مشاهدة تغذيات RSS

[ بيلسان ツ ]

Goodbye.

تقييم هذا المقال




كل سنة، أفتح مكسات بآخر يوم بالسنة بس حتى اسوي reflection سريع للي صار خلالها، وأفكر وأكتب وراها أسجل خروج.
هالسنة چانت غريبة، تضحك بشكل مخيف وكئيب، هواي اشياء دا تصير بنفس الوقت.
بما إنو كُلنا مجبورين نبقى ببيوتنا بسبب الحجز المنزلي والكورونا، قإضطريت أسوي هال reflection بوقت مُبكر هالسنة.
مرات ما أحس إنو الي دا يصير شي حقيقي، شي واقعي وحرفياً دا نعيشه، شي حيكون قُصة بالمستقبل
شي حنحچي عنه إذا تخطينا هالحياة، وشي حيكون قصة لأحفادنا ورا ما نموت.

مكسات شهد مرحلة ما قبل المراهقة، مراهقتي، وسنين البلوغ وهسه دا يشهد حياتي ك young adult
أگدر أگول انو مكسات شهد ال coming of age مالتي بطريقة أو بأخرى، ولو شي كرينچ إنو أكتبها أو أگولها بصوت عالي
سجلت بمكسات يمن چان عمري 12 سنة، طفلة سخيفة، عراقية، تكره حياتها بالبيت وتحاول تلگه مخرج، تحب الانمي
خلال مسيرتي هنا تغيرت هواي، تحولت من مُحبة للأنمي لمحبة للكيبوب والكي دراما بعدين للسينما والمسلسلات الأجنبية
تغير كل شي بيه، كل شي حرفياً. يمن أقرأ مدونات قديمة، أو أسمع أغاني چنت أحبها، أو اقرأ تعليقات كتبتها، ما أميز نفسي.
كمراهقة چنت متمردة، غبية، أتقشمر بسرعة، تافهة، أحب الرومانسية، أكره التقاليد.
عانيت من الإكتئاب فترة طويلة من حياتي، نوبات الهلع خلال الثانوية چانوا روتين بالنسبة الي، والقلق والتوتر كرهني بالحياة والناس.
الحياة بالعراق چانت مُزعجة، صدام، إعدام صدام، المالكي، داعش، ثورة أكتوبر، وهسه الكورونا وقله الوعي..
بس كإنسانة تحاول تعيش، كوّنت صداقات هنا هواي منها ما إستمرت، بس كنت مشكورة ومُمتنة لكل إنسان أنطاني سبب أعيش علموده
إذا إجتني فُرصة أطلع بيها من العراق، حأستغلها بغمضة عين، بجزء أقل من الثانية، بأقل من غمضة عين حتى.
أتمنى أتنفس، أعيش بمكان يسمحلي أتنفس، أتمنى ما أضطر أكوّن شخصيات تناسب المكان الي عايشة بيه
أتمنى أگدر أگول بثقة إني سعيدة، قنوعة، مرتاحة، فرحانة، راضية، أو عالاقل مو مكتئبة.
كُرهي لحياتي هنا ينطيني الدافع أكمل البقه من حياتي برا، العراق أخذ مني طفولتي ومُراهقتي وشبابي.
ما حأسمحله ياخذ مني أكثر من الي أخذه أولردي، ما أسمح، أبداً.
وأتوقع لهنا حابة أسد صفحة كُرة هاية من حياتي، وأبدي صفحة أمل بسيط بحياة أحلى. أوكي، كافي ثرثرة عن العراق.

هاي حتكون آخر مرة أدخل بيها لمكسات
سجلت هنا عُمري چان 12 سنة، هسه عُمري 21 سنة.
إستمريت هنا من 2011/7/12 إلى 2020/5/30، 9 سنوات ويه أنقطاعات هنا وهناك.
چانت سنين حلوة، گضيت بيها وگتي بوقت چنت أحاول أتهرب من تفاهه حياتي المدرسية.
شكراً مكسات لكونك جزء من حياتي، لكونك شي ساعدتني، وشي خلاني أكتشف مواهب بيه مچنت أدري بيها.
شكراً لكونك جزء من شبابي الضايع.
وداعاُ مكسات، وداعاً لهالمكان الي ترك بصمة بيه محأكدر أنسى فضلها.

*چنت ناوية أنزل هالتدوينة بمركز رفعي بس ماعرف ليش نظام المُرفقات ما يشتغل عندي،
وخفت أنزل هالحچي بدون مُرفقات وينحذف الرد، ثرثرتي الزايدة هاي تطلع بس بمركز رفعي،
فآسفة على هالشي.*


Greatly thankful for all the time i've spent here and all the people i've had the pleasure to know.
Hope life gets better after 2020.


Goodbye Mexat.




أرسل "Goodbye." إلى Facebook أرسل "Goodbye." إلى del.icio.us أرسل "Goodbye." إلى StumbleUpon أرسل "Goodbye." إلى Google

الكلمات الدلالية (Tags): غير محدد تعديل الدالاّت
التصنيفات
المدونة العامة ✿

التعليقات

  1. الصورة الرمزية الخاصة بـ R O J I N A
    الله يوفقك ويسعدك في حياتك حبيبتي ويرزقك راحة البال
    من ناس الي كنت حابة اصادقهم بس دائما انا مشاهدة من بعيد ^^"
    ان شاء الله تتحقق أمانيك ي رب
    موفقه
  2. الصورة الرمزية الخاصة بـ تاج الزعامة
    ربي يوفقك بيلسان003

    ما اعرفك بس اظن اني كنت اشوفك زمان بين فترة و فترةbiggrin>>شخص ينسى كثير
    المهم الله يسعدك و يرزقك حياة حلوة و سعيدة^^

    gooood
  3. الصورة الرمزية الخاصة بـ كاروجيتا السيان
    ربنا ييسر أمورك ويوفقك biggrin في نفسي أقول متى يحين وقتي وأكتب مثل هالمقال biggrin

    أخخخ بس بعض من سطورك لامست أطراف مشاعر مدفونة وحركتها وآلمتها جدا وبشدة ، زي ما يقولو جات وسط الجرح hurtcry

    ربنا يرزقك راحة بال وسعادة أينما تكوني ^^
  4. الصورة الرمزية الخاصة بـ Flight Risk
    ان شاء الله تشوفين السعادة بحياتج
    وتحققين كل الي بخاطرج
    شكرا على كل السنوات الي قضيتيها ويانا في مكسات كنت متابعة بصمت الج موفقة يا حلوة
  5. avatar759026_99
    مدونة مؤثرة وجميلة
    ما أظن دار بيننا حوار قط بس مراقبة من بعيد .. لكن تعبيرك عن هالفترة وحتى عن العراق كان يلامس القلب.
    أتمنى لك السعادة e32e

مكسات على ايفون  مكسات على اندرويد  Rss  Facebook  Twitter