ضعف النظر
بواسطة
في 11-07-2011 عند 12:48 (1898 الزيارات)
السلام عليكم
بما اني جالسة ف مكتبي عندي انترنت فري ولاب توب تبع الشركة جالسة أحمل انميات وجيمز
المهم مش هذا الموضوع
الحين المدونة هذي الغاية منها اني أفضفض مع نفسي صح ؟ أوكي رح أفضفض
ضعف النظر >_> اذا عندكم محاضرة وتريدوا أحد يتكلم عن هالمشكلة لساعتين متتاليتين أنا عندي استعداد لكن تكاليف السفر (تذكرة-وفندق) ع حسابكم ^.^
مشكلتي مع ضعف النظر بدأت من صف خامس ، أجل ! صف خامس ! بلى ! عندما كان عمري والله أعلم 10 أو 11 سنة ، تعرفوا مشكلة اللي يكتبوا قصص يكونوا بيتكلموا أو يكتبوا عامي وفجأة ينطوا فصحة ، حتى اللي يكلمهم يفكر اننا نطينا لدراما تبع آل قريش
المهم من صف خامس بديت ألبس النظارة ، وكنت كل ست شهور أروح أشتري نظارة جديدة حسب الموضة الطالعة كانت أيام حلوة >> كيف حلوة ؟؟ لا تسألوا !
ظليت ألبس النظارة لين سنة 2006 .. السنة المشئومة .. ليه مشئومة ؟؟؟ هنا ف عمان كان نظام امتحانات الثانوية العامة بسيط جدا .. ادخل اللجنة اكتب اسمك رقم المقعد حل الامتحان وما عرفت تحل اطلع وحتى لو عرفت تحل اطلع .. خلصت السالفة
يوم جينا على سنتي -وسنة الشلة المحششة اللي كانوا معي- طبقوا نظام جديد .. باركود !! ملصق يجي مع ورقة الاجابة نلصقه ع الورقة وفيه رمز مشفر !! يدخل هالرمز ف السيستم ومعرف شو يصير ، وبسبب هالنظام -والشكر له- كل الطلاب ف عمان حصلوا على درجة 50 بالضبط ف كل من الأحياء الفيزياء الكيمياء الرياضيات البحتة !! تخيلوا المدرس الخصوصي عنده الطالب الشاطر والكسلان ، راح للشاطر قاله كم حصلت ف الكيمياء ؟؟ يقوله خمسين !! راح عند الكسلان قاله كم حصلت ؟؟ يقوله خمسين ! كاااااك احم
المهم ربي وفقني ودخلت كلية للهندسة خخخخ
يوم دخلت الكلية غيرت النظارة لعدسات ، أجل بلى .. عدسات !!
كنا أنا وعدساتي متفاهمين وعايشين في وئام ، وطبعا كنت ألبس عدسات شفافة .. لأنه لون عيوني يعجبني >> لونهم أسود !!
في يوم من الأيام واحدة من العدسات قررت تتمرد ع سيدتها ، وانقسمت نصين ف عيني >_> أجل لقد انقسمت !!! تكاثرت وصارت عدستين !!!
جلست ساعة أحاول أطلعها ، والعدسة شفافة ماني شايفتها أبدا !! اللهم بس حاسه بغشاوة ع عيني !! طيب هي ويييين ؟؟ راحت فيييين ؟؟
وبدت التخيلات تجي ، بروح المستشفى وبيسوون لي عملية لا أريد كلا !!
لكن لا تخافوا ، العدسة طلعت لوحدها ، ولا كأنها سوت حاجة !! بس كذا فجأة طلعت ، من دون أي تدخل بشري
من يومها رميتهم ف الزوبالة ورحت للمحل قلت له جييييب عدسة أزرق فاقع متوهج بسرعة بسرعة
وفقعت لكم ندوش باللون الأزرق وقسم كنت طالعة أخوف -شوية- !!
بعدين يوم خلصت مدت العدسات الزرقة وهي شهر
قلت لا ما بتهور مرة ثانية ، بجيب هالمرة أخضر غامق ، غااامق بقوة
بعدها جبت رمادي وعسلي لكن من بينهم كلهم م لبق علي غير العسلي
الشيطان يقولي جيبي عدسات شفافة .. هالمرة م بيصير شي ! أقوله عد من حيث جئت !
طيب السؤال : ليه ما أسوي ملية ليزر وأفتك ؟
لكن يجي سؤال ثاني : وليه أسويها ؟
لون العدسات اليوم : عسلي غامق