مشاهدة تغذيات RSS

Hussain AL Shehri

طفل يطلب خالد الفيصل ،

تقييم هذا المقال
طفل من بيشة يطلب امير عسير ( سابقًا) الامير خالد الفيصل ، في العفو عن ابوه المسجون ،
ياسـلام الله علـى اميـر وامـارة عسيـر
عـد هبـاب الـذواري وهتـاف المـزون
ياحسين الخلق والخلق ياصافـي الضميـر
ياجمـل زومـان بـزال حمـران العيـون
باسم اهالي بيشه احمل لـك الـود الوفيـر
والجماعـة كلبوهـم علـيـك يسلـمـون
ياطويـل العمـر لادعـوجـي ولاخبـيـر
ناشي مستور مانـي مـن اللـي يشتكـون
والحوايـج والنوايـب وتحديـد المصيـر
تدخل الرجال من حيـث ربعـه يدخلـون
واقعي خلاني انشر عبـر موجـة الاثيـر
شعر وانا لست شاعـر ولاهـم يحزنـون
يالامير ان سني صغير فـان املـي كبيـر
فيـك ياللـي فيـك كـل القبايـل ياملـون
جيتك اطلب بوي عطنيـه تكفـى يالاميـر
وش يطيق ابوثمانيـن مـن ريـب المنـون
بويه انقـا مـن حمـام الحـرم لومايطيـر
لاتصدق فيـه راعـي النمايـم والضنـون
فيه مافي ذيب يوسـف يصيـر اومايصيـر
ياعويـن الذيـب وابـوي دايـم يتهـمـون
ارحم الله يرحم ابـوك وافعـل فيـه خيـر
واعف يابوكف بيضا وابـو قلـب حنـون
واكسب اجري واجر غيري وجير المستجير
عزك الله من مزبـن وعـزك مـن زبـون
فـرح اخوانـي وفـاج البواكـي بالبشيـر
لاتحـزن بامهـات الطرابـش والـقـرون
وارحم اللي كنهـا فـي ركـوع مستطيـر
الله يرحـم والـد الوالـد ان كانـه حنـون
الله الله فـي وداعتكـم الشيـخ الضـريـر
لابكيتك خلص العود مـن عـوج الشبـون
لاتخلـي بـوي دون النبشـتـي يستـديـر
والملف يـدور بيـن المحافـظ والسجـون
والولـد والعـود والعلـم الاول والاخيـر
ملك اياديـك الكريمـات جعلـك ماتهـون
دمت لي يادايم السيـف ولغيـري نصيـر
والسـلام ختـام والـي يريـد الله يكـون

بعد ذلك العفو شمل والد الطفل ،
القصيدة صوت: [video=youtube;11jCl31LuaY]https://www.youtube.com/watch?v=11jCl31LuaY[/video]

أرسل "طفل يطلب خالد الفيصل ،" إلى Facebook أرسل "طفل يطلب خالد الفيصل ،" إلى del.icio.us أرسل "طفل يطلب خالد الفيصل ،" إلى StumbleUpon أرسل "طفل يطلب خالد الفيصل ،" إلى Google

الكلمات الدلالية (Tags): غير محدد تعديل الدالاّت
التصنيفات
غير مصنف

التعليقات


مكسات على ايفون  مكسات على اندرويد  Rss  Facebook  Twitter