شـــوووق..

هنا كتبت شيئا بسيطاً من رأي الخاص عن الإكتفاء.....>> اعذروا عامية المقال..


بتعرف هديك المرحله اللي بتوصلها المرحله اللي ما حدا او قليل من الناس وصلوها هاي المرحله البعض ممكن بسموها مرحله التطور الابداع التغيير التعقل...إلخ من الاسماء بس انا بسميها مرحلة الاكتفاء...

رح تستغربوا هالاسم الاكتفاء اسم مش غريب ابدا رح تسالو الاكتفاء لشو ومن شو وليش؟؟؟ وحتى كيف؟

هاي المرحله اللي لما توصلها بتسير خلص داخليا كل شيء استقر داخليا بطلت خايف اذا هاد حبك او هداك كرهك المرحلة اللي بتسير تحكي فيها انا وين؟ ولوين بدي اوصل بالاخر؟ هاي المرحله بتسير تحس حالك رجعت لحقيقتك لانسانيتك لطبيعتك

بتسير تستغرب وتسال: انا كيف كنت هيك اعمل اسوي واخبص واستهبل؟ بتسال: انا معقول كنت اتعامل واعامل الخلق بغير شخصيتي؟

هاي المرحله بس توصلها بتسير متيقن وبشكل كامل انك مرجعك لربك وبس بتسير متاكد اكثر انو حكي الناس ما عاد يهم

بتسير تحس انو بعض الناس ما الهم لزوم بحياتك لانهم لا بقدم او باخر وجودهم معك..

الاكتفاء هو التوقف عن البحث والنبش والاستنباط في امور البعض من البشر..
هو انك اكتفيت من محادثة الناس.
انك تكتفي بصديق واحد تكتفي حتى بذاتك وبمصادقتك لنفسك وحبك لذاتك.
انك تكتفي بالعبادة فقط.
انك خلص وصلت لمرحلة انا اكتفيت من هالشخص واكتفيت من شخصيتو اللي ما بتناسبك ...

للي ما وصل لهالمرحلة ونا رغم اني ما وصلتها بشكل فعلي وصريح اذا بدك توصلها وبدك تكتفي اسال حالك واسالي حالك..

هل هذا الانسان بفيدني بدنيتي واخرتي اولǿ

هل هذه الانسانة الها اثر بحياتي ؟

هل هؤلاء البشر الهم يد بتصحيح فكري بتعديل اتزاني جسديا ومعنويا وخلقيا (بضم الخاء) وفكريا وعقائديا،؟؟ اذا كان جوابك نعم فاحتفظ بهم لانهم خير البرية

واما اذا كان جوابك لا فاتخلص منهم بادب وحافظ عمبادءك واخلاقك ولا تخليهم سبب لتغييرك للاسوء...نسبيا الاكتفاء شيء جميل ...
بتسير تحكي انو خلص لازم اعمل Block لهالبشري.بتسير تحس انك ناقص علم ودين (اجلكم الله) ولكن مافي حدا كامل بدينه هالزمن للاسف😐..
بتسير تحس انو بدك تزيد من دينك علمك فكرك تطور حياتك وتغير ..
لانك على اقدم الاقوال اللي بغير نفسه بغير غيره...
بس لما تغير نفسك حتتصعب كتير والكل ضدك الا الاقله او بدون الا بس بالنهاية حيكون كل الحق معك..
الاكتفاء بعصرنا الحالي شيء صعب جدا
الاكتفاء من الشهوات الاكتفاء من الاغاني التواصل المحرم الاكتفاء من القيل والقال الاكتفاء من الفاسدين الاكتفاء بالصالحين والمواقع المفيدة..




"لكل نفس ما تهوى" بس لازم تروض نفسك ضد بعض الاهواء وتصلحها.. حتى توصل للاكتفاء العادل او جزء منه...

ممكن اكبر الامثله على الاكتفاء بالذات دون البشر هو العلماء والعظماء.
.معظمهم اعتزلو البشر والفساد والسلبيات عشان يحققوا حلمهم ويبدعوا ويخترعوا ويطوروا.وبتحقيق هالحلم والاحلام وبطرق الاكتفاء احنا وصلنا لهالحال والرفاهية...
كم واحد تعب وسهر واعتزل احبابو عشان احنا اللي ما بعرفنا يسعدنا ويرفهنا بكل نفس راضيه..

واكبر واعظم مثال رسولنا الكريم عليه الصلاة والسلام كم تعذب وتاذى وانهان عشان يوصل لنا الدين العظيم دين الاسلام ...
وكم من شخص اعتزله وكم من شخص ابتعد الرسول عنه عشان الدين وعشان يوصلنا بشكل صحيح ومستقيم.

طيب صلاح الدين الايوبي قديش ضيع شبابه وطفولته بلعبها ورفاهيتها وهو بتثقف بتفقه بالدين واصوله حتى يصلح الامم ويحرر بيت المقدس...وغيرهم كثير من الامثله العالية .


كم من شخص ملأ طفولته وشبابه علما عشانا.

فكر فيها!