مصر جدا وملح اننا نروح لها حيث ان الاخ طلع من اصحاب المزاج ما اقول لكم شكله من تماسيح الثقبه بس طبعا انا رفضت بعنف حيث اني ما اروح قهاوي >>>> يزعط محترم ، توكول كان يبينا نخربها مره وحده كان يبينا نروح البحرين بس طبعا زاحف رفضضض وبشدة حيث انه مايروح مواطن الشبهه ( اخخخخخ يالنصاب تزعط مو انت اللي قعدت تقردن فيهم عشان يروحون ) :مكر: وهكذا مشينا بس طبعا زاحف كالعاده كان مضيع سيارته في مواقف الراشد عاد يووووه وين تلاقيها ذا الحين بس ولا يهمك نزلع للوسيم في سيارته بس على طول طلعنا لقينا زحمة عالم متجمعين عرفت انهم متجمعين فاكين عالسياره وهكذا ودعت الشباب وانطلقت اخترق جموع المعجبين حتى وصلت السياره :p والاقي البنات متجمعين فوق وتحت السياره يبون فره بالسياره بس طبعا زاحف صاحب مبادئ شوتهم واحد واحد وانطلقت لننهي بذلك اول لقاء لاعضاء الميجا مكس ::جيد:: (ايه صح تعرف انت عندك لمبرجيني سبايدر مو هونداي النترا معدومه )
________________________________________
اعرف طولت السالفه وقاعد استخف دمي مع انه ثقيل ما يحتاج تقول بس وش نسوي تحمل يابو دم خفيف ، وسيم ، توكول اتمنى ما تزعلون من شي كتبته السالفه كلها مزح يعني لا تاخذ على محمل الجد واذا في خاطرك شي رد وتكلم بكيفك على راحتك ;)
