HEART_CHAN
محرر سابق

هههههههههه كلنا غيرانين لان عندكم قسم خاصبس الحق نحن ما نحتاج قسم خاص لاننا ماعندنا شي خاص

ايه والله مكسات صاير مومياء
العفو العفو

ليفاي؟وين؟
رمزيتي هي صورة العضوة ديدارا

وعليكم السلام والرحمة.
أهلا بك

ها اجيب الواسطات!

تعالي اي واسطات و انتي مسجلة من 2008 و اول شخص كلمك هي هيروكي عام 2019
جاني فضول اعرف ليش مافي احد كلمك طيلة ال 11 سنة
فين الواسطات

و اتجادل او اتناقش مع احد.. دايم كذا هوايتي هنا

حلو اهم شي ما تكوني منحازة لاحد لاني بدأت انزعج شوية وكأنو السالفة بتقلب عليا بآخر الكلام دا كلو

اذا راح تكوني عنصرية انا ما اقدر اكمل لاني احس اني حكون بتكلم ع الفاضي و اللي في بالك انو مهما كان لازلت انا غلطان او بأي طريقة حطلع غلطان او بيدي سبب
والله سويت كل اللي اقدر معاها ... ما قصرت معاها ... ما قد رفعت صوتي عليها ... ما قد سبيتها ... بكل ما استطيع ما احاول اجرحها ولا اخليها تشيل في خاطرها عليا , دايما اقلها اذا فيه شي مزعلك مني كلميني اذا فيه شي مزعلك مني كلميني , لا تبقي شي في قلبك , تعالي و صارحيني , لا تقولي اعديها وان شاء الله ما تتكرر , لا تعالي و كلميني و قولي و الله فيه شي زعلني من كلامك فيه شي ما عجبني في اسلوبك فيه شي ما ناسبني

ترى دايما مصارحاتنا تنتهي اننا نفهم بعض اكثر وما قد انتهت بجدال او (يلا مو مشكلة نعدي و نبدأ صفحة جديدة) دايما نلاقي حل و اغلب اللي بيننا سوء فهم

عندي سؤال شاطح اذا ما عندك مانع تجاوبيه
كم عمرك

بس صار زي ما قلت لك و تاني يوم جيت اراضيها و اقلها اسمعي خلاص مني زعلان وجلست القي نكت و احاول اضحكها وقالت اسفة ما صرت تعجبني

اتصلت عليها برضو قالت ما اقدر اتكلم معاك

حاولت افهم ايش الموضوع طيب ايش اقدر اسوي عشان ارضيكي ؟

مستعد اقدم كل شي اقدر عليه عشان نرجع زي اول

قالت اسفة انا مني في مزاج يسمح لي اتكلم معاك سيبني ارتاح

قلت لها اوكي ما حضغط عليكي
اذا ارتحتي كلميني

وبس من يومها ما كلمتني

تعبت منها وهي تعبت مني وخلاص هي ما تبغانا نستمر رغم اني حاولت بكل ما اقدر , و المفروض اصلا ما ارجع اكلمها في اليوم التاني بما انها هي اللي مزعلتني بس كلمتها


طوال ال 4 سنوات ترى حرفيا ما قد حصلت اني اسوي زعلان و تيجي تقول لي اشبك زعلان ايش في و احاول ارضيك

القاعدة تقول اذا كاروجيتا زعل ... ازعل معاه ضروري عشان لا يسوي فيلم عليا و ينتهي الموضوع هو اللي يراضيني

شدراك انهي ما تنازلت ؟ اعترض الصراحه

ترى انا مستعد اتناقش معاكي اذا انتي تتقبلي النقاش و ماتكوني متعنصرة
اول مرة شخص يوقف ويقلي اكيد فيه شي

خليني اختصر لك الموضوع ببساطة , كانت بتمزح معي وانا بطالع فيها قالت لي لا تطالع في وجهي , وكررتها كثير كثير بشكل لا يطاق لدرجة اني زعلت ومعد طالعت فيها بس هي ما فهمت اني زعلت

وبس مر اليوم وجاء المساء و كلمتني و قالت لي كيفك لنا فترة ما تكلمنا قلت لها و اللي قالت لي لا تطالع في وجهي حتيجي تسأل عني

وبس هي قالت اوف انت مرة حساس كنت بمزح , شكلك مرة ما تحب مزحي ايش دا لازم نترك بعض نحن ...

وانا اتمسكت بموقفي و ما ارتخيت لها وكملت زعلي

قلت وكل ما حزعل حينسحب على زعلي و تسوي فيلم ليا انك زعلانة و اراضيكي , لازم اقول لك آسف اني زعلت كالعادة شي الزامي

وكملنا على نفس الموال لين قلت لها (انتي ما تتمسكي فيا ... كأنك تنتظري زلة ... نحن ما نناسب بعض وما ننفعل لبعض) او قلت حاجة قريبة منها وكنت أقصد فيها انها هي دايما تقلي كدا ما ننفع لبعض ونترك بعض نسيت له فترة الكلام و مسحت المحادثات اصلا عشان معد ارجع افكر فيها

بعدين افهمي ايش اقصد ... هي ياما قالتها لي و انا ما تركتها بالعكس تمسكت فيها اكثر
وانا مرة وحدة قلتها لها في آخر محادثة بيننا , بس ما قلتها باسلوب مباشر , قلتها بلسانها هي و اعتقد 80% فهمت اني انا بقولها على لساني مو اني بقلدها
قلتها كدا (انتي ما تتمسكي فيا ... كأنك تنتظري زلة ... نحن ما نناسب بعض وما ننفعل لبعض)
وبس هي قالت صح كلامك ما ننفع لبعض و انتهت محادثتنا من يومها
رجعت للمعلومية بعدها بيوم اتنازلت و كلمتها رغم اني مرة كنت مجروح بس مشيت الوضع و جلست اضحك معاها و امازحها بس ما رضيت

يالله انتو حساسين لهالنتقطة بدون ما تسالوا..
طبعا لاني شخصيا مريت بشي كذا..

ما راح اقول عباره بس كذا

القصد منها اذا الافضل للاثنين الانفصال ,
بتم من البداية بدون تعلق زيادة مع الايام!
مو يعني لما اقول لك ابي اتركك يعني النهاية واكرهك..
احيانا تكون تضححيه.. وهي تتالم مومستانسه تقول!

تقصدي على ايش حساسين
لا يكون قصدك على (نترك بعض)
ترى نحن بشر زينا زيكم عندنا مشاعر ياهو محنا حجر

يووه.. يعني انت مو تتحسس من المشكلة

تتحس من البنت !

ياخي كيف اشرح لك
يكون في تجميعات بقلب الواحد اذا ما خرجها اول باول
فتحصليني اجيب لها مشاكل من الماضي و اجيب لها مشاكل من الحاضر و اقول انتي فيكي الشي الفلاني والشي الفلاني و اربط مشكلتين بمشكلة تالتة

هذا اذا ما اتفاهمت معاها اول باول

هي ترى كانت نادرا تواجهني اول باول
او بالاصح هي كانت تجمع غالبا و تيجيني وهي بتنفجرومرة زعلانة من حاجات سابقة و كللللها سوء فهم ... متخيلة ؟!

عشان كدا انا ما ابقي شي في نفسي عليها , اذا كحت اسألها لايكون بالعنية كحيتي
تحصلي اعصابي رايقة معاها في المشاكل حتى وهي تغلط و اعرف اهدئ الاوضاع و احلها معاها

لازم احد الطرفين يرخي عشان تنحل المشكلة
لو شادين ما حتنحل

صحيح ما يفرق معك بس انا شخصيا ما بحب شخص عرفته بيوم يتكلم علي..

يعني اسكر الموضوع ؟؟

الاسوار سالفتها تخيلي لو مثلا هي فهمت غلط وراحت عند وحدة وفضفضت لها ... هذيك راح تصنع من ولا شي مشكلة كبيرة لنا
دام انك تبغي تفضفضي لاحد تعالي و كلميني و قولي انه الشي الفلاني زعلك مني
للمعلومية كنا مسوين حاجات تضحك يعني عندي رقم جوال ثاني اخليها تكلمني عليه على اني دكتور علاقات اسرية
وتفضفض و تطلع كل اللي في قلبها ليا على اني شخص ثاني

احيانا صعب توضحي للشخص مباشرة ايش تبغي فتضطري تكلمي احد عشان تاخذي مشورته

وهي نفس الوضع مسوية دكتورة اذا ما عرفت اواجهها

لا تتجمع ومنها يحسنوا بعض.. الامام علي يقول معناه "صديقي من اهدى الي عيوبي"

هو دا اللي كنا بنسويه سوا