وجدتك ♥
بواسطة
في 09-12-2012 عند 12:12 (2216 الزيارات)
♥♥♥♥
نور عيني.. علمني كيف أبكتب لك شعـرى
وانت نظره من عيونك ضيّعت كل المعاني ..!
♥♥♥♥
انت كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني
♥♥♥♥
أشهد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي
♥♥♥♥
من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي
♥♥♥♥
جارت الدنيا علينا وحالت ظـروف الدهـر
لكن انت ياأصيل دايم أكسب بـك رهانـي
♥♥♥♥
واذكر إنك يوم رحت صحت أنا صيحة قهر
ويعلم الله ماتركتـك ليـن ماربـي هدانـي
♥♥♥♥
كل ليله تذكرني يضـوي ف(ليلـي) قمـر
وإن جفيتني في ليله أظلمت حولي المبانـي
♥♥♥♥
عند بابك ياغناتـي أنحـر أشواقـي نحـر
من عرفتك ياطموحي وانت لي كل الأماني
♥♥♥♥
"يسألوني ليه أحبـك حـب ماحبـه بشـر "
هذي الغنوه "لراشد" لك تعبّر عـن حنانـي
انت ياعطر القصيد وطيش فكري والسهـر
والله ماغيرك أحد يستاهل أبياتـي وجنانـي
♥♥♥♥
يابعد كل الخلايق واللي فـي بالـي خطـر
من دخلت في حياتي مابقى لغيرك مكانـي
♥♥♥♥
أقبل يانور عينـي وتامر انت أمـر
يااللي ذكرك يهدي عمري والقصايد جو ثاني
♥♥♥♥
مالي إلا أعتـرف بعيـون حسـادك و أقـر
إنك - أحلى مارأت عيني- وقابلت بـزمانـي
♥♥♥♥
قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني ..!!
♥♥♥♥